بكلمة عمري والعمر فاني .. انت غير الناس عندي ولَك غلا ثاني

40

عند مهره.. من بعد ما راح فهد راحت قسمها عشان اتشوف حمدان .. دخلت الغرفه لقته منزل راسه بين أيديه ومعطنها ظهره
مهره: حمدان
حمدان: مهره اطلعي برا .. ما ابا اسمع منج شيء
مهره وهي تحط أيدها على كتفه : حمدان عاد ... اسمعني انزين عطني فرصه اشرحلك
حمدان : بتشرحيلي شو بالضبط ها
مهره: على الي أحس فيه
حمدان بعصبيه: شو الي تحسين فيه ... انتي مستوعبه شو قاعده اتقولين .. كم مره اقولج لا تيبين هذي السيره
مهره: حمدان ممكن تهدا شوي .. انا حلمت حلم واحس قلبي منقبض يعني اكيد الشيء هذا بيصير
حمدان بصراخ: مهههره !! ... بس خلاااص كل هذي الاشياء مجرد احلام وأوهام ما في شيء صدق .. انتي تتخيلين هذي الاشياء .. خلاص وقفي عن هذي الاشياء .. انتي تعرفين ان اذا تميتي جذي تفكرين يتيح الحاله وصراحةً محد متفيج
مهره قعدت على الكرسي ونزلت راسها وصاحت ... اما حمدان طلع برا الغرفه يهدي نفسه وبعدين رجع ولقاها على نفس وضعيتها لكنها وقفت صياح .. راح حمدان وقعد عندها
حمدان وهو ماسك أيدها: اسف لاني صارخت عليج قبل شوي .. ما كان قصدي بس لاني تنرفزت من الي قلتيه
مهره: انا ما قلت الا الي احس فيه .. وبعدين قتلك اني حلمت في هالشيء
حمدان وهو يمسك ويهها : حلم يا مهره حلم .. ما في شيء صدق .. يمكن لانج متوتره وخايفه من سالفة الولاده عشان جذي .. لا تطرين هذي السالفه مره ثانيه .. وكم مره قتلج ما احب اسمع كلمة الموت منج .. وبنتنا نحن الاثنين الي بنراعيها وبنربيها وبنهتم فيها وكل شيء .. لا تفكرين في اشياء اتعبج واتعبني معاج اتفقنا !!؟
مهره هزت راسها بهيه وقربت منه بهدوء وطبعت على خده بوسه رقيقه : اسفه على الكلام الي قلته
حمدان سحبها لحضنه : يزينج وانت هاديه وتسمعين الكلام .. خلج جذي دايماً
مهره ابتعدت عنه وحطت أيدها على بطنها
حمدان: شفيج
مهره: قاعده ترفسني هههههههه
حمدان: شكلها مب عايبنها انج تكونين هاديه
مهره: ههههههههههه يلا عاد تحسسني ان دوم ازعاج
حمدان: اوووووف على الإزعاج اليومي .. حتى وانتي راقده ازعاج
مهره: لا والله
حمدان: والله العظيم ... صرتي وايد ترفسين .. لكن اليوم قررت قرار ومستحيل أتنازل عنه
مهره: والي هو
حمدان: من اول رفسه بشلج وبخليج ترقدين فالغرفة الثانيه عقاباً لج
مهره: هههههههههههههههههههههههههه
.................................
ف سيارة فهد .. كان متوتر وبناته مستانسات لأبعد حد لدرجة انهم قاموا يتوقعون ردة فعل الكل لما بيشوفونهم
شمايل: شما انتي خليج عندي نبا ندخل مع بعض
شما: لا ما ابا ابا اروح عند عمومهره وعمي حمدان
شمايل: انزين بنروح مع بعض
شما: هم ما يعرفونج انزين
شمايل: بابا انت ما قلتلهم عني انا
فهد: كلهم بيعرفونج بعد شوي
شما: بابا عمو مهره موجوده
فهد: هيه موجوده
شمايل: بابا متى بنوصل
فهد: بعد شوي
شما : بابا م..
