كاميليا : ماتحشميش ديري هكاك لكتور عبد الوهاب؟ واش راكي حاسبة روحك !
منال : *تبسمت وطلعت حاجبي* ماشي ملزوم عليا نبررلك اي حاجة ....اذا كملتي هدرتك ...انا نروح !
روحت وخليتها مخرجة عينيها كي الشادي ...ياخي عباد يخي ...
ماجيت نكمل طريقي باه نروح عند الجماعة حتى
دخلو واحد المرا مكسلة فوق طابلة تاع الاومبيلونس كانت تعيط و بنتها تجري معاها ...
جرات ليها كاميليا و دكتور فؤاد و عبد الوهاب و قالونا استكلفو بلي جيطو (نشخصو خطورة الحالة و نرتبو الاولويات) كي العادة ...
كنا نخدمو نورمال...شفت دكتور فؤاد وعبد الوهاب خرجو مع بنت هذيك المرا... بلاك شي ليمن حاتعيط...
كاميليا :*تعيط* منال ! ارواحي!!
علابالي نورمالمون نرميها فالثقيل بصح كامل غزرو فيا كي عيطتلي يسما لازم نروح...
رحت ليها قاتلي : افحصيها عندها سطر فكرشها
وعلاش انا بالذات !! باينة كاشما راهي ناويتلي الشر...
رميت يدي باه نفحصها....لمرا غزرت فيا مخلوعة غير دنيت ليها مليح طبعتني حتى طحت....
عرفتها بلي الكلبة ماعيطتليش في باطل...
دخل الدكتور فؤاد و عبد الوهاب... غير شافتهم رماتلي كاميليا يدها زعمة باش تعاوني... نضت وخليتها واقفة هكاك كي البقرة...
جات بنت لمرا تجري قاتلي : ياك قتلكم ماتمسوهاش حتى نكون انا... ماما مريضة عقليا تولي عنفية مع البراوية...
اه دوك فهمت ....غزرت فكاميليا شفتها تتبسملي حسبتها اطفال دورت وجهي وخليتها
جا د. فؤاد قالي : منال! راكي مليحة ؟
منال : راني مليحة...
د. عبد الوهاب*بتشناف* : ونتي شكون قالك ارواحي مسيها... ياك بلاصتك مع يوسف والاء....
منال : بسكو الطبيبة كاميليا قاتلي افحصيها...
غزر فيها أپري قالي : مالا افحصيها...
بفففق صبرني ياربي -_-
وقفت بنتها عند راسها بدات تكالمي في يماها اپري قاتلي ارواحي افحصيها بقات عند راسها
...فحصتلها كرشها شفتها تتوجع بزاف كي نمسها فيها...قلت لبنتها : يماك كاشما كلات حاجة... بلاك ضرتها فكرشها؟؟
part 08 ^^
Start from the beginning
