ماشي وقتها كامل راني عيانة بزاف ديجا فمي راه يوجع تالمون هدرت بزاف ليوما
منال : راني نحوس
ماني : راني نحوس *تعيب عليا* ياو غدوة كون ما تبدايش تخدمي غير شوفي وين تباتي...
اففف دخلت لشمبرتي و غلقت الباب خليتها تغلي كي العادة باينة ماخلاتليش لعشا و مادامها تشارشيلي نسكت خير...
بدلت حوايجي صليت ورقدت
.............................................................
5:00 am :
نضت صليت، لبست حوايجي، و خرجت بلا ماندير الحس بسكو كون تنوض ماني ماتخلينيش نروح ...
لحقت لسبيطار جوايه am 7:30 اول مرة نوصل بكري...لقيت الطُبَّا تاع اليل هذا وين بداو يروحو...دخلت لبست طابلية شريت فنجان قهوة وطلعت للسطح باش نشرب بعقلي حكمت بلاصة مور الباب وريحت...حتى نسمع الهدرة ضربت طلة لقيتو د.عبد الوهاب مع الطبيبة كاميليا داخلين يضحكو بفناجن قهوة باين جاو يستقهواو كيف كيف سور ...واش ندير دوك نهبط ولا نسناهم حتى يروحو !!
كانت هذيك الطبيبة تهدر معاه بلا رسميات تكون قريبة ليه بزاف...جاية شغل نسخة على الاء بسكو باينة تهدر بزاف ...صرعوني وقيل نهبط و ندير روحي ماشفتهمش خير...
ماجيت نكمل هدرتي سمعتها تسقسي فيه علينا ...
لتم حكمت بلاصتي و رميت وذني باه نسمع
..
طبيبة : ايه ولي زيلاڥ تاوعك راهم صافا معاك!
د.عبد الوهاب : وي بزاف عاقلين و عندهم فالراس يوسف لبارح كنت خايف عليه بسكو ماتلو طفل بين يديه مي تمتم شفتو عاود دار الكوراج وولا مليح...و الاء قافزة الله يبارك ما كان فيها حتى مشكل و منال للدوك مزال ما فهمتهاش بصح تبان سيريو فخدمتها و لبارح عاونت بزاف ...
الطبيبة : هههه ملييح ..
تمتم تقطع الحس .....دورت باه نشوف وشبيهم حتى نصيب د عبد الوهاب واقف عند راسي و حاكم الضحك بسيف
د.عبد الوهاب : علاش راكي مخبية هنا ؟
مخبية !؟؟؟؟؟ صح موقبيل شكرني مي دوكا راه عماها
قتلو بالتشناف : لالا مانيش مخبية!
حبطت ديراكت و خليتو واقف هكاك
تلاقيت بيوسف و الاء داخلين لشمبرا تاعنا... باش يوجدو روحهم...
ريحت برا نسنا فيهم حتى نشوف د.عبد الوهاب و الطبيبة كامليا حابطين يضحكو هي شافتني غزرت فيا و زادت ضحكت بطريقة مستفزة و راحت ...
و هو جا وقف قدامي وكان متبسم و كي غزرت فيه مليح طلعلي شنايفو و زاد خرجلي شواربو بالتحراش باه ينرفيني و نجح بسكو تقلقت بزااف ....
بلا ما فقت قتلو : يخي شوارب البط -_-
السيد تشوكا غزر فيا مليييح انا قلبي بدا يخبط خفت حسيتو زعف قلت سووور دوك نتحاوز مالڨري كنت حابة نتحاوز بصح كي لبارح قدرت نعاون هذيك الطفلة و سمعتو يهدر عليا هكاك موقبيل حسيت روحي حابة نكون هذ الإ نسانة لي راهم يشوفوها فيا...
بصح راني خسرت كلش...
دنا ليا قلبي تزير كثر ....
حكمني من نيفي و بدا يخلخل فيا و يضحك
قتلني... نحيتلو يدو بسيف و كنت مشوكيا كيفاه ما زعفش علابالي تجاوزت الحدود معاه و هو استاذ تاعي وشبيه هذا البنادم ما يزعفش ...
قالي : يالمزعوقة راني ديتلك نيفك لي دالي تكمشي فيه كلما تشوفيني ...
ما جيت نقولو كاش حاجة حتى يخرج يوسف مع الاء كي شافهم د.عبد الوهاب حكم السيريو ...
انا بقيت مشوكيا ماتوقعتش حاتكون هذه هي الرياكسيون تاعو ...قتلكم هذ البنادم ماشي نورمال ...
يوسف : صباح الخير منال صافا؟
منال : صباح النور حمد لله ونتا (غاضتي لبارح)
يوسف *يتبسم* : حمد لله
د.عبد الوهاب : لبارح كانت مرتكم الاولى و تجاوزت على شوية اخطاء مي ليوم نسحقكم توقفو و تكونو قد المسؤولية ...اوكي ؟
حنا : اوكي
الاء : دكتور ! ليوم تان نخدمو فقسم الاستعجالات؟
د.عبد الوهاب *تبسم *: كنت نسنا تسقسوني هذ السؤال ...بون ليوم حاتشوفو حالات صعيبة شوية ...قسم امراض مستعصية...
بون دخلنا للقسم هذاك.. قالنا دكتور عبد الوهاب بلي عندنا زوج حالات يخصهم تشخيص ونتوما حاتشوفو كيش حا يكون التشخيص و التعامل مع هذ المرضى ...
.
.
....يتبع
في خاطر لي ڥوت و كي شكرتني NessGhiin نزيدلكم واحد
سلام ^^
ماتنساوش كومنت باش نكملهالكم فاقرب وقت .... ❤❤❤❤
part 4 ^^
ابدأ من البداية
