GIRLFRIEND FOR HIRE [ EPILOGUE ]

"Nam--"

Hindi ko na sya pinatapos mag salita. Napagdesisyunan kong mas madali kung wala na akong maririnig pa mula sa kanya.

"Tama na Bryle, anu pa bang dapat nating pag usapan? Anu na namang sasabihin mo? Ikakasal ka na Bryle! Kaya pwede ba? pwede ba hayaan mo na lang akong mag isa?!"

"Pero Nam--"

"Anu na naman? Sasabihin mo na namang mahal mo ko? Papaasahin mo na naman ako tapos sasaktan mo lang naman ulit ako sa huli? Bumenta na yan Bryle! Hinding hindi na ako maniniwala pa sayo!"  tinulak ko sya tapos nilampasan ko sya pero hinawakan niya ang braso ko

"Nami makinig ka ple--"

Sarado na ang isip ko. Tinakpan ko ng kamay ko ang tenga ko..

tapos..

"Wala.. wala akong naririnig.. wala akong naririnig."

"Nam--"

"Ayoko sabing makinig eh!"  tinadyakan ko sya kaya nabitawan niya ako

"Aray! Nami makinig ka mun--"

"Wala na tayong dapat pag usapan pa! Hinding hindi na ko makikinig sayo. Congratulations na lang sa inyo." sabi ko tapos nagtatakbo na ako

.

.

.

Kinabukasan..

Buti naman mukhang wala na syang balak na guluhin pa ako tch..pero ang pinagtataka ko lang..

Bakit absent si Katie? pati sila Steve, Third at kahit si Tommy absent rin.

Nag aabang ako ng sasakyan pauwi.. ng..

"Nami.." tawag niya, kaya napalingon ako

At hindi ako nagkakamali. Sya na naman.

Akala ko makaka isang araw ako na hindi niya ako guguluhin pero wala talagang mintis eh no?

Lumapit sya papunta sa akin.

"Nami an--"

"Ilang beses ko ba dapat sabihin sayo na hindi na ako--"

"Hindi mo na ako pakikinggan. Oo.. Kaya nga, eto. Eto na lang ang ginawa ko." may inaabot sya saking sulat

"A-anu yan?" -ako

"Baka papel? =___=" -sya

"Aba nakuha mo pa kong pilosopohin ngayon huh? imba ka rin talaga eh no Bryle?"

"Eh tinanong mo ko kung anu to diba? sumagot lang ako!" -sya

"Tch.. umalis ka na.. wala na akong kinalaman pa sayo."

"Nami at least tanggapin mo man lang to." inaabot parin niya sa akin yung sulat

Biglang may tumigil na bus sa may tabi namin at kahit na jeep ang iniintay ko, since ito lang ang nakita kong paraan para makalayo kay Bryle eh sumakay na ako.

Sumakay ako at iniwan si Bryle na nakatulala dun. Naka extend parin yung kamay niya na wari'y may inaabutan siya ng sulat.

Nasasaktan ako habang pinagmamasdan sya. Iniisip ko kung anu bang nakasulat dun. Kung tinanggap ko ba may magbabago?

Tch.. Sino bang niloko ko? Walang magbabago kahit tinanggap ko pa yun.

Tama lang ang ginawa ko. Ayoko ng maniwala pa sa kanya.

.

.

.

Sabado na ngayon at nandito ako ngayon sa work room ni Lolo este Sir Bernard. Hindi ko na nga pala sya lolo diba?