مافهمتش علاه كول زوج دقايق يتبسم تقول مخلوع بلي فوسات تاوعو جاي يزوخلنا بيهم. ....بفففف
الطفلة حشمت وقاتلو: صباح النور
د. عبد الوهاب : كامليا عيطي ليماها فتيليفون قوليلها جي قوليلها بلي خرجت الريزولطا
ط. كاميليا : dcr
عيطتلها و هدرت معاها...
بقا د. عبد الوهاب يڨسر مع كاميليا واحد الربع ساعة لحقت يماها واقيل يسكنو هنا برك... علابيها د. عبد الوهاب قاللها ارواحي فهاذ الوقت...
بون كنت واقفة قدام الطفلة كي سمعت د. عبد الوهاب و كاميليا يهدرو معاها بقيت نسيي نشوفها.... دخلت مليح باش تسلم على بنتها و طاحت عيني على عينها تبلوكينا في زوج....
كانت مرا صورة طبق الاصل على خالتي حميدة...
وهي بقات تغزر فيا مشوكيا وجها ولا صفر...
الطفلة (امينة) : ماما! وشبيكي ؟
عقلي فهذ اللحظة كان طافي ماكنت قادرة نخمم علاش هذ المرا تشبهل لخالتي!!
لالا بلاك مانيش حابة نخمم اصلا...
دنات ليا وحطت يدها على كتفي وقاتلي : منال؟
غزرت فيها مالفوق للتحت : تعرفيني؟
قاتلي : كيفاش مانعرفكش منال انا.... *قاطعتها*
منال : شبهتيني كاينا الف منال فالجزائر نحيتلها يدها و جيت خارجة
جا يجري مورايا د. عبد الوهاب حكمني من يدي و دورني ليه ..
منال : اطلقني. !
د. عبد الوهاب : علاش عاملتيها هكاك ،تعرفيها؟
منال : ياك جاوبتها قدامك... مـــانــعــرفــهـــــاش!!!
د. عبد الوهاب : تصرف تاعك معاها دون المستوى.... كي خرجتي لمرا قلبتها بالبكا...
منال : ....هذي هي شخصيتي...*نحيتلو يدو وطلعت لسطح*
ريحت وحدي وبقيت نخمم :
علابالي شكونها بصح مانعرفهاش ومانيش حابة نعرفها ..هذي هي المرا لي رماتني و هربت هذي هي لمرا لي دمرتلي حياتي على اساس حياتها... واش الفرق بيني و بين هذي امينة باش هي تربيها و انا ترميني؟!!!
هربت مالتما شغول انا لغالطة بصح كون ماخرجتش كنت كاشما حانقوللها قدام بنتها...
استغفر الله ...
عاوت نضت و هبطت للكولوار هذاك لقيت د. عبد الوهاب مشنف و ط.كامليليا تكالمي فيه...عند الباب تع الشومبرا...
part 13 ^Δ^
Start from the beginning
