بون ....
الناجح الثالث: الاء سليماني
الناجح الثاني : يوسف جيبوني
و الناجح الاول : منال عبد الكريم
(علاش زهري كونطري ديراكت ننوي حاجة يحرقني فالوجه ) نضت و روحت ليه كيما لوخرين ...كانو كامل دايقتلهم بسكو فرصة العمر تاع الصح برك انا لي كنت نتمنا يخطو راسي ..بدا لبروفيسور يشكر فيا و فلوخرين تان وقالو حاتديلنا افضل الطلبة و حانتوحشوهم ..
طاحت عيني فدكتور صبتو يغزر فيا و يضحك وزاد شرلي بلي يدو راهي توجع...شحال تقلقت ... دورت وجهي وخليتو يهدر مع الريح...
صح حايكون استاذي و لازم نحتارمو بصح مانحبش يڨسر معايا ولا يتقرب مني...مدابيا نكون دايمن وحدي ، ديجا هكا راني هايلة ...
دوك كي حرقتو هكا سور مايزيدش يغزر فيا كامل و مدابيا يكرهني و يدي واحداخور فبلاصتي....بصح احلامي و امنياتي توجوغ من فمي للارض ماتبوجيش هك ولا هك ....
زعمة ودّعنا لبروفيسور و قالنا د.عبد الوهاب : تبعوني !
خرجنا ملاصال و دّانا لواحد لبيرو قالنا : تحبو تعيطو لوالديكم تبشروهم بواش حاديرو... اتفضلوا !
جبدوا تلفوناتهم و بداو يعيطو لوالديهم...
جبدت تلفون تاعي شفت الساعة كانت 9:45 عاودت خبيتو
د .عبد الوهاب : واش متعيطيش لداركم
(راه معايا !)
مناال: si بصح ماشي دوك يكونو مشغولين
د.عبد الوهاب *يتبسم *
علاه راه يتبسملي هذا ...وقيل مريض ...
بصح الصح الصح مابانليش هكا موقبيل عندو لي فوسات و زيد يبان شباب وصغير سي نوغمال عايش ...لهيه ...
حبّطت راسي و بديت نقرا فواحد الورق عطالنا نعمروهم بديت نعمر فيهم ...
كي كملنا خرجنا
د.عبد الوهاب : من غدوة ان شاء الله تولو تروحو لسبيطار في بلاصة الجامعة ....و ليوم نديكم تشوفو برك وين جاي ووين لبيرو تاعي ..باش غدوة نبداو ديراكت...
إيه ....خرجنا للباركينغ واحد الطونوبيل كحلة كبيرة ...باين عندو العط...ركب هو و يوسف مالقدام و انا و الاء ماللور بدا يڨسر و يضحك طريق كومبلي مع يوسف و الاء... انا ديجا ندوخ مالطريق بقيت حاكمة غير التاقة نبوجي هك ولا هك نديرلهم فياضانات تاع لقيا (حاشاكم ) فالطونوليل donc نشد التاقة خير لي ....
part 02 ^^
Magsimula sa umpisa
