تائه في صحراء قلبك

البارت 4

ريتال سكتت اني هسه شنو الحل شنو الي راح يخلصني من هل زواجه الكشره
ريتال : بس عمي ....

عمي جمال ::كافي بنتي ليش هيجي مكبره السالفه تره شلعتي كلبي وياج
اجيج يمين تروحين شمال بابا ليش معترضه على ابن عمج من غير سالفه العمر
صراحه سكتت اني ماعرفه يمكن شفته كم مره من جنه صغارومن بابا يجيبنه هنا
وقته جان صغير بس هسه رجال شطوله
بس ماعرف ليش عاندت وقته
ريتال : عمي اني مو بس رافضه ابنك اني رافضه الزواج كله يا عمي عوفني بحالي ليش جاي تجبرني

شفت عمامي كامو ثنينهم
::انتي جاي تخربطين بالحجي واني دايخ بنتي جهزي نفسج الخميس الخطوبه حتى رائيج ماريده

عافوني وطلعو من الاستقبال
لحضه بس لحضه جانت محسيت الا على ايد تكضب ايدي جرني عليه حيل وهو كاتم عصبيته ::انتي شكد كويه الخاطر الله ليش متحترمين هااا  صاح بيه واني جفلت جنت مركزه بعيونه وهو يحجي وياي
يوسف:بكل عين صلفه ترفضيني عاجبج اديحين والناس تخرط حجي علينه بس لو مو حرام جان عرفت شلون اتعامل وياج
ريتال : عوفني انته شلون تتجرء تحجي وياي هشكل اي ارفضك ومستحيل اوافق على انسان مثلك
عصر ايدي اريد اجر ايدي منه وهو يقوي مسكته عليه ::عوف ايدي
يوسف::انشوف يا بت عمي راح خليج تندمين على كﻻمج
بكل كلمه يكوله احس اكره اكثر اكره تسلط الناس وجبروتهم اكره واحد يمشي رئيه على غيره
عافني وطلع
بقيت مصدومه من جرائته بعدنه بقرايت الفاتحه وهيجي اسلوبه وتصرفه وياي اذا تزوجني شنو راح يكون تعامله
ضليت صافنه على نفسي وحضي اني دكتوره ريتال هيجي يصير بيه اشكد تقدمو الخطبتي وجنت ارفض هسه متندمه بكد شعر راسي لو جنت موافقه على واحد منهم جان هسه اني مو بعل موقف السخيف

شويه سمعت سدة الباب عرفت طلعو ركضت على امي اشكد ما كﻻم عمي وابنه اذوني بس منزلت ولا دمعه بس بعد ماكدر احبسه بجيت بحضن امي مثل الطفل وهي طبطب على راسي وتقره ايات
ريتال : ماما اتشوفين شنو كاعدين يسون بيه يريدون اتزوج واحد يكرهني ماما ومبين عليه ميطيقني
ام ريتال : تحملي يا بنتي بلكت يحبج ويعاملج زين
ريتال رفعت راسي :ماما الله يخليح خلي نروح منا نرجع لبغداد ونشتري بيت اهناك مكان بعيد محد يندلنه

أم ريتال : بنتي انتي اشكاعده تحجين وين روح مداتشوفين لج ريتال اني بالكوى اتحرك واخوج بعده صغير منو النه بالغربه لج ماما كافي تشلعين كلبي وافقي وارضي بنصيبج ياما تقدمو الج ناس وانتي ترفضين بنتي اعرف بيج ترفضين علمودنه اني وامير بس هسه ماعندج حجه ابن عمج منهون عليه

ريتال فقدت كل امل انو اكدر اطلع مة هل مشكله وره كﻻم امي المستسلمه للواقع احس نفسي وحيده مالي احد وكل الناس ضدي كمت من يم امي واحس فعﻻ خاطري مكسور منه ردته الي عون وتوكف وياي اتاري صافه وياهم
لحس كلبي جمد وماعاد عندي اي احساس غير الغدر جاي انغدر من اقرب الناس إلي
مرت ايامي وره هاذك اليوم عاديه مغلفه بالبرود باقي يومين على الخطوبه واني اليوم كلت العمي يجي احجي وياه وهو وافق
ريتال : عمو مثل متعرف اني الوحيده الي اهتم بامي وامير واكو احد الهم فابنك اذا صار وتزوجني ﻻزم يجي يعيش هنا يمنه واذا رفض فيكون احسن والله

احس نفسي كمت ماهتم الرئي احد مثل ما همه ميهتمون الرئي وكمت اعاند حتى نفسي
عمي : شنو هل حجي بنتي شلون تريدينه يجي هنا وره زواجكم تنتقلون كلكم البيت الجبير اني اصﻻ مراضي على بقئكم هنا
ريتال : ﻻ عمي مشكور ومتقصر بس هذا بيتنه واحنه مرتاحين بيه  واني مثل مكتلك ابنك يجي هنا اهﻻ وسهﻻ ميجي بعد كيفه
شفت عمي تنهد ::يوسف راح يسافر يا ريتال وميرجع الا بعد 3سنوات

ريتال شلل احس جسمي كله انشل شنو هاي الانانيه ياربي شنو هل بشر ::شنو ..........