طفلي المفقود

البارت الخامس

خالتي هم كلش مطنكره عليه .. اروح للمطبخ اشتغل اسوي اشكال الشغل .. ونتجمع على الاكل هو ياكل لگمتين ويكوم .. يكولوله هاا مأكلت .. هو يكول شبعت الحمدلله.. عاد عمتي تأفأف وتتحسب . اني اكوم اشيل المواعين واغسلهم.. شفته نزل .. وكعد يم اهله .. صبيت الجاي ووديته الهم .. قدمته اله گال مااريد .. خليته .. ع الطبله ورجعت اشتغل .. بالمطبخ .. غسلت الطباخ جلفته والكاونتر واباع ع الدرج خاف يصعد اريد احاجي.. لان يقفل الباب بالغرفه..واذا ادكهه
تفزع عمتي... °بعدهه شفت يريد يصعد الدرج...تبعته گتله علي باوعلي بخزر وصعد
ركضت وراه ..لنص الدرج ولزمته من ايده
علي..شكو خيرج...
حور ..ليش متحس بيه .. اريد احاجيك
علي..كولي اسمعج خلصيني
حور...شصار من قضية ابنه
علي.. مصار شي
حور ..اعرف دتراجع عليهه .. مو بس ابنك هو خليني بالصوره اريد اعرف شكو
يريد يصعد ..صحت عليه شبيك متحس بيه انت شبيك شنو المطلوب مني انتحر واخلص واخلصك مني ...صااح اششش اسكتي شكد تلغين ... وصعد فوك للغرفه.. الي عزل نفسه بيهه عني ...  وكف يريد يفوت .. اني هم ركض وراه .. وللغرفه مالتنه .. تزحلكت يم الباب .. دار وجهه عليه شافني حسيت بي يريد .. ينفجر من الضحك عليه.. گتله ورفعت اصبعي اهدده.... شنو حضرتك معتبرني خدامه كدامك .. للشغل وبس ...اباوعله كتف ايدناته .. ووكف يسمعني گملت حجي اني هسه راح اخابر ابويه.. ويجي عليه وتطلكني ونخلص.. شفته اجه صوبي يمشي بسرعه .. فتت للغرفه.. وسديت الباب هو دفعه اني ادفع الباب من داخل وهو من بره .. ماكدرت اقاوم اكثر .. دفعه حيل وكعت فتحه وطب عليه .. لزمني من ايديه .. وخل ركبه ع رجليه جعصني .. كال اسمعي ولج حجي زايد لتحجين .. مفهوم ..
حور .باوعت لعيونه يمه يجنن مشتاقتله وهو حارمني منه..گتله . لعد فهمني الك شهر زعلان عليه اني غلطت اني اسفه .. بس گلي طمني ريح قلبي شسويت بالموضوع ..
علي .. داامشي بالاجراأت وخلص ... وعفتها وطلعت... وصلت يم الباب .. صاحت عليه
حور .. علي ..
علي .. شكو ؟!
حور .. اريد اطلع للسوگ ملت روحي من كعدت البيت ...اريد اطلع ويا مريم..
علي .. اطلعي ..وطلعت ورگعت الباب حييل
حور .. يوومه فززني .. خابرت مريم وكتلهه تعالي عليه .. باجر نطلع للسوگ .. صار يوم ثاني الصبح .. كعدت .. شفت خالتي صبحت عليهه .. واترخصت منها اروح ويا مريم للسوگ حتى لتگول .. ماگتيلي هي حجاية لسان ونطلعها منخسر شي .. حتى لنحصل حجي .. گالت اي روحي وياهه خليهه تحشي دماغج علينه .. گتلهه ميخالف عمه ماروح وياهه امشي انت ويايه محتاجه شغلات اخذهم ... گالت لا مابيه ومالي خلك سوگ
روحي وي امج .. گتلها امي نفس كلامج خاله.... متقبل تروح ويايه ... طب علي گال صباح الخير. .. رديناهه عليه صباح النور گال تره مريم خوش مريه خليهه تروح وياهه .. باوعتله مبتسمه بخجل .. رفع حاجبه الي ويريد يطلع ... گتله تريد ريوگ .. گال لا وطلع .. ظلت تدردم عمتي اني غلست عنها رحت اشتغلت بالبيت وكملت شغل .. وسويت الغده وعلي مااجه بس خالو .. صبيت اله غده .. وصارت ساعه 3العصر كمت جهزت نفسي للطلعه لبست بنطرون اسود .. وقميص طويل ماروني وشال اسود وانتظرت مريم .. اجت عليه فتحت الهه الباب سلمت على خالتي ..خالتي ردت عليهه من وره خشمها .. طلعنا اني وياهه اخذنا تكسي ونزلنا بالسوك واحنه دنمشي كالت مريم ..حوري اذا ميقبلون تطلعين وياي ليش تعانديهم حبي
حور .. لاخاله مو اعاند بس هم ميقبلون يطلعون ويايه واني اخذت الاذن منهم بس هي عمتي هيج ميعجبها العجب...

