للقدر والنصيب كلمة اخرى

70

#للنصيب_والقدر_كلمة_اخرى

ح70
دارت هبة الكابتشينو ومعاه البريوش وسكرنا الدار
انا..احكيلي حبيبة خيرك انتي ووليد
هبة .. موضوع طويل
انا.. وانا جاية بنسمعه
هبة .. في بنت خاشة بينا معاه في العمل تبعتلي في رسائل وقحات  وتهديد بتاعت اني نسيب وليد افضلي وماتبقاش مرا اذا سكر عليا باب ومن هل الرسائل ولما  نسئله بطريقة غير مباشرة يقولي مافي شئ بيني وبينها علاقة عمل بس  معقولة وحدة تتجرا وتبعتلي رسائل هكي لو مش واخذة ضي منه حتى لو بسيط
انا.. به كيف عرفتيها انها اللي مع وليد في المكتب
هبة .. مشيت لوليد في عمله ورنيت على الرقم رن فونها ووجها تغير عرفتها هيا انا..به ليش ماوريتهنش ليه
هبة .. تبي الحق خايفة
انا.. خايفة من شنو ومرات هذي اديرلك هكي بيش انتي تسيبي وليد وهي يفضى ليها الجو
هبة .. خايفة لما نسئله يطلع في شئ بينهم ونخسره
انا..حبيتيه
هبة ..متت فيه من معاملته ليا خلاني نموت فيه لدرجة لما يجي ونشم ريحة العطر اللي مخلطة بالدخان ننتهي ونبدا شادة روحي بالغصب
انا.. طالما لهدرجة ليش ما وافقتيش يطلع الفرح لانه قاعد يستنى فيك انتي
هبة ..الحق هو واعر ونبي نكمل اخر سنة ليا من غير تقيد
انا..على اساس انه تو مش مقيدك تي هو  قاري فاتحتك عشان يقعد حق عليك
هبة .. عندك حق لكن تو شنو بندير
انا.. اسمعي لازم تخلي وليد ايجي ووري الرسائل ليه وشوفي ردة فعله وصدقيني لو بينهم حاجة حتعرفيها واذا لا تكوني اطمنتي لان مافيش اصعب من انك اثبتي التهمة فيه بدون ماتعطيه فرصة يدافع واعرة راه
هبة .. عندك حق بس خايفة يطلع في حاجة بينهم
انا.. لو طلع او مطلعش انتي الكاسبة في الحالتين حتى ولو في وحدة من الحالات خسارة
هبة ..كيف بنكون كاسبة اذا سيبني وطلع يخون فيا صح
انا.. لانك مازالتي على البر ومقرية فاتحتك بس خير ماتكوني زوجته ويصير بينكم اللي يصير بين الازواج  هنا يكون الالم اصعب ياهبة وخوذي من تجربتي صح انا حبيت يوسف بسرعة وتعلقت بيه لكن نسيانه برضو ماخذاش مني وقت لانه ماصار بينا شئ يجمع الزوج والزوجة مع بعض لكن مع احمد تو لو يصير شئ ويفرقنا نموت تعرفي كلمة نموت
هبة ..بعيد الشر ومايفرق بينكم شئ يارب
انا..امين
هبة .. وبه كان سئلني وليد وقالي  ليش دسيتي عليا
انا.. قوليله لاني واثقة فيك ومش مدورتها وبعدها هي بطلت لان بين الرسالة الاخيرة واللي قبلها عشرة ايام فتوقعت انها ايست مني لكن امس بعتتلي اخرى وهذا اللي خلاني نحكيلك لان كيلي طفح منها ونبيك اديرلها حد
هبة .. والله تفكري وتعرفي تخططي ونحن نقولو عليك بيضا
انا.. قلبي مازال زي ماهو ابيض لكن عقلي هو اللي كبر وتغير
هبة ..لكن انا خايفة يعيط هنا ومانبيش اهلي يحسو بشئ
انا..ساهلة هذي تو نخلي احمد يكلمه ويجبه عندنا وانتي اتصلي بيه وقوليله انه في موضوع بتحكيه ليه وماتبيش تتلاقي معاه في حوشكم وهي معاي
هبة.. خلاص حبيبة رني على احمد قبل
انا
اتصلت باحمد وقالي خلاص ساعة ونقوله بجي بيش نلحق انجي نجيبكم
