خرجت من تما و رحت لاصانصور دخلت باش نعاود نحبط لقيت الاء كانت تڨسر نورمال كي العادة تهدر...تهدر حكاتلي واش صرالها بالتفصيل ...مزية تحلت لاصانصور بسكو خلصتنا كامل النفس لي لداخل قريب تخنقنا علاجالها.... و زدت ليكيديتها قتلها دكتور عبد الوهاب كان يحوس عليك...راحت تجري هكذا نتاكد بلي تخطيني...
جيت خارجة حتى يزدم فيا راجل يبان فالثلاثينات كان صفر كي حبة قارص ...
الراجل : سمحيلي
منال: معليش ...
الراجل : نتي طبيبة هنا ؟
منال : علاه واش تسحق؟
الراجل: راني نحوس على بنتي اميرة عندها تسع سنين كانت من الجرحى تاع الحادث حوست عليها فقسم الاستعجالات مكاشها قالولي شوفها فقسم حفظ الجثث....
منال : ( زعمة يكون ...): بنتك جات مع يماها؟
الراجل : لالا ...ركبت وحدها كي خرجت مالمسيد ....انا رحت روطار شوية كنت نديرلها الفطور ...كي وصلت قالولي راحت تحوس على يماها و يماها عندها شهرين ملي راحت وخلاتنا على هذاك كنت نكذب و نقوللها راهي فدار مانها سور ركبت البوس باش تروح لدار مانها....
منال: اه انا هذا وين خرجت من قسم حفظ الجثث مكاش طفلة فهاذ العمر تما...بصح كاين طفلة كانت تحوس على يماها بصح ماشي سور تكون بنتك جي تشوفها ؟راهي فالعانية المركزة دارولها عملية على راسها بسكو خدات ضربة صحيحة
الراجل : اييه مدابيك تعيشي...
ديتو لقيت الطبيبة كاميليا هي كملت ستكلفت بيه و فينالمون كانت صح بنتو ومزية حالتها راهي مستقرة و بسكو انا واعدتها نصيب يماها جبت الرقم تاعها و عيطتلها جات تجري ...
المرا عاودت الزواج على راجلها ....
كي تفطن صح تصيبها عند راسها بصح مشكيتش حاتعاود تحوس عليها ...
تبا لام ترمي بنتها علاجال وسخ الدنيا بصح راهي مليحة كي جات تشوفها وزيد مزال عندها باباها ...انا مرضت ...بردت...جعت...بكيت ...مالقيت حتى واحد معايا جامي ولاات يما ليا ...معليش دوك وليت مرا ومانسحق مزية حتى واحد حمد لله
......
بون كنت بزااف عيانة شفت الساعة كانت 4:30 pm هذاك هو لازم نروح شفت د.عبد الوهاب مع الاء و يوسف رحت ليهم حكيتلو على هذيك الطفلة اميرة ...قالنا يعطيكم الصحة و يوسف كان يبان مليح en fin خلاص هاذ النهار الطويل ...
خرجت و رحت لدار وحدي ... الطريق مغلوفة قريب ياذن العيشاء ونا حاصلة برا...
كي وصلت كانت ماني فالدار غير شافتني بدات تتعنكر فيا عرفتها بلي عمرتها خالتي حميدة دوك ماتسكتش ....قاتلي : واش مزال باش تبداي تخدمي ؟ نبقا نوكل فيك حياتي كاملة!!
part 4 ^^
Start from the beginning