مريم .. ماشي حبي براحتج شوكت متريديني اني حاضره
حور .. متقصرين خاله ..واحنه دنمشي شفت محل مال احذيه ..اطفال... اشرت المريم عليه خلندخل. ..دخلنه باوعت للاحذيه شفتهم وتذكرت رجل ابني غمضت .. شفت بخيالي رجله واصبعه الغريب... اووف يربي شون رح الگاه.. صوت بداخلي يگول الي الله موجود وهو مدبر الامور ..فتحت تصورت شون حيلبس الحذاء واصبعه هيج ياتره هو وين وعند منو ..ربي لتضيع الي تعب..صوت
مريم صحاني من تخيلاتي... كالت يله نمشي
گتلها اي ... طلعنا ..نتمشينا ..وتسوگنا اخذت اغراض الي ولعلي بلكي يرضا عني... واخذت لعمتي جزدان وقطعة قماش .. وطلعنا وصلنا للبيت..انطيت الخالتي الشغلات ..بس شغلات علي بقت يمي.. مرت كم يوم وعلي بعيد عني.. بعدهه بالليل رحت لغرفته شفتها مفتوحه ... وهو ماكو رجعت لغرفتي ... بدلت لبست سيت نوم اسود مغري .. وفتحت شعري وميكب وعطر حلو ..الي يعجبه هو
ولبست فوكه روب ورحت للغرفه..اول ماطبيت نزعت الروب .. كعدت ع السرير انتظره .. طب هو جان ديخابر من شافني توتر كلش .. وكال اوكي اوكي بعدين نتواصل حسيت اكو .. شي عنده .. بس هو دار وجهه ع ميز تواليت .. ويباع الي بلمرايه

كمت تقربت منه .. هاا ممشتاقلي ..
علي... باوعتلها .. مشتاقلها واريدها.. حظنتها وشلتهه وابوس بيهه .. اي حبيبي مشتاقلج

ت5
ابدل واجيج اوكي كرصتها من خدها رحت بدلت .. واجيت الهه .... هي كاعده ع السرير وعطرها يفح .. الي احبه .. حظنتها وخليها تنام عليه .. بوستها وشعرها نزل من الجانبين عليه خليته وره اذنها.. واهمس احبج احبج... ابتسمت وبوستني.. رجعتها ونومتها ع المخده .. ونمت عليها ..سالتها اذا دتاخذ حب مانع .. كالت لا .. كتلها اكيد . هزت راسها اي وابتسمت
حور .. تقربلي.. واني مااخذت مانع .. دعيت ربي .. انو مااحمل .. لحد ماالكه ابني.. رجعت علاقتنه طبيعيه .. ورجع ينام يمي بالغرفه .. انتبهت ع تليفونه بي رمز مااعرفه شكيت بي يخوني من تصرفاته .. حاولت اركز ع تليفونه من يفتحه .. ركزت حفظت الرمز.. اجه فد ليله نام يمي .. اخذت الفون .. فتحته.. شفت عنده علاقه غراميه وي وحده وقرات الرسائل متت قهر .. دفرته وكمت اصيح.. كوم هاي شنو.. كعدت گال شكو حبيبي شبيج كتله ياخاين ياكذاب تتهمني الخداع وانت خاين .. كمزت من السرير للارض.. اجه ورايه اخذ الفون من ايدي.. كال دااحاول .. انهيهه وياهه.. صدكيني مجرد علاقه عابره وينتهي كولشي
حور..علاقه عابره .. هيج بنات الناس لعبه عندك
علي ... لامولعبه .. وهي تعرف اني متزوج واقضي وقت وياهه لااكثر.. وتعرفت عليهه من عفتيني وصار عندي فراغ .. حبيت املي بغيرج
حور..هي هيج العشره رخيصه عندك .. وشمرت الفون عليه .. وگتله روح خليهه تملي فراغك عدل ولتعوفها.. اني انسحب منك...عفته ومشيت اريد اطلع اجه ورايه.. لج داعوفها والله ونبي ليش متصدگيني كتله ماكو اني .. راح انام بغرفة انهار وغيث وانت نام هنا .. كال لاااني انام بغرفتهم .. علما تهدين.. كتله مااهدا ووخر يله
مرت ايام احنه متفارگين وگلبي مليان عليه خيانته الي موسهله ..بس اذا ازعل هسه واروح ..يتشمتون بيه .. وخاصة امه.. مرت ايام ومنحجي اني ويا.. اجه الي فد يوم للمطبخ .. گال اريد احاجيج .. گتله ماعندي حجي وياك ...تقرب الي حصرني بين الحايط وهو.. كال يخص ابنه .. المدير يكول سوو بحث ومسح لكل الي ولدن وياج بنفس الليله وحده منهن لفتت الانتباه .. المعلومات الموجوده بالسجل مالته .. كلما تولد طفل يموت .. بس بليلة ولادتج ولدت طفل حيي
وللحكايه بقيه
بنات عيد وكوه دااكتب اليوم رجعت للبيت باجر اعوضكم 😘