منال :....لالا ماقاتليش
د. عبد الوهاب : فؤاد ! ارواح لبرا عندي هدرة معاك...
خرجو كيف كيف و انا رحت نجري ليوسف و الاء كانو حاصلين مع الغاشي ...جاز لوقت تمتم لقيت الساعة 11:30 نص ساعة ونروحو نفطرو...كملنا الخدمة وبقينا نڨسرو حتى تلحق 12:00 باه نقدرو نخرجو المهم كنا نڨسرو...
يوسف : ليوم تخرج الريزولطا تاع التصوير بالرنين لهيثم... !!
الاء : وي ليوما تخرج ربي يستر مسكين يغيظ صغير و مريض ساركوميا حياتو تتعقد هذا اذا عاش...
منال : دوك الريزولطا هي لي تحدد المرحلة تاع المرض وين وصلت...
يوسف : صح...مايكون غير الخير ان شاء الله...
الاء : امين...والعجوزة لي عندها لوكيميا كيفاه مع العلاج! ؟
يوسف : راهي تتعالج بصح نورمالمون ليوم لخر تاعي معاها دوك يبدلي مريض بسكو حاينقلوها لسبيطار قريب لدارهم ....
الاء : اه داكور... ربي يشفيها
يوسف : ان شاء الله
كنا نڨسرو هكا حتى يدخل د. عبد الوهاب بنص كارطة : *متبسم* كملتو الخدمة؟
يوسف : ايه كملنا...
حسيتو يغزر فيا وولا يهدر معانا كيما مع الاول ماشي كيما هذ اليومين كان جابد روحو....
د. عبد الوهاب:*يتبسم* ممممم ليوم لفطور من عندي...
لالا ماشي كيما مع الاول راه ناس ملاح بزاف. .. وشبيه يتبدل كي الحال!!!...
يوسف : اووووو *يضحك*
الاء : ياي ههههه مرسي دكتوور.
منال : انا جبت فطوري من الدار صاحا... -_-
د. عبد الوهاب : ....مانقبل حتى عذر تاكلي معانا
راه يبان ماشي نورمال واشبيه يرعش هكا... زعمة كي عرف بلي ماشي انا لي طلبت ليزاناليز... بصح محال علاجالي يولي هكا... شكون انا بالنسبة ليه باه يهتم اذا ظلمني ولا لالا....
منال :....
ماقلت والو بسكو السيد ديجا شاحن فيا بلا مانخرب الحالة كثر راني مليحة لي عرضني معاهم... بصح انا اصلا مايهمني لا هو لا ماكلتو...
رحنا للكافيتيريا تاع سبيطار فطرنا حاجة شابة... و من زهري قعدت اون فاص ليه كلما نرفد راسي نصيبو يغزر فيا حتى ضاق خاطري... كانت الاء هي لي ترطب فالحالة مالڨري كنت نكرها كي تهدر بزاف مي مليح هكا هي تهدر فبلاصتي مدامها ماتسكوتش جاز لوقت تمتم ...
لحقت 13:00 طلعت نجري باه نشوف ريزولطا لحقوني هوما تان (الاء... د. عبد الوهاب ويوسف) جابهالنا واحد الطبيب كبير فالعمر...
part 08 ^^
Start from the beginning
