ياليتني لم اكون. البارت 15
الكاتبة #نسيم-الامل
أحمد. .إذا هيج اني اترخص واروح لين عندي هواية طلعات نقل لازم الحك اوديهم
مع السلامة خيتي.
..رجعت على البيت خطية امنضفتا سوتا وردة من النظافة
تمارة...هاااا عيوني الله الله على النظافة عاشت ايدج
يلا حبي راح انطيج هدوم وحطي شوية ميك اب من عندي خافي عيوب حتى لا تنحرجين من نضرات العالم يلا حتى تروحين وياي عندي مشوار مفاجأة الج وعازمتج على مطعم لين عندي حجي وياج
دعاء ...اعتذر اذا اني ضايقتكم واذا سويت شي
تمارة. .لا حبي مسويتي شي لا تخافين هسة يلا لاتضيعين وكت امشي
..اوكي
تمارة..رحنا وكملنا المشترة ملابس وميك آب وكلشي مهم كوة يلا قبلت خطية كلش فرحت عبالك جاهل من الفرحة
ودخلنا المطعم وطلبنا أكل لأن كلش جعنا
خلصنا الأكل وطلبنا عصير وفتحت الموضوع وياها
حجيتلها وفهمتها كلشي
عن امي وابويا واخوتي وأختي هناء وجناينا
وكل تفاصيل البيت شنو يحبون وشنو يكرهون حتى لا تخطى بشي
واتفقت وياها على أساس انتي جاي تدرسين
واخوتي أحمد فهمهم لا يحجون شي وعلى أساس ميعرفوج
باعي صرنا جذابين من وراج كلها الخاطر دمعتج لأن حبيناج دكافي والله فطرتي كلبي يلا خلي انكوم قبل لا يصير ليل وحيدر يريد ينام اخذناه ويانا يغير جو
افترينا بالسيارة شوية يم المي جان منضر كلش حلو مثلها
هدت شوية خطية ورحنا على بيت اهلي سلمنا على ابويا وأمي من شافتها انصدمت 😐
وكالت بيني وبينها
الأم. .احمد ماكال حلوة ولا كالي ازغيرة ياسبحان الله ممتوقعة هيج جمال😊😊😊 عبالي عادية
الام.. هلا هلا بنيتي نورتي اني مثل امج وهاذة ابوج اعرف قصتج لا تخافين اي اي لا تباوعيلي هيج😯
أحمد حجالي كلشي وإني استقبلج بعيوني ولا تخافين أن شاء الله ميصير إلا كل خير
تمارة ..امي حضرتلج غرفة الج هذيج مفتوح بابها روحي ارتاحي حبيبتي
خذي غراضج رتبيهم هسه اني اجيج
دعاء. .اتشكرج ياخيتي على كلشي معرف اشلون اجازيج أن شاء الله اكون عند حسن ضنكم عن اذنكم☺☺
تمارة . هاااا يما اشلون شفتيها ترى اتفيدج فد امعدلة بشكل بس على كيفج وياها لأن الجرح جديد خطية
الام..اتريدين الصدك امبين عليها حبابة وإني كلش حبيتها😙😙😙
تمارة..صار يوم جمعة والكل متعودين بهاذة اليوم الكل موجود
واستلم الأسئلة المتكررة من هناء
والجناين وعلي هاي منو وين ومنين والأكثر انعجبو بجمالها العلاج جاب نتيجة للوجه
بعد شهر
أخذتها الدكتور تجميل عبالي يكول ينرادلها فد شي علاج اشو هاذة ضل صفن بيها
تمارة..اكول دكتور يحتاجلها علاج بعد.
مثل الفز من مكانة وكال
الدكتور. .هااا لااا ميحتاج ابد بس كرري الدهن لأن كلش زين عليها...
طبعا ماحجيتلكم عن اخويا أحمد من يوم الاخذتها الامي اشو هاذة صار عاشق ولاهان😍😍😍
كلام غزل ومعرف شنو يسمع امي والله مجان هيج
وأمي اتكلة لك عيب اني امك هاي اشبيك اوليدي
طبعا نبع الحنان متعرف بكلام العيون العاشقة
والابينة هم انعجبت بيه بس محد اعترف للثاني بشي بس نضرات وإني كشفتهم هههه 😆😆😆
وياسين ولا عاف امي من طلع من البيت وسكن وحد جياتا جانت كلش قليلة بس من البنية صارت عد امي صار شقاوة زايد
وكابلهم 😚😚 أيمن وعلي لا هذولة محترمين نفسهم همزين إلا صارت حرب عليها هما هذولة
ومخبليني أحمد وياسين يوميا جايني ويريدون يخطبوها وإني دايخ راسي من الشغل وهذولة بطرانين هذيج الابنية روحو اخطبوها قابل اني شعليا أحمد يكلي
أحمد..انتي صديقتها اكيد راح تعرفين منو الي اتريدا
وحرمت ياسين يوميا عركات😠😠😠 بس متعرف هوا عينى على دعاء 😍😍
سمعتا مرة بالغرفة وحد والبنية جانت تخبز وإني وأمي مع ابويا داسولف على الدراسة الماجستير
وجان يتعارك ياسين ويا أحمد ويكلة
ياسين ..اني قبلك لكيتها تذكر انت شكلت بلوة ومصيبة وبلكوة يلا قنعتك تجيبها ويانا
الاحسنلك شيل ايدك عنها اني أريدها
أحمد...وانت شعليك اني رايدها أكثر منك لأن بينا نضرات حب وانت متزوج وعندك جهال وحرمتك راح تهجم الدنيا اذا عرفت الاحسنلك انت شيل ايدك عنها
تمارة..مااحس إلا ودعاء تصرخ بعلو صوتها
دعاء. .😲😲😲
يتبع...