ووتينا روحنا وجانا احمد ومع ان عمتي فاطمة شدتني واجد وقلت ليها مرة ثانية غير بنسافر وبتوتي هبة معاي وطبعا هبة زمطتها لاني ماقلتش ليها ولما ركبت السيارة
هبة .. بتسافري وين خيانة من وراي
احمد.. لا والله ماكانت تعلم الا اول امس بس وكنا لاهيين في المزرعة
هبة ..سامحتكم وين بتسافرو
انا..اسبوعين باريس اسبوع لندن اسبوع دبي
هبة ..بتقعدو شهر يعني واجد عليا
احمد..شهر عسل متاخر
هبة ..حقكم وربي يهنيكم
انا واحمد..امين يارب
هبة .. انتم انجليزيتكم  تمام التمام لكن في فرنسا كيف بديرو
احمد.. اكيد بندورو مترجم واكيد حنلقو عندهم اماكن تتعامل بالانجليزي انا..نحن بناخذو ليك هدية وبما ان ماشيين لعاصمة الاناقة اطلبي وتمني
هبة ..انتم كرماء وانا نستاهل
انا..ادللي المهم حلي مشكلتك وحبيبة حددي العرس افضل ليك وليه طالما انتي تبيه هكي
احمد.. هو انتي عشان  ماتبيش يتحكم فيك لما تقري هذا العذر اللي دايرتيه مع ان لو تركزي هو مقيدك واجد تو لبسك تغير وطلعتك الا باذنه لانه بالاصل راجلك فنحس فيه ياهبة عذرك مش منطقي
هبة.. تبو الحق وليد يبي عيال على طول وانا هذي اخر سنة انحس في روحي مانقدرش نوفق بين الاثنين
انا..غير انتي اتزوجي والامور تنحل بالهدوء وبعدين انا واحمد قاعدين نعاونوكم
احمد.. والله على قلبنا زي العسل
هبة .. غير انتو اشقو باروحاكم وفرحونا ببيبي
احمد.. لامازال بنستمتعو نحن تو وبعدين ساهل
ومسك ايدي وباسها بنعومة
هبة.. احم احم شكلكم نسيتوني
ووصلنا للحوش وسلمنا على عمتو وخش احمد يستنى في وليد وانا وهبة وتينا القهوة وعمتو فهمت الجو مادورتناش وخشت لدارها وقالت كان تبو حاجة كلموني
وجاء وليد وطلعت ليه هبة وخليناهم بروحهم بعد ماسلمنا عليه
وليد .. ان شاءالله خير شغلتيني حبي
هبة.. ان شاءالله خير حبيبي
اولا شوف هذين قبل وبعدين تو نقولك
وليد قعد يقرا في الرسائل ويغلي ولما كملهن
وليد .. من الحيوانة اللي بعتتهن ليك
هبة ..كيف ماتعرفش الرقم
وليد .. منين نعرفه
هبة .. هذا رقم احلام اللي معاك في المكتب
وليد..تحكي جد وكيف عرفتي
هبة .. حكت ليه كل شئ ولما قاللها وليد ليش ماقلتيش من قبل قالته نفس ماقلت
وليد .. ياقلبي انتي تحملتي على روحك وكله على امل انها تبطل هالحيوانة
هبة .. ايه تحملت وخفت تكون حتى انت وعطيها ضي
وليد.. معقولة تقولي هكي انا اعجبت بيك ولما تميتي على ذمتي متت فيك وحبيتك وغير يهديك ربي نطلع الفرح تو لاني معاش نصبر
هبة
حضنته وبكيت لاني  حسيت اني كبرت الموضوع وخفت من شئ مش موجود اصلا
وليد
جت ضمتني واول مرة اديرها رغم كذا من مرة جيت بنضمها كانت تصد فيا بطريقة غير مباشرة وحسيت فعلا انها حبتني زي ما انا نحبها
هبة .. اسفة وليد عشان ماطلت في موعد الفرح
وليد .. قصدك عادي نحدده تو
هبة .. اه بس يكون بعد شهر من تو
وليد ..عليش
هبة ..على خاطر احمد وعبير مسافرين شهر عسل متاخر
وليد ..ربي يهنيهم وشكلهم يبو هدية تو على خاطر رايك تغير على الفرح
هبة ..صح هما السبب
وليد .. استني قبل ترا ملي عليا رقم احلام
