وصلنا لسبيطار دانا لجيهت لي بيروا ...
دخلنا للبيرو تاعو بدا يوريلنا وين يخبي لي دوسي تاع قرايتو...
زاد دانا درنا دورة على السبيطار و أهم البلايص لي لازم نعرفوهم ..
لي سونسيال مانكذبش اول مرة حسيت قلبي يخبط لحاجة كي نشوفها وتعجبني ...شفت شوية مرضى داخلين خايفين هكاك....يعني صح تحس روحك كائن حي يحس بواش يشوف بسكو عندي شحال ماحسيت بوالو الله يسترنا ...
جاز الوقت تمتم و على 12:05 am دانا نفطرو فالكافيتيريا تاع السبيطار
خلّصلنا هو الماكلة ....
د.عبد الوهاب *يتبسم* : اليوم ماشي كل يوم اپروفيتيو كولو واش تحبو وانا نخلص.ً
يوسف : يعطيك الصحة دكتور نورمالمون حنا نخلصولك قدما نشكروك قليل
الاء : صح عندو الحق يوسف ولا واش قالو منال
(من وكتاه تعرف اسمي هذ الطفلة فالجامعة جامي غزرت فيا ...)
منال : لي قال شاه يربط لحمار -_-
يوسف : هههه
غزر فيا دكتور عبد الوهاب و طلعلي شنايفو بالتحراش الرخيس راه يعيب عليا ...دورت وجهي وخليتو يتبهلل كي الجايح وحدو....
خلّصلنا plat شباب كلينا و مدلنا نصائح شابين ...هو اول واحد يجي يعلمني وما يبداش يتفلسف ويخرط ويلعبها يعرف كلش ...يعني في مسألة التواضع منكذبش السيد يبان عندو الاخلاق ....
كي كملنا زدنا دورنا شوية اپري جاو عيطولو واحد لي ميدسان راح و خلانا وحدنا قالنا زيدو دورو شوية فالسبيطار مزال بزاف كبير شوفو واش تحبو....
.....كي راح بقينا وحدنا ، بدا يوسف يسيي يهدّرنا ...
يوسف : ايهيه واش تحبو نديرو !
الاء : نورمالمون لازم نتعرفو على بعضانا مليح حا نولو دي كولاڨ
يوسف : صح مالا واش حابين تعرفو عليا !
الاء : واش راك حابنا نعرفو عليك ...
يوسف : هههه بلي انا عاقل و ناس ملاح و نحب الطب بزاااف ...
الاء : ممممم هههههه
يوسف *يضحك*... ونتي منال واش حابة تعرفي
منال : والو صحة !
الاء : من صبح و نتي مشنفة وشبيك مام الدكتور عبد الوهاب حرڨتيه plusieurs فوا نوغمالمون تكوني بزاف فرحانة ليوما....
يوسف : لالا ماراهيش مشنفة هي هكا شخصيتها تبانلك برك...
(منين يعرفني هذا صح كان يقرا معايا بصح جامي هدر معايا حاجة اور لقراية)
part 02 ^^
Start from the beginning