قاطعها فهد بعصبيه: خلاص اقعدوا على الكرسي ووقفوا من هالأسئلة الخايسه
شما وشمايل رجعوا ورا وحضنوا بعض وتموا ساكتين يطالعون ابوهم
خذ فهد فونه واتصل ف مهره
مهره: الو
فهد: بعد شوي بوصل .. اباج اتجمعين الكل اذا ما عليج امر
مهره: ان شاء الله .. وين البنات
فهد: موجودين .. مهره خبري حمدان لان ابا حد يكون معاي
مهره: خلاص الحين بكلمه .. اذا وصلت طرش البنات عندي
فهد: اوك
مهره: مع السلامه
::::::::::::::::::::::::::::::::::::::::::
وصل فهد البيت وكانوا مهره وحمدان يتريون البنات فالحديقة لانها بعيده شوي عن قسم ابو حمدان .. شما اول ما شافت مهره راحت وحضنتها
مهره: يا حياتي انا .. وينج انتي اشتقتلج وايد
شما: كنت فالبيت انتي ما يتي بيتنا
مهره: خلاص الحين انتو بتقعدون عندي
حمدان: ما تبين اتسلمين عليّ
شما بفرحة: عمي حمدااان
حمدان حضنها وشلها : شحالج ؟؟
شما: بخير
سلموا مهره وحمدان على شمايل وقعدوا يسولفون معاهم شوي وياهم فهد
فهد: السلام عليكم
تقدم منه حمدان ومسكه من ياقته: ولك ويه بعد تيي بعد الي سمعته
فهد: حمدان تراك ما سمعت كل شيء
حمدان بعصبيه وهو يشده اكثر: وليش في جزء ثاني لكذبتك هذي بعد!!؟
مهره وهي تمسك حمدان: حمدان هده مب جذي تنحل الأمور .. ادخلوا داخل واتفاهموا وبعدين لا تسوي فيه جذي قدام بناته هده
حمدان مسك فهد من ذراعه وسحبه داخل قسمه
شمايل: عموه .. عمي ما بيسوي ف بابا شيء صح
مهره وهي تمسح على راسها: لا حبيبتي بس بيتكلمون
شما: يعني ما بيسوي مثل خالي !؟
مهره باستغراب : ليش خالج شو يسوي
شمايل: يوم كانت يدوه عندنا كان اي البيت ويضربها ويصارخ عليها .. بعدين نحن انكلم بابا ويوم اي البيت يتضاربون هو وخالي
شما بخوف: كانوا يخوفون .. لان كله يصارخون ويتضاربون نفس الي فالتلفزيون
شمايل: ومره كانوا يتضاربون وبابا نزل من راسه دم
مهره بشهقه: هههىىىىىىئ ... استغفر الله العلي العظيم .. تعالوا خلونا انروح داخل عيل
شما وهي تمسكها : لا عموه لا تروحين بتخافين بعدين
مهره وهي تحضنها: لا تحاتين حبيبتي ما بيصير شيء ان شاء الله
دخلت مهره والبنات وسمعت فهد قاعد يكلم حمدان والظاهر ان حمدان فهم السالفه وهدا ... البنات يوم شافوا ابوهم راحوله ركض .. ومهره قعدت عند حمدان
شمايل : بابا فيك شيء
فهد بابتسامه: لا ما فيني شيء
شما: استوا نفس خالي
فهد هز راسه بلا وهو يطالع حمدان
حمدان: لا يكون كان يمد ايده على البنات بعد
فهد : لا .. ما كان يقدر على البنات لان كانوا على طول فالغرفة ومعاهم المربيه
حمدان: وليش ما أمنت على اليده بنفس الطريقه
فهد: كانت ترفض .. حتى اني أجبرتها مره بس ما تحب حد يحرسها ويتابعها 24 ساعه .. كانت اتقول الله معاي وهو الي بيحميني
مهره: انزين ليش ما كانت تشتكي عليه
فهد: مهره محد يقدر يشتكي على ضناه ويشوفه ينسجن ويتعذب قدامه
حمدان: وكيف بتخبر قوم امايه الحين
فهد: ما ادري بس أباك تكون معاي
حمدان: اكيد بكون معاك
شمايل: بابا شما تعبانه
شما: لا ما فيني شيء
شمايل: لا تكذبين اوك .. تراني اعرف
شما: انا ما اكذب اوك انتي الي تكذبين
شمايل:لا انتي
شما: انتي
شمايل: انتي
شما: ا ..
قاطعهم فهد بعصبيه: وبعدين يعني ها ...رديتوا تتضاربون
شما: بابا شوفها تقول عني كذابه
شمايل: انتي الي بديتي
شما:لانج تقولين اني انا تعبانه
شمايل: انزين صدق انتي تعبانه
شما: مب على كيفج
شمايل:انا قلت لاني اعرف
شما: لا ما تعرفين
شمايل : اعرف
شما: ما تعرفين
شمايل: اعرف
شما بصريخ: قتلج ما تعرفي..
فهد بعصبيه: شمااا وشمايل اذا ما سكتوا بتنضربون ترا .. خلاص جب ولا كلمة ما ابا اسمع صوتكم فهمتوا
شما و شمايل: اسفين
مهره: حرام عليك ليش تصارخ عليهم جذي
فهد: طفروني .. من اول ما طلعت من البيت وهم على نفس الحاله
مهره: يهال انزين
فهد: ما عندي يهال انا على طول بربطهم على الشجر
حمدان: انزين شفيك اتصارخ بسم الله .. وبعدين لو سمحت لا تصارخ على my wife .. وثاني شيء يويلك لو صارخت على البنات مره ثانيه
مهره: شفته كيف يصارخ ويا صوته اتقول بانشي خربان .. حتى بنتي انصدمت وقفت حركة فجأة
الكل: هههههههههههههههههههههههههه
فهد: ههههههه من وين تيبين هالمصطلحات
مهره: من قاموسي
حمدان: يلا قوم خلنا انروح نكلمهم
راحوا حمدان وفهد وفتحوا الموضوع مع اهلهم و امهم عصبت من فهد وايد وقالت انها مستحيل ترضى لين صدمهم رد ابوهم
ابو حمدان: اول شيء اسمعي سالفة حرمته وبعدين احكمي على راحتج .. ولدي فهد ما اتزوج مني والدرب .. وأدري انه كان متردد وايد قبل لا يتخذ هذا القرار .. بس والنعم فيه الصراحه يوم فكر هذا التفكير
فهد بصدمة : ....
.
.
.
.
.
.
.
.
.