رحت ليهم قتلو : دكتور ديزولي كي خرجت فوقت الخدمة بلا استأذان...
ط. كاميليا : والله حرنا واش نديرولك يالالة...بهدلتينا وخلاص
رفد راسو غزر فيا خبطلي dossier في يدي... طاح في الارض...
... رفدتو
قالي : ادخلي و اقرايلي الحالة تع امينة سعيداني
مانيش حابة نضارب بسكو ماعلاباليش علاه راني نحس روحي بزاف عيانة وراني نحس كل حاجة تمشي بريپيتيسيون شغول ماشي تع الصح...
دخلنا لشومبرا كانت المرا تبكي وبنتها تسقسي فيها واش بيها.... غير شافتني لمرا ناضت تجري
منال : امينة سعيداني 22 سنة الاعراض تتمثل في تقرحات في الفم من صغيرة الى متوسطة...
بالاضافة الى طفح جلدي يظهر على شكل انتفاخ في مناطق معينة و احمرارها مصحوبة بحكة والم وحمى...
تم تشخيص الاولي عند طبيب ****بمستوصف ***** على انها التهابات فيروسية... وميكروبات... وتم علاجها بادوية مختلفة تتمثل في **** و ******
لكن الحالة المرضية تدهورت و فقدت المريضة قدرتها على السير...
د. عبد الوهاب : اقراي ليزاناليز وقوليلي واش رايك
قريت ليزاناليز في قلبي شفت بلي عندي نسبة كبيرة من الكريات الدم البيضاء فالدم مع ارتفاع نسبة لي پلاكات ...الخ المهم كانت باينة بلي عندها مشكل على مستوى المناعة تعها...لول بارح قريت كتاب تع امراض لي تؤثر على المناعة كاينين بزاااف مانيش قادرة نحدد واحد....سيريو وشبيا لازم نركز...هذي باينة عندها "ايغيتانويو"(les plaquettes حمورة لي خرجولها فرجليها و يديها... ) بصح... لمرض الاساسي لي سبب هذ الاعراض وحدوخر...
د. عبد الوهاب : منال!!
اه...علاه مانيش قادرة نركز راني متأكدة بلي نعرف المرض هذا مليح.... راسي راه يوجع...تخنقت
منال: عندها...
ط. كامليا : انطقي ياطفلة... وشبيك تعڨنتي ولا ماعرفتيش ؟
ماقدرتش نشوف فوجه دكتور عبد الوهاب زيد هذيك لمرا كانت تغزر فيا هي و بنتها ...فشلت... رحت حطيت ال dossier في يدو وقتلو: معرفتش...
وخرجت من تما...
ماعلاباليش وين راني رايحة... راني نترعد وشبيا...خرجت من قسم الامراض المستعصية نجري زدمت في د. فؤاد
كي شافني تشوكا قالي : منال ! وشبيكي ؟ راكي تباني صفرة
منال : مابيا والو عييت شوية برك... راني خارجة نشم شوية هوا
فؤاد : ارواحي انا نخرجك تحبي نديك لكاش بلاصة بالطونوبيل! ؟
منال : لالا ماكالاه ...ليوم نخدم ماراحش نبعد دقيقة ونولي..
فؤاد : معليش نجي نشوفك برك بسكو قلبي ماهنانيش
منال : كيما حبيت ...
مشينا حتى خرجنا مالباب ريحنا فjardin تع السبيطار.... جابلي شوية ڨاطو. .
د. فؤاد : كولي باش توليلك l'énergie ...
صح مانحملش واحد يشفق عليا مي غاضني كي راه خايف عليا هكا ماحبيتش نحرڨو خليتو مريح معايا ماهدرنا والو ....
كنا مريحيين حتى نحس واحد وقف عند راسي
قالي : salut دكتورة... تبانلي عندي الزهر لقيتك هنا بلا ماكسرت راسي مع ليزاجون ^^
شكون هذا!!
طلعت راسي ونصيب ****
.....................................................................
Slm
Wach raykum fl part ?
Vote and cmt plz 💋💖💖
part 13 ^Δ^
Start from the beginning
