من تحت الركام

البارت الثالث

صعدت لغرفتي وقفلت الباب مدري ليش خايفه من هذا سلون ...
بس وگعت عيني ع الموبايل اتذكرت اني نسيت احجي ويه خالتي ...
رحت شفت الموبايل يمكن خمسين مكالمه من خالتي ورقم ممسجلته ودازلي مسج اني مهدي ردي ...
شكو شصار شبيهم! 
دگيت ع خالتي مترد ..
صرت شجاعه واتصلت ع رقم مهدي ...
بس دگ رد بسرعه وصوته جان يرتعش ومعصب ويحجي وياي بحرگه وكـ اني مرتكبه ذنب عظيم ..

ــ شكوو مهدي شنو هذا الاسلوب اني شمسويه?
ـ ولج امي اتخبلت وانتي ماكو وخافت عليج هذا جانب والجانب الثاني ليش تحجين ويه شباب?
ــ شنو احجي ويه منو ...? مهدي احترم نفسك ولهناه وكافي مو اني تحجي هيج وياي ..
ــ والج عين وتحجين ولج خليناج وياهن وهنه اطفال بعدهن ميفتهمن شي وانتي العاقله وانوب اتعوفيلهن قذارتج وترحين ..
ــ مهدي كافي لا تظلموني افتهموا القصه وبعدين احكموا ...
ــ شوفي ولج افنان بعد متوصلين للبيت اذبحج ..
ــ انت من كل عقلك تحجي ومنو الاطفال الي علمتهن اني بله قصدك سلر وسالي موو ..
ــ اي هنه اطفال ..
ـ مهدي وروح اهلي الي انت جبرتني هسه احلف بروحهم اني مااعندي هيج سوالف ولا احجي ويه شباب والله العظيم وروح ماما ...

مهدي ...
سدت الخط بوجهي وهي اتشاهگ وتبجي وتحلف واني اعرف افنان متجذب وليش حته اتسوي هيج بس سلر وسالي اصغار شلون گدرن يضحكن علينه هيج ...
طبعاً لو مراجع متٲخر وسامعهن يحجن ويه واحد يمكن لحد الان احنا محد يدري بيهن ...
بس ليش گالن صديق افنان?

افنان ....
سديت الخط واني محتاجه بجي بعدهن اجروحي مطايبات واجتني هاي البلوه ..
گعدت ابجي والوم بنفسي ليش بريت روحي هذا مخبل خاف يسوي شي بالبنات يمه منهن شكبرهن وشكبر بلاويهن شمسويات من مصيبه منو هذا الي يحجن وياه ...
رجعت اشويه لشجاعتي ودخلت للحمام اسبح اريد ارتاح هو بس يوم لا يا يوم اقل اليوم وصار بي الف حدث والله تعبت وطاقه بعد ماعندي ..

دخلت الحمام الغرفه جربت ماكو مي اوووف لازم انزل جوه ...
اخذت منشفه وملابس ونزلت واني خايفه وادعي اكون مايطلع هذا بوجهي ...
تقريباً الساعه صارت بالوحده الصبح ...
نزلت والحمد لله محد موجود كلهم نايمين
دخلت سبحت واحس المي من ينزل ع جسمي ويوگع ياخذ وياه التعب وينزل ع راسي بارد بس يوصل لرجلي يصير حار ياخذ كل حرارة جسمي الي بعد مااحس بي من الوجع ...

كملت ولفيت شعري بالمنشفه ولبست بسرعه لان خفت مااعرف بيت غريب واخاف اسبح بالليل بس مجبوره لان التعب ميروحه غير حمام بارد ..
طلعت من الحمام وباب الحمام سوه صوت مرعب اني فزيت وخليت ايدي ع حلكي ...
احجي ويه روحي ...
اوووشش لا تصيحين هدوووء ..

بعدني اريد اصعد اول بايه من الدرج وطفت الكهرباء ...
استغفر الله ياربي شنو هذا الرعب واني مخلصانه من المشاكل انوب جن لا هيج اهوايه عليه...
اسمع حركه وراي وبدون مااحس بروحي ركضت بالظلمه ومحافظه البيت والدنيا ظلمه
لويت رجلي بوحده من البايات وظليت واكعه ع وجهي ومن الالم والخوف ظليت ساكنه بس اتوجع بصوت خافت ...
رجعت الكهرباء رفعت راسي اشوف سلوان واكف جوه يم الدرج وهذا الصوت مال النفس المرعب جان من يمه واني عبالي جني وكسرت رجي واني وزني سبعين كيلو و وكعت والتوت رجلي بالكوه اريد بس اطلعها ماكو مااكدر ..