طلعت للبيرو تاعو ...شفتو الداخل مع هذيك الطبيبة كاميليا و طبيب يبان قدو فالعمر كانو يهدرو ...غير شافني قالي: مادموزال عبد الكريم ادخلي !
دخلت وقفت قدامو وهو مريح فالكورسي تاعو و ط.كاميليا و الطبيب لوخر كانو يغزرو فيا ..... قتلو : دكتور ! حبيت ندير ليزاناليز للطفل لي خليتو تحت رعايتي ...
د.عبد الوهاب : بصح الاء بعثت ليزاناليز وحدوخرين باش يعاودوهم ...
منال : ايه علابالي...بصح راني حابة فحص دم شامل باش نتأكد...*قاطعتني الطبيبة كاميليا*
ط.كاميليا : مليحة هذي...تلعبيها شطارة حاب يقول د.عبد الوهاب مايعرفش خدمتو...
منال : هو ماراهش مستكلف بهذ الحالة خلاها فرعايتي ....-_#
ط.كاميليا : اففف سطاجار حبو يدو بلاصة طبيب
وشبي جدها هذ الحيوانة تهدر هكا كون ماجاتش طبيبة فوقي نطرطقلها المجيرية لي راهي تخرج منها هذ الزبل...
د.عبد الوهاب : بصح ...ماشي كي شكيتي فحاجة لازم ديريلو فحص...ايماجيني الطفل كيش حاتتأثر حالتو النفسية ....وزيد حايعيى جسديا من كل دقيقة ينحي الدم...علابالك شحال من انسان ممكن تكون عندو ملاريا ولا كوليرا..ولا حتى ايذر فهذ السبيطار ... بصح ماشي معناها نفحصوهم بسكو شكينا فيهم بدون اعراض ظاهرة...
ط.كاميليا: سواسوة دكتور هذا واش حبيت نقول...
منكذبش داقتلي بزاف ..بلاك كون سبني ولا عايرني ماديقليش هكا مي تغيضني كي واحد يدمرلي الثقة تاعي بنفسي فاكثر حاجة نحبها فحياتي...والله غالب استاذ تاعي مكاش كيفاه نردلو إبان قتلو : اوكي... وخرجت من تما ...
راسي راه ثقيل شحال راهي الساعة ! جبدت تلفون ...لقيتها 3:30 مممم هذاك هو نهدر مع الاء أپري نروح عند هانية ...
حبطت للكولوار تع امراض مستعصية لقيت الاء و يوسف يڨسرو رحت عندهم ...
يوسف : منال ! وش صافا ؟
تباني عيانة
منال : وي صافا حمد لله...
الاء: واش قالك د.عبد الوهاب .؟
منال: ماحبش يديرهوملي...
الاء : شتي !!
يوسف : ليزاناليز لي قتيلي عليهم الاء !
الاء : وي هوما..
يوسف : مممم لي سونسيال ماتتقلقيش منال اذا عاودو خرجو ليزاناليز تاع الكالسيوم كيما الاولين يدير فحص شامل بسيف عليه ...
منال : وي عندك الحق ...سمحولي عندي شغل نديرو ونروح لدار
يوسف .الاء : ايا غدوة ان شاء الله
part 06 ^^
Start from the beginning
