عيييت رجليا راهم يوجعوااا
دخلت لاصانصور باش نعاود نروح لقسم الاستعجالات نحوس على كاش أم تحوس على بنتها ...بسكو واعدتها نجيبلها يماها لازم كي تفطن تكون قدامها..
تلاقيت بيوسف داخل لاصانصور كان باين عياان كثر مني جامي شفتو هكا .. و en plus كان calme ماشي موالف هكذا
منال : راك مليح ؟
يوسف : مممم ...
(وشبيه هذا تان )
تحلت لاصانصور خرجت نجري رحت لقسم الاستعجالات جزت عليهم بالواحد مكان حتى وحدة تحوس على بنتها حتى les familles لي كانو تما مكانتش بيناتهم
خرجت برا سقسيت les agents de sécurité اذا كامل الجرحى وصلو لسبيطار ولا مزال كاين ؟
قالولي بلي خلاص
سبحان الله !! بلعتها الارض وين راحت هذي....وين حاتكون راحت مثلا !؟؟؟؟
فلحظة لحمي تشوك حسيت رجليا و يديا بردو...
....زعما تكون فقسم حفظ الجثث!!
لالا ان شاء الله تكون فكاش بلاصة تحوس على بنتها وماشفتهاش برك
حركت رجليا بسيف وطلعت نجري لقسم حفظ الجثث كانو معمرة les familles لي ماتولهم ولادهم ومعارفهم يدخلو بالواحد يشوفو الجثث....
جيت داخلة نجري حبسني المسؤول تم قالي : وين !!
الproblème منعرفش اسمها ما علاباليش كيش دايرة واش حانقولو ؟
منال: كاين طفلة صغيرة تحوس على يماها حوست عليها partout مكاشها قلت نتاكد اذا راهي هنا !
المسؤول : ومعندك حتى معلومات كيش دايرة؟
منال: non !
المسؤول : عندنا بزاف جثث مزال ما عرفناش هوياتهم و مزال ماجاوش كامل الفاميليات باش يتعرفو عليهم خليلي numéro تاعك كي نكمل نعمر كامل المعلومات عليهم نعيطلك ...ونتي شوفي...
منال : يعطيك الصحة هاوليك le numéro تاعي .....
داه و قالي سمحيلي دوك راني مشغول اومبعد اذا كاشما بان نعيطلك
منال : مرسي ...
حبطت نجري روحت لقسم العمليات لقيت الاوپيراصيون مزالها كان لداخل د.عبد الوهاب و كاميليا و بزااف جراحيين...بقيت نسنا جازو واحد ٢ سوايع باش خرج د.عبد الوهاب
قالي : نجحت العملية حمد لله دوك يدوها لشمبرا باش يسناوها حتى تفطن
منال : حمد لله بصح على يماها....ملقيتهاش حوست مليح
د.عبد الوهاب : مممممم راكي متاكدة؟
منال: ماعلاباليش انا حوست مليح ورحت حتى لقسم حفظ الجثث قالولي مزال باش يعرفو الهويات تاعهم ماعليا غير نسنا حتى يعيطولي...
د.عبد الوهاب*زيّر بصبعتيه على مابين عينيه * : ان شاء الله تكون مزالها حية ...
منال : ان شاء الله...
جا رايح après قالي : يعطيك الصحة ليوم كنتي بزاف قافزة حتى الفراملا شكروك بزاف كي عوضتي النقص تاع الاطباء و عاونتيهم فالتشخيص...
منال:...
(صح جريت بزاف اليوم بصح مادرتش حاجة كبيرة بزاف نبقى toujours مبتدأة )
كنت رايحة نحبط للتحت كاشما نزيد نعاون malgré كانو كملو كلش تقريبا psq سبيطار كبييير و معمر اطباء تمتم كملو التشخيص و كل جريح داوه للقسم لي مختص فالعلاج الاصابات تاوعو..
و غير بديت نمشي حتى جبدني من جيب تاع طبليتي ورجعني ليه قالي : ماجعتيش ! كاشما كليتي مالصباح؟
منال : واش رايك؟
د.عبد الوهاب *يتبسم* : مالا واش رايك نديك لواحد البلاصة بزاف شابة ناكلو فيها كيف كيف؟
(كاينة بلاصة شابة فالدزاير؟)
منال: اوكي
راح شرا مالمشينة تاع الماكلة لي فالكولوار و قالي تبعيني ....
(شبعني كلمة تبعوني...تبعيني)
طلعنا للسطح كان فارغ دخلنا ريحنا فالارض وعطالي سوندويش صغير مغلف قالي : لازم توالفي تاكلي شوية صباح و فالعشا كولي مليح بسكو هنا ما يكفيكش الوقت تاكلي plat مسڨم كي الناس...
منال : علابيها لبارح قتلنا profité le maximum ...
د.عبد الوهاب : هههه كنتي تسمعي واش كنت نهدر !
منال : ايه ياك كنت معاكم نسيت؟
د.عبد الوهاب: لالا قصدي كنتي تباني تخمي بعيد حسيتك ماكنتيش معانا كامل
منال : كنت نسمع ...
د.عبد الوهاب *يتبسم * : اه !! سمحيلي على البارح كي وصلتك انا ماكانش قصدي نهدر هكاك على حومتك ....
منال: .....
ماجيت نهدر بدا تليفوني يصوني شفت لقيتو المسؤول تاع قسم الجثث رفدتلو : قتلو ...راني جاية دقيقة برك...
كوپيت وقلت لدكتور عبد الوهاب :
لازم نروح سمحلي ...
د.عبد الوهاب : *يتبسم* معليش اذا بان كاش خبر على هذيك المراة قوليلي و اذا شفتي يوسف قوليلو يجوز لعندي..
منال : ok ! ان شاء الله
جيت حابطة نجري بصح ماعلاباليش علاش عاودت غزرت فيه لقيتو يغزر فيا ...
*غمزلي*
قلبي بدا يخبط وشبيه هذ البنادم ماشي nrml حبطت نجري و روحت قبالة لقسم الجثث...
...يتبع
Ida 3jabkum al part pls vote and cmt bach nkamalhalkom ;)
part 03 ^^
ابدأ من البداية
