د. عبد الوهاب : ا.... بسكو ليوم حانفطرو كامل كيف كيف...
ط. كامليا : عبد الوهاب!! ماشي تفاهمنا نفطرو كيف كيف؟
د. عبد الوهاب : ايه و ماكذبتش ياك نفطرو كامل كيف كيف دونك نتي تان معانا
ايواااه كيفاه جوزلي اللقمة و المصفارة هذي مقابلتني.... مي مانرفضش خير ....
يوسف : اه اوكي هكا خير...
بقيت انا ويوسف نڨسرو على الجاميعه و الكتابات الجدد لي جابوهم... قالي تحبي نديرو نهار نروحو لافاك مع الاء... .كملنا نڨسرو مام د. عبد الوهاب كان يڨسر مع ط. كامليا ماعلاباليش وش راهم يهدرو جبدو روحهم شوية... مي يبانو بزاف قراب من بعضاهم ....
جات الاء و جابت لي وصاها عليهم د عبدالوهاب قراهم وقالنا "تبعوني"
دخلنا لشومبرا رقم : 461 كان واحد الجان مكسل ويغزر فالتاقة...
د. عبد الوهاب :السلام عليكم محمد انا د. عبد الوهاب و حانشخص حالتك...
دار لينا محمد شاف فينا بالواحد...
محمد : راني حاب نروح لدار
د. عبد الوهاب*يتبسم* : علاه ماقاموش بيك هنا؟ ولا ماعجباتكش الماكلة؟
محمد : لالا... بصح حبيت نروح
د. عبد الوهاب : ماتقلقش روحك نوعدك نشخصلك مرضك ونعالجو باش ترجع لداركم فأقرب وقت
محمد : يعيطيك الصحة
مد دكتور عبد الوهاب dossier ليوسف وقالو اقراه
يوسف : محمد كركار ، 35 سنة يعاني من ألم وتيبس على مستوى المفاصل... بالاضافة إلى حساسية شديدة تظهر على مستوى الوجه لسبب مجهول...و ألم على مستوى الصدر و فقدان وزن معتبر في مدة قليلة بالإضافة إلى حمى و إرهاق شديد....
د. عبد الوهاب : همممم....الاء واش لازم نديرو ؟
الاء : ااا.... ليزاناليز... لازم فحص شامل
د. عبد الوهاب *يتبسم * : اوكي مالا نتي و يوسف تسكلفو بيه... روحي عيطي للفارمليه تنحيلو الدم و اديه لابو كي تخرج الريزولطا ارواحي ليا...
الاء : اوكي دكتور
يوسف *غمزلها وبدا يضحك*
خرجنا من تما رحت مع د. عبد الوهاب للشومبرا رقم 407 دخلنا كانت طفلة راقدة...
ط. كاميلية راحت نوضتها غير بلعقل
كي فطنت مليح قاللها د. عبد الوهاب : صباح الخير *يتبسم*
part 13 ^Δ^
Start from the beginning
