مرحبا اني سونام ... اني بنت مسيحيه وحيدة أمي وابوي كل يوم صبح أروح شغلي اشتغل في البنك واني أمشي بدت تمطر بغزارة واني دا أحاول اهرب من المطر أنصدمت بشاب شكلو جميل ويلفت ألانتباه بهاي الحظات يكولي تعالي ادخلي بهذا المحل حد مايوقف المطر دخلنه المحل تحاورنه اشوي شنو اشتغل وعرفت هو شنو يشتغل مهندس كهرباء وبقلبي اكول لا يوقف المطر خليك مستمر بس يتوقف كلمن راح بطريقة أمشي والتفت ورايه ماشفته التفت عليه ضجت بس كملت طريقي وهو في بالي جانت احلى صدفه أول مره هيج انعجب بشخص ويظل بعقلي كملت يومي وأفكر بالصار وراح يوم واجه يوم كل يوم أمشي بنفس الطريق ع أمل أشوفه ورى شهر قنعت نفسي انسى واستمر بحياتي وفعلا رجعت ونسيت كولشي اجت صديقتي تكولي خلاص راح انخطب فرحت الها وعزمتني ع خطوبه اسم صديقتي حنان رحت ويا حنان وأختاريت فستان الخطوبه ... صديقتي مسلمه وزواجها زواج تقليدي عن طريق أهلهم سألتها شنو رأيج بيه ردت عليا اختيار اهلي واني واثقة من اختيارهم رديت عليها وانتي يمكن تفكيركم مختلف ترد عليه لا شفته وحسيته شخص متفهم وحلو ومثقف وكافي انو عنده وظيفه المهم كملنه تسوقنه ورجعت للبيت وأفكر بكلامها وبداخلي اكول مستحيل هيج تكون طريقة زواجي إذا مو عن حب صار يوم الخطوبه وجهزت نفسي والبسة فستان اسود قصير رفعت شعري ونزلت خصلتين حبيت أكون طبيعيه بشكلي دخلت للحفله والكل دا تباوع عليه حسيت بخجل وفكرت بيه شي غلط بصدفه اسمع نسوان اثنين مو تردين ابنج حلوه اخطبيها ولا تفوتيها ابتسمت سألو أخت صديقتي منار منو هاي البنت ردت منار صديقة حنان اجتني المره بنتي وين ساكنه كتلها مكان سكني سألت عن اسمي كتلها سونام تعجبت من اسمي كتلها خالتي اني مسيحيه حسيتها بسرعه أنسحبت من يمي المهم ركضو البنات حنان وصل العريس واني مكاني كاعده ماتحركت دخل خطيب حنان ماشفته كولهه حواليهم اجتني منار كومي سونام تعالي صوري وياهم مشيت بأتجاهم اشوف خطيب حنان نفس الشخص إلي ضليت ادور عليه وسكن قلبي شهور ماعرف شنو اسوي بين عليه اني انصدمت أحاول ابتسم شافتني حنان تعالي سونام اعرفج ع محمد خطيبي جان محمد دا يضحك أول مااجت عيونه بعيوني أنصدم مثلي عرفت انو ما ناسيني محمد هاي سونام صديقتي اهلا واسهلا محمد اهلا سونام طول الحفله ينظر عليه واني هم اسرق نظرات حسيت اكو كلام بينه عن طريق العيون رجعت البيت ماكدرت اتحمل بجيت واكلم نفسي لا تكوني حقودة حنان صديقتج ولازم أتمنى الها سعادة ...يتبع
