مافقتش كيفاه داتني عيني و رقدت ...
.....
سمعت صوت الرافاي نضت نجري لقيتها 6 نسيت باه نعاود نريڨليه بسكو السبيطار بعيدض پاراپور للجامعة لازملي وقت كثر ....
معليه نضت نجري وجدت روحي بالزرب صليت ...وخرجت نجريي...
ركبت الكار كي وصلت حبطت وبديت نمشي بالزرب سمعت واحد يعيط منال مادرتش ليه بسكو سور ماشي انا شكون حايعيطلي مثلا
...
راني نمشي بالخف حتى نحس واحد شدلي الساكودو ورجعني للور...
غزرت فيه صبتو يوسف وجهو حمر و يتنفس بسيف ...
منال: وشبيك راحلك النفس؟
يوسف : ياودي لعمر خرجت ..من اللاري وانا نجري موراك و نعيطلك ماسمعتينيش الناس كامل كانو يشوفو فيا مخلوعين حسبتلهم هبلت
منال : ونتا علاه كنت تجري مورايا كاشما تسحق؟
يوسف : ههههه خلاص والو ادخلي رانا روطااار
مافهمت والو المهم دخلنا لقينا السبيطار معممر بالغاشي روحنا لبسنا طابليات حتى دخلت الاء تجري و بدات تهدر تهدر تهدر ...وتحكي واش صرالها بالتفصيل الممل و يوسف يتجاوب معاها ....كي لبست خرجت تجري ..واقيل مريضة تهدر الف كلمة فأقل من دقيقة...وتكمل كيلي ماصرا والو ....كون انا لازم نمسد فمي بالزيت قبايل باش مايوجعنيش
روحنا للبيرو تاع الدكتور عبد الوهاب كان يسنا فينا مع هذيك الطبيبة تاع البارح باينة تعرفو مليح
كي شافنا ناض وجا ووقف قدامنا
د.عبدالوهاب : مرحبا بكم رسميا معانا نتمنى نجوزو يامات شابين مع بعضانا
يوسف : ان شاء الله
الطبيبة : ايا دكتور راه لوقت لازم نبداو ...خلينا نحبطو
د.عبدالوهاب : اوكي ....تبعوني و ارفدو كل معلومة تسحقوها و اذا طلبت منكم حاجة ...نفذوها
لبس طابلية بيضة و دخلنا لاصانصور ....كان هو مالقدام مع الطبيبة يهدرو و اناو يوسف والاء من اللور ساكتين....
تحلت الباب و خرجنا حتى يقابلونا معمرة تاع الطبا يجاراو قالك كاين حادث كبير و حايجيبو بزاف جرحى
(هذو هوما اليامات الشابين لي قالنا عليهم؟)....
دعبد الوهاب : اسمعو مليح عندنا حادث كبير حاتشوفو عفايس بلاك ماكوش واجدين ليهم بصح ليوم لازم توقفو وتعاونو بسكو غلطة صغيرة تعني حياة انسان تبعوني ووش نطلب منكم تنفذوه ومانقبل حتى تبرير تاع معرفتش ولا خفت....فهمتو؟
حنا : اييه
خرجنا نجرو ملاصانصور و جرينا للباب تاع برا لقينا معمرة اطباء وفارمليات و رجال الامن...كامل واقفين يسناو
part 03 ^^
Start from the beginning
