منال : ان شاء الله ...
رحت لابو صبت هانية مريحة لداخل غير شافتني دخلتني ...
هانية : تباني عيانة بزاف وشبيك؟
منال :والو عيت برك
هانية : مممممممم ماشي قتيلي تكوني ختي...خلاص زعفت
منال -_# : مدلي د.عبد الوهاب طفل نديرلو. تشخيص لحالتو قالتلو الكولاڨ تاعي بلي عندو هشاشة العظام ...درنالو ليزاناليز صبنا الكالسيوم لاباس بيه وروماركيتو يتوجع ان نورمال ...على هذاك شكيت عندو ساركوميا (كونسار تاع العظم) طلبت تصوير بالرنين المغناطيسي ماقبليش و كي طلبت فحص دم شامل تان ماحبش....وقال عاودو تاع الكالسيوم فيهم غلطة برك....
هانية : مممم....ليزاناليز نادرا وين يغلطو كيما راكي تشوفي حنا ليبيولوجيست ماراناش نلعبو...نقلك مديلي معلومات المريض انا نديرهملو و اذا شفتهم عيانين ندفعهم باش يديرولو تصوير بالرنين....
منال : بصح مايفيقولكش؟
هانية: هههه راني قديمة على الاستاذ تاعك هنايا عندي الكتاف ماتخفيش...
بديت نكتبلها فالمعلومات حتى قاتلي اصبري هذ الطفل عندنا طلب باه نديرولو فحص شامل...
منال: اوو شكون طلبهم ؟
هانية : هههه هذا. وين فهمت علاه قالي ديريهم.....هههه خلاص ماتكسريش راسك كي تخرج. ريزولطا نبعثهالك ميساج خليلي تلفونك برك
مافهمت والو بصح مديتلها نوميرو تاعي ...
مانحبش ندخل روحي فخصوصيات الناس على هذاك مانزيدش نقوللها شكون لي يهمني كي حاتبعثلي الريزولطا وخلاص...
منال : صحيتي ...قلتيلي نجوز ليك خير ان شاء الله؟
هانية : جوستومون ...كاين واحد الطبيب عجبتيه بزاف و قالي اهدريلي معاها ...
هذا واش خصني ...
منال: هانية ! بلاك ماتعرفينيش مليح بصح معليش دوك نقولك باش تولي تفهميني ...انا خاطيني هذ العلاقات و نتقلق كي يهدرولي عليهم ...
هانية : ياودي عرفتها ..بصح السيد ماحبش يخطيني...
منال: وهو كيفاه عرف بلي تعرفيني؟
هانية : انا وياه نعرفو بعضانا مليح وكي حكالي على. وحدة تعجبو كي وراك ليا قتلو نعرفها ....زاد لصق ....
خصتني غير لصقة فحياتي
منال : قوليلو قاتلك ماني حابة نتعرف بحتى واحد !
هانية : ههههه اوكي ليسونسيال حاتولي تشوفيه بزاف بسكو يخدم مع الدكتور عبد الوهاب اسمو : فؤاد ...
منال :...اوكي صحيتي ...حقا مرسي على الباصمة ...
هانية : وشمن باصمة ؟
part 06 ^^
Comenzar desde el principio