هبة .. عليش
وليد..تو تعرفي
هبة
مليت عليه الرقم واتصل بيها وهزب امها هزيبة محترمة بردت خاطري وخذت حقي  على الوقت اللي فات وانا  عايشة مهمومة 
هبة .. خلاص حبيبي مكانش الامر مستحق
وليد .. ومازال بكرة بنطلب ينقلوني من المكتب ويحطوني في مكتب مافيشي بنات
هبة .. ربي يخليك لي يارب
وليد .. لكن انا نشكرها احلام اللي سببها قررتي تحددي موعد الفرح
هبة .. نحبك وليد
وليد .. وانا نموت فيك
عندي واحمد
انا.. حبيبي زعمك شنو يصير معاهم
احمد.. كل خير وليد عمره كبير وعلى وعارته متفاهم  وعقله اكبر
انا.. ربي يخليهم لبعض وان شاءالله ربي يهدي هبة وتقرر اتحدد الفرح
احمد.. ان شاءالله والسبب اللي قالته تقدر حتى بعد الزواج تخليه يغير رايه
انا.. زي ما انا قادرة نخليك تخليني نعدي للدكتورة
احمد.. حبيبتي انا مازالت مانبيش تعاني من تو وغير ذلك وكان يطلع وحمك واعر زي نانا وننحرم منك والله نموت
انا..بعيد السو عليك ياقلبي
احمد
انا مانبيهاش تتبهدل ومرات تحاول ومايصيرش تتازم وخصوصا ان هذي اخر سنة جامعة نبيها تقرا وهيا مرتاحة وبعدين لاحقين عليها المعانة وان شاءالله يارب ماتتعب واجد 
ونادت علينا هبة ومشينالهم
وحكت لينا انهم قررو يحددو موعد الفرح بعد مروحاتنا من السفرة وفرحنا ليهم واجد
وليد.. هي عطوني الاذن خير مايجي فتحي ويلقاني هنا نقعد في موقف بايخ
احمد.. عندك حق
وسلم وليد علينا وطلع هو واحمد
وليد.. شنو درتو لهبة
احمد..مادرنا شئ والله غير قلنا ليها اللي تبي تسمعه ومقتنعة بيه غير خايفة
وليد.. تصدق ياراجل مش هيا مرتي وحلالي على قد ماكنت نجيهم في الحوش ونحاول اني نضمها كانت تتهرب بطريقة غير مباشرة واليوم بروحها جت وضمتني تخيل
احمد.. هبة تحبك واجد صح كان وجيجها واجد بس لما حباتك وارتبطت بيك حبت صح وان شاءالله ماتخذلها ياوليد هذي اختي
وليد.. ابدا لاني انا من النوع اللي نحب مرة وحدة وانا حبيت هبة ومستحيل نخليها اضيع مني
احمد.. ربي يهنيكم يارب
وخش علينا احمد وقالي انه ماشي للمكتب وقعدت مكسدة انا وهبة وبعدين طلعت عمتو وقعدت تهدرز معانا وبعدين فتحي جاء روح بهبة وانا حسيت بوجع كلمت عمتو وركبت وغيرت لبسة بيجامة شورت ونص كم لونها ابيض موردة بالاحمر وشكله الوجع زاد عليا  وتقريبا اول مرة يجيني هكي حاولت ننزل ماقدرتش رنيت على عمتو ركبت ليا طول
عمتو .. كنك بنيتي من شنو تشكي
انا.. عميمة مريضة انا بس اول مرة نحس بالوجع هذا وقعدت نبكي
عمتو ..عادي بنيتي تجيك بوجع واعر   لانها ادور على الصغار بس غريبة المفروض توجعك هكي لما تزوجتي لكن تو هذا ثالث شهر ووجعاتك تو
انا.. اه مش عارفة وقعدت نبكي من الوجع
عمتو ..خليني ننزل انديرلك كمون حلو ومعاه قرفة تو تهديك شوي
انا بوجع .. باه عميمة
وقعدت نتلوا على خشة احمد انفجع من منظري وجاني حضني 
احمد.. كنها نوارتي عليش تبكي
انا.. لية قوية حبيبي
احمد..هي نرفعك نعاينك
انا.. لا مش مستحقة تو عميمة بديرلي كمون تو يهديني
احمد.. حبيبي قبل ماتوجعش فيك هكي
