شريتلها بصبعي على الباصمة ....
منال : ماشي نتي درتيهالي ؟
هانية : صح شفتها فراسك مي ماشي انا درتهالك والله
منال : معليش صحيتي كاشما بان على ليزاناليز قوليلي ..
هانية : غدوة ان شاء الله يخرجو ونبعثلك الريزولطا...
بقّيتها على خير وخرجت من تما شفت الساعة لقيتها 4:40 pm هذاك هو خرجت مالسبيطار و ركبت الكار لحقت لدار جوايه 6:30 بسكو ماكاش سوركيلاصيون حمد لله اوموان كاشما نطيب لعشا بسكو ماني مزالها مشنفة ديجا راه قريب يخلاصلي المصروف لازم نصيب خدمة نخدمها فالويكاند...
غير فتحت الباب لقيت ماني تسنا فيا قاتلي : واش وين كنتي هاملة!
منال: نقرا
ماني : حاب يقول كلامي للواد ماقتلكش حوسي خدمة؟
منال: مزال نقرا...غير غدوة ويكاند نبدا
ماني : راكي تقرايلي ليا؟؟؟ دبري راسك انا مانزيدش نمدلك المصروف ...
............
دخلت لشمبرتي وخليتها تغلي وحدها....هذ النهار جاز صامط رهج .....
.............
غدوة منداك فطنت بكري وكيما العادة رحت لسبيطار كي وصلت لقيت الاء و يوسف يوجدو فروحهم فالشومبرا تاعنا....
الاء : بونجوغ !
منال : بونجوغ
يوسف : ههه واش صافا؟
منال : حمد لله
يوسف : ليوم نخدمو صباح فقسم الاستعجالات ومور الظهر نولو للحالات المستعصية ...
الاء : حقا كيفاش مع هذيك العجوزة لي عندها لوكيميا كيفاه عرفت؟
يوسف : قاللها دكتور عبد الوهاب بعدما تاكد مليزاناليز...اي تو
الاء : ما قالت والو؟
يوسف : تشوفي. وش بكات مسكينة بصح ماعندها ما دير حاجة ربي...لازم تصبر
الاء : مسكينة! وو لاد وليدها؟
يوسف : وليد خوها لي جابها لسبيطار مريض مسكين بالعقم مارزقوش ربي الدراري على هذاك قاللها خليني نكفلهم...وكي شافت روحا مريضة قبلت ...باين يتهلا فيهم
الاء : سبحان الله!! ربي كتبهملو!!
يوسف : صح درك حاتبدا العلاج الكيميائي ...ربي يخففةعليها ان شاء الله
منال: ان شاء الله ....ايا خلونا نخرجو يكون الدكتور يسنا فينا برا ...
خرجنا لقينا د.عبد الوهاب متكي على الحيط ويسنا فينا غير شافنا غزر فيا قبالة انا حبطت راسي معلاباليش علاه بصح مانيش حابة نشوف فيه...
د.عبد الوهاب : صباح الخير عليكم صافا؟
حنا : حمد لله !
د.عبد الوهاب : الاء ! منال! ياك ماصرالكمش پروبلام مع والديكم على الضربة تاع البارح ( كي ضربهم الزطايلي)
الاء : نو خافو عليا سي تو !
منال : مام انا
(ماروماركاتش ماني مام پا هذ الپاصمة...)
د.عبد الوهاب :مليح ! تبعوني لقسم الاستعجالات !
حنا : اوكي
~~~~~~~~~~~~~~~~~~~~~~~~~~~~
...يتبع
ماتنساوش فوت وكومنت باش نكملهالكم بكري ....
زعمة شكون دارلها الپاصمة ؟
وكيفاه حاتتلاقى مع المعجب السري فؤاد...
خلولي رايكم فلي كومنت
سلام ^^
part 06 ^^
Start from the beginning
