منال : قلتيلي سمانة وهو هكا ؟
الام : ايه
كان د.فؤاد حاكم السيريو ويغزر فيا ما قال والو راه يشوفني واش حاندير...جبدنا روحنا شوية على المرا هذيك ....
منال : دكتور ! هذ الرضيع لازملو فحص فوري للسائل الشوكي ( الماء تاع الظهر) باش نتاكدو مكاش عدوى بكتيرية فيه بسكو شكيت عندو التهاب السحايا (ميناجيت) { التهاب الغشاء لي يحيط بالدماغ والحبل الشوكي}
فؤاد *يتبسم* : دكتورة منال ...ليوم زاد احترامي ليك كثر و كثر عندك سرعة البديهة... ديري في بالك نتي ماشي سطاجار برك نتي طبيبة مستقبلية و حا تكوني طبيبة ناجحة
قلبي بدا يخبط كلامو اثّر فيا ...بصح راه يخرط باه يجبدني ليه نعرف هذيك الخدعة تاع الكلام االمعسول...ماتقدرش تخدعني بيها -_-
رحت وخليتو يكمل يستكلف بالطفل الصغير ان شاء الله يسلك لاخطرش هذ المرض واعر سورتو عند les bébés بسكو مزال جهاز المناعة تاعهم ضعيف...
زدت عاونت شوية مرضى جوايه 10:30 شفت واحد الطبيب كبير ف l'âge دخل وحكم د.عبد الوهاب هدر معاه و راحو كيف كيف ...تمتم لحقني ميساج من عند هانية فيه : سلام منال ارواحي عندي خرجت الريزوطا لازم تشوفيهم قبل مايدوهم
خرجت نجري لقيت دعبد الوهاب يهدر مع هذاك الراجل برا كملت طريقي للاصانصور كي وصلت لابو لقيت هانية تسنا فيا
هانية : اجري ادخلي شوفيهم بسكو لي يحكم فينا عيط للطبيب المسؤول كامل فالسبيطار وهدر معاه باش يديرولو تصوير en urgent دوك يجي طبيب لي طلبهم باه يديهملو ...
منال : اوكي صحيتي...
ضربت طلة تشوكيت بسكو نسبة ٨٠% عندو ساركوميا كان عندي الحق !!! رديتهملها وشكرتها خرجت نجري من تم بسكو سي بون دوك يديرولو تصوير بالرنين automatiquement بلا مانطلبهم ... شفت دكتور فؤاد جاز يجري مام پا ما شافنيش وشبيه ...درت نشوف وين راه رايح ...شفتو دخل للابو ماتقوليش هو لي طلبهم...صح كان مع د.عبد الوهاب كي طلبتو وماحبش...!!!!
غير حبطت لقيت د.عبد الوهاب متكي على حيط لي اونفاس لاصانصور كان باين مشنف ...شاف فيا
قالي : منال ! عندي هدرة معاك
منال : اوكي
د.عبد الوهاب : علاه عفستي على هدرتي ودرتي وش كاين فراسك
منال :؟ وش درت
د.عبد الوهاب: طلبتي ليزاناليز مالڨري قتلك ماديريش صح عندو مرض برافو نتي افضل طبيبة هذا واش تحبي تسمعي؟
منال : ماشي انا !!!! ديجا ياك لازم signature تاع طبيب ...
د.عبد الوهاب : منال *بلعياط* متكذبيش غير نتي لي طلبتيهم ونتي و الاء لي مسؤولين على هذاك الطفل...
part 07^^
Start from the beginning