انا.. عمتو قالت ادور في الصغار والمفروض انها وجعتني هكي في اول شهر زواج
احمد.. حضني بقوة وهمس في وذني
ماهو هذا يعتبر اول شهر زواج كنك نسيتي ياقلبي
انا..اه صح من الناحية العملية
احمد.. ههههه ربي يخليك لي
انا..ويخليك لي
عمتو ..اهو اشربيه بنيتي وتو تهدي شوي
انا.. حاضر عميمة
عمتو .. مش تخليه يصقع
احمد.. تو نشربه ليها انا كوني هانية يا امي وكان مادرلها شئ تو نرفعها للمصحة يعطوها ابرة
عمتو .. لا ان شاءالله مش حتستحق للابرة
احمد..ان شاءالله
وشربني احمد الكمون وقعدت شوي وخف الوجع ورقدت  ونضت الصبح وانا في حضنه حسيت روحي احسن من امس شوي وخشيت للحمام دق عليا احمد
احمد.. صباح الخير نوارتي حالك باهي اليوم
انا..صباح الورد حبيبي ايه كويس شوي
وطلعت من الحمام لقيته واقف قدام الباب
انا..خيرك واقف هنا
احمد.. خفت عليك اطيحي او ادوخي
انا..ربي يخليك لي هيا حبيبي خش توضى وصلي وانا ننزل نجهزلك الفطور
احمد.. لا ارتاحي تو نجهزه نا
انا.. لا حبيبي والله حالي باهي
على دقة الباب فتحت الباب لقيت زيزي جايبة الفطور خذيتها منها وضحكت
احمد.. هههه لا انا ولا انتي
انا..سلم عميمة عارفة كنتها مريضة عبت بفطورنا
احمد.. ووووواو كنتها جديدة هذي
انا.. هههه بنطلع شوي من دور البنت
احمد.. ياربي شنو داير انا في عمري عشان ربي مكافيني بيك
انا.. زي ما انا دايرة عشان ربي مكافيني بيك
هيا نفطرو وفطرنا وعدى احمد للمكتب وماعطلش جاء بدري
انا.. خيرك حمودي ان شاءالله خير جاي بدري
احمد.. اولا مافي شئ كل حاجة ماشية تمام وسند منظم الامور كلهن
وثانيا كان عندي شغل في المصرف كملته وجيت
انا..اه شنو في المصرف عندك
احمد.. نحول في الفلوس شنو بنمشو نعسلو وممعاناش فلوس
انا..اه نسيت معاها اخرى نبي نشري حاجات واجد
احمد.. تدللي ياقلبي
انا..بنقولك حاجة حبيبي
احمد.. ان شاءالله خير
انا..بما ان بنمشو لدبي نبي ناخذ بشتات حلوات وواجد
احمد.. بشتات عليش وانتي عمرك مالبستيهن
انا.. نبيهن للجامعة بما اني مدام تو واخر سنة جامعة
احمد..هو براحتك ياقلبي لكن انتي اصلا لبسك مستور
انا.. ايه عارفة لبسي مستور بس البشتات فيهن جو زي الجاكات غير واسعات ووطوال واجد بس يعني بنلبس سروال وسورية وفوق منها بشت
احمد.. ياستي اللي تبيه ادللي بيه وانا مش حنغصبك على شئ
انا.. حبيبي لو بنتحجب بتكون معاي
احمد.. اكيد ياقلبي وبعدين هذي تفرحني مش بضايقني لكن انا مانبيكش تلبسيه على خاطر حد نبيك لما تلبسيه الحجاب يكون على خاطر ربي وخاطرك
انا..ربي يخليك لي يارب
ومشن الايام ومرضتي ماطولتش اربع ايام بس وبعدها جهزنا اروحانا وسافرنا وقبل السفر بليلة كالعادة التمت الشلة كلها عندنا بما فيهم  اسامة راجل اصالة  وسماح مرت سند وخالدة مرت عبدالله
ووليد خطيب هبة  وانوار ووسيم وكان جو يهبل وجبنا عشاء من برا وبعدها روحو وباتت هبة وانوار وهنادي  معانا  لكن ماقدرتش نرقد معاهم زي قبل مشيت سيبتهم موخر رقدت في حضن حبيبي
وسافرنا وقضيت احلى شهر في عمرنا وشريت دبش واجد وهدايا واجدة