المرا : *تبكي* سفيان...سفيان مات؟
راهي على لي كان يسوق! بالاك راجلها..
منال : madame انا طبيبة و راني هنا باش نعاونك نتي وو ليدك ..ولازم تعاونيني اذا راكي حاباتو يكبر و تفرحي بيه!!
لازم نقنعها تتخطى هذ الصدمة ...والحل الوحيد هو وليدها
المرا : بص...ح كيفاه ...حايكبر بلا باباه...
منال : ووعلاش مايكبرش ؟ انا كبرت بلا يما و بلا بابا و بنيت مستقبل تاعي وحدي علاه راكي تحطمي فحياتو برايك هذا!
طلعت راسها بلعقل و غزرت فيا و الدموع يطيحولها قاتلي : ...نقدر....!!
منال : بيان سور تقدري!!
*باست وليدها و هي تبكي*
قاتلي : كيفاش نخرجو منا ؟
منال : قوليلي قبل عندك كاش ضربة ؟
المرا : ايه طرطق عليا الزجاج جرحني
منال : وماخبطتيش راسك؟
المرا: لالا , كنا حابسين فسيركيلاصيون كي طاح فوقنا الحجر.. وكيما راكي تشوفي طاح الحجر لكبير من جيهة سفيان ...*تبكي*... كان حاس قاعد يقولي ريحي ماللور مع أيمن و عسيه...
منال : سلّك وليدو نورمالمون ايمن هذا كي يكبر يفتخر بباباه...
المرا : ان شاء الله
منال: هاتي البيبي خليني نفحصو
فرشت فلارض بالقماش و حطيتو فحصتو كان لاباس بيه الحمد لله تغم شوية من ريحة ليسونس و الغمة لي لداخل لازم نخرجوه درتلو قناع تع التنفس ورفدتو ...
منال : ايمن راه مليح درتلو قناع تع التنفس باه
ما يتغمش
المرا : ص.. حي
*فقدت الوعي*
منال : ياربي كيفاه ندير قاتلي ماعندها حتى ضربة علاه تصرعت ...
جريت بيد وحدة تفحصت النبض تعها كان بطيئ شوية ..لازم تخرج منا دوك
روحت نجري و انا رافدة ايمن لبرا ...
غير وصلت للخرجة لقيت الحماية بداو يحفرو للداخل .... و شفت د فؤاد يهدر مع لابوليس و باين كان مقلق حتى نسمع واحد يعيط منال!! غزرت من جيهتو لقيتو د عبد الوهاب يغزر فيا مشوكي... جيت رايحة ليه باش نقولو على المرا ..
حتى طاحو الحجر على الدخلة غلقو عليا الطريق لي دخلت منها...مزية كنت بعيدة شوية...
كي راهم يحفروا طاح هاذ الحجر... هذو مهابل حبو يكملو يدفنونا كامل هنا....
بديت نرجع للور ماعنديش الوقت نسناهم يعاودو يفتحوها...بسكو يمات الطفل حاتموت... !!
رجعت للطونوبيل غطيت ايمن مليح بالقماش و حطيتو في جيهة ...
حوست على حديدة و حليت الباب تع الطونوبيل بسييف ...
المهم كسلت المرا مليح على الكوسانة و فحصتها مليح ماعندها حتى كسر فرقبة ولا.... راهي فاقدة للوعي برك و عندها شوية جرحات تع الزجاج لي تكسر... حبستلها النزيف و نحيت الزجاج لي حاصل فاللحم و عقمت الجرحات مليح و غطيتهم...
درتلها قناع التنفس ماحبيتش نحركها بزاف حتى نتأكد بلي راهي مليحة ... كي نديرلها فحص شامل فالسبيطار ...
رفدت راسي شفت زوج طونوبيلات وحدوخرين قراب شوية رحت ليهم لقيت لداخل منظر كارثي...
ماعندي مانحكي فطونوبيل لولة زوج يبانو رجال ميتين طاح فوقهم مورصو كبير من ال tunnel مساكن كرازاهم عرفتهم بلي رجال بسيف... و لي موراها يبانو عايلة زوج بنات صغار و مرا و راجل كيف كيف طاح عليهم حجر كبير ..
و كامل عندهم ضربات كبار... ماكاش كيفاش نوصفهم... إنا لله و إنا اليه راجعون ...
اول مرة فحياتي نشوف عباد ميتيين بهذ الطريقة قدامي ربي يرحمهم...
كنت واقفة حتى نحس تراب يطيح فوقي.. شفت للفوق ورجعت نجري للور مِي trop tard "طاحت عليا حجرة ماشي كبيرة بزاف فقدت 'l'équilibre وطحت... تجرحت في راسي..حسيت تفتحت شوية مسيت بيدي لقيت فيها الدم... .سييت نوض لقيت رجلي حاصلة تحت الطونوبيل... بسيييف جبدها لقيتها مزلوحة بزاف...
*صوت بيبي يبكي*
ايمن! راه يبكي... روحت ليه بسيف... (رجلي توجع) شفتو راه لاباس بيه بلاك جاع برك... شفت يماه تتحرك بالعقل رحت ليها و فحصتها بدات تسترجع الوعي تعها مزيية...
كنت نفحص فيها حتى نحس واحد شدني من كتفي ودورني ليه فور...
منال : د . عبد الوهاب!!
........................................................................
••• ان شاء الله ماتنساونيش بالفوط و الكومونت بسكو عدد المشاهدات بالالاف و لي فوط شوية برك والله المورال يحبطلي لي قرات ونسات باش تحط فوط تولي وتحط تعيشو و مرسي 😍💋💖💖
part 10 ^^
Start from the beginning
