حلها د. عبد الوهاب اپري غزر فيا قالي : برفوا مادموزال عبد الكريم التشخيص تاعك صحيح 100% هيثم عندو ساركوميا متطورة بزاف...
لحقت اسوء لحظة لي هي لازم نقولو لوالديه... قلنا ليماه وباباه مالڨري كنا قلنالهم من قبل... بصح كي تأكد الخبر زادت يماه دارت حالة بالبكاء حتى باباه و طاحولو الدموع حتى هرب لبرا...
دخلت لشمبرا تاع هيثم وخليتهم يصبرو في يماه.... .
غير دخلت غزر فيا وتبسملي... غاضني بزااف...
ماقدرت نقولو والو بسكو قاتلي يماه ماتقوليلوش واش شكيتو عندو... كذبنا عليه فالتصوير بالرنين قلنالو فحص روتيني...
ريحت قدامو و بديت نفحص فيه قتلو : ياك ماراه يوجع فيك والو...
هيثم : لالا راني مليح....
سكتنا في زوج كنت بالعة القنطة بسكو غاضني خفت ننطق نقولو كاش حاجة....
هيثم : دكتورة منال!
منال : وي ؟
هيثم : نقولك حاجة توعديني تصارحيني
منال : بيان سور...
هيثم *يتبسم* : عندي سرطان تاع العظم؟
تبلوكيت فبلاصتي ماتوقعتش كامل هذ السؤال...بصح طفل صغير كيفاه عرف.... محال يعرف وحدو مزالو صغير...
هبثم : السكوت علامة الرضى.... مالا عندي...
منال : نقلك بصح توعدني تكون قوي!
هيثم : نوعدك
منال : عندك الحق... عندك هذاك المرض و يسموه ساركوميا...
هيثم : عرفتها ملي كنت نتكسر هكاك قريت على هذو الاعراض ...خرجلي هذ المرض بصح ماحبيتش نخلع يما... ديجا خالي مات بيه الله يرحمو.... وكي بابا جابلي بلايتيشن جديد تأكدت. ...دوك شفتي كاش أب يشري لوليدو بلايستيشن لي خرج الاخر بسكو تكسر برك... ههههه
كان علابالو وخباها في قلبو والله يتصرف كي الراجل...
منال : لازم تكون قوي باه تتغلب عليى هذ المرض و تلعب بالبلايستايشن حتى تكره....
هيثم : ههههه ان شاء الله و كون ماينفعش العلاج شحال بقالي نعيش؟
منال :......واحد 6 شهور ..بصح ماتخممش بسلبية حاينفعك العلاج و حاتبرا باذن الله ياك؟
هيثم :..... ان شاء الله تعيشي ماتقوليش ليما بلي علابالي....
منال : dacr كون مهني... بصح توعدني تقاوم هذ المرض حتى تبرا...
هيثم : نوعدك...
جيت خارجة من عندو غزرت فيه تبسملي بصح عينيه كانو يقولو العكس... بلا ما فقت تبسمتلو كي شافني تبسمت بدا يضحك... خرجت شفت د.عبد الوهاب واقف عند الباب.... زعمة يكون سمع واش هدرت مع هيثم...!!.
دورت شوية من شوية من... جاز الوقت تمتم ...ومن زهري بدات تصب الشتاء وماجبتش باراپلي... لحقت 4:30 خرجت من السبيطار ...
روحت نجري للاري و زيد طول الكار فالشتا ينقصو.... بديت نتشمخ حتى تحبس قدامي طونوبيل تاع د. عبد الوهاب... حبط ليا... قالي : اطلعي نوصلك
ماشي وقتو كامل... بصح اول مرة نشوفو وحدو بلا هذيك المصفارة...مي...
منال : لالا صاحا -_-
د. عبد الوهاب : خيري يا تطلعي يا نرفدك ونحطك فالطونوبيل...
وشنو!!!!!!!!
يتبع....
ماتنساوش فوت وكومنت اذا عجبكم البارت
part 08 ^^
Start from the beginning
