T R I C K E D (NGS #2)

7th TRICKED

Tumayo siya ng tuwid at sinamaan ako ng tingin.

"Palagi ka naman talagang wala sa kontrol. Dahil kung meron pa, sa umpisa palang hindi ka tatakas."

I made faces. Kalaunan ay nauwi rin iyon sa pagsigaw dahil inakbayan niya na ako at ginulo ang aking buhok.

"Napakawild mo," sabi niya sa akin habang nagpupumiglas ako.

"Ang boring niyo kasing kasama! Kung sinasali niyo sana ako diyan sa basketball niyo ay mag-eenjoy pa ako," sabi ko habang natatangay na sa kanyang paglalakad palabas ng bahay.

"Gusto mong sumali? Ano? Ikaw ang ishoot ko sa ring ganoon ba?"

Mas lalo akong nainis at itinulak siya palayo sa akin. Ako na nga itong may sugat ako pa ang inaagrabyado.

Tumawa siya at inakbayan ako lalo.

"Lumayo ka nga! H'wag ako ng pestihin mo!"

"Peste ka rin," pang-aasar niya na ikinabusangot ko nalang.

Nakasalubong namin ang dalawa at nasa akin agad ang tingin ni Franca, nangingilatis na naman ang mga mata sa suot niyang dress at nakaponytail na buhok. Syempre, hindi ako nagpakita ng isang araw, macucurious talaga ang gaga na iyan dahil lahat nalang ata ng bagay ay binabantayan niya. Ganoon siya kabored.

"Pumayag kang makipagkita kay Bryce?" tanong niya sa akin nang lumebel siya sa paglalakad at nalalaglag pa ang tingin sa aking paa na medyo paika ika.

Tiningnan ko sa likod namin ang kambal na mukhang wala namang narinig saka ko ibinalik sa kanya ang tingin.

"Shut it."

"Anong ginawa niyo? Ba't ganyan kana maglakad? Pinasukan kana?" kalmado niyang tanong sa malambing na boses na ikinalaki ng aking mga mata.

"Of course not!" I hissed, "nadisgrasya ako sa motocross namin."

"Ah..." tumango tango siya saka ulit nalaglag ang tingin sa aking gitna. Naasiwa ako roon at matalim siyang tiningnan.

"Do you want an evidence?" akma kong itataas ang isa kong leggings pero umiling na ito at tumawa.

"Naniniwala na ako. Eh alam ko naman kung sino ang gusto mo..."

Ang demonyitang ito!

Tumuwid ako sa pagkakatayo at iniarko ang kilay.

"Hindi purket marami na akong karanasan sa mga make-outs ay ganoon na ako kasakim sa sex. Wala pa iyon sa utak ko." paliwanag ko sa kanya.

"Weh?"

I glared at her. Ang hilig talaga nitong magpainit ng ulo. Parehas sila ni North, ang hilig hilig mang-asar at talagang nakakapikon!

"Eh kung makatitig ka nga parang nanghuhubad na." bulong niya pa, sapat lamang na marinig ko.

Sinasabi ko na nga ba at binabantayan ako ng babaeng ito. She's really nosy! Pinapakialaman niya lahat ng bagay na pwede namang hindi nalang pansinin.

Hindi na ako nakipagtalo pa at tumahimik nalang. Iba ang takbo ng isip niyan at parang sinusulsulan ng kung anong demonyo kaya ganyan nalang kadumi ang iniisip.

Pagdating sa clubhouse, nagkalat na naman ang magpipinsan. Mabilis kong nahuli ang pasimpleng paglingon sa akin ni Toshi, ang mga mata ay may pinapahiwatig agad. Nag-iwas ako ng tingin at itinuon sa bleachers kung nasaan ang magpinsang Fortalejo. Zera and her cousins are here too.