مطر مطر عاصي
طول شعر راسي
راسي بالمكينه اكل حب وتينه
٠٠٠٠٠٠٠٠
عندي عصفور صغير.
ربيته على ايدي
طعمته حبة البي
وسكيته دمعة عينب
لمن كبر وتريش
كام ينكر بخدودي
كل الناس حسدوني
واخذو عصفوري مني
٠٠٠٠٠٠٠٠
ياطير غني غني
على جناحك طيرني
وديني للبساتين
اشرب ماي اكل تين
٠٠٠٠٠٠٠٠
ماجينه ياماجينه
حلي الجيس وانطينه
البيت الله نوديكم
والمكتنه المعموره
والجان ماتنطونه بيبانكم نكسره
ياهل السطوح تنطونه لو نروح
جبو علينه الماي بيت اهل الفكر
٠٠٠٠٠٠٠
يابط يابط اسبح بالشط
قل للسمكه اتت الشبكه
ابعد عنها تنجو منها
٠٠٠٠٠٠٠٠٠
ارنب نط نط نط
ارنب نط بالمغاره
كمزت عليه الفاره
الفاره هندي هندي
اليله باتت عندي
قدمتلي هديه
حمره وخضره وماويه
٠٠٠٠٠٠٠٠٠
طلعت الشميسه
على قبر عيشه
عيشه بنت الباشه
تلعب بالخرخاشه
يافاطمه بنت النبي
اخذي كتابج وانزلي
على قبر محمد وعلي
٠٠٠٠٠٠٠٠٠٠٠٠٠٠
نودي نودي نواده
سلميلي على الساده
الساده راحو المكه
جابولي ثوب وكعكه
الكعكه وين اضمه
اضمه ببطن الصندوك
الصندوك يريد مفتاح
والمفتاح يريد حداد
والحداد يريد الباب
والباب يم الحمام
والحمام بي عروس
والعروس تريد فلوس
والفلوس يم ابير والبير يريد
حبل والحبل فوك النخله
والنخله يم عبدالله
عبدالله كوم توضه
لاوالله لاوالله
عبد الله كوم تريك
اي واالله اي والله
٠٠٠٠٠٠
اجدادي راحو المكه جابولي ثوب وكعكه والكعكه وين اضمهه اضمهه بطن الصندوقالصدوق مابي مفتاح ومفتاح عند الفلاح والفلاح ايريد افلوس والفلوس بجيب العروس والعروس بالحمام دك الطبل يادمام
٠٠٠٠٠٠٠
اني سهامه مثل الحمامه
الف وادور مثل العصفور
اروح للبيت اكل جكليت
الف راسي وانام
عليكم السلام
