قصة ريما بقلم نشوى السلطان الناشربارق

rema part19

صكر.: بوسه يولووو تعالي هين...

ريما.: خرب امين هنا روووح عفته وطبيت ركض

صكر.؛ وين تروحين تصيرين بيدي شغلت السياره ورجعت للييت.. كبل نمت جنت تعبان

ريما.: كعدت الصبح اللتهيت ويه ليلى اخذناهه للصالون وطلعت ملكة تخبل رجعنا لبيت جدي

لكينه الكل مخبوص وصياح .. سألت شنو السالفه

الحجية.: يمة بيت عمج مايقبلون تروح للصالون ورشا مقهوره محد يعرف يسوي شعرها

ريما.: لا خطيه ليش مايقبلون شبي الصالون

ام بشير.: لا عيب ماعنده نسوان يروحن صالون
خلي يمكجنها البنواات..

ليلى .: عمه شلون يصير ليش ماخليتوها تحي ويانه للصالون هو بس بنات

اسماء .؛ دفوتي ريما سويلها مكياجها..

ريما.: لالا لا خلي وحده غيري .مالكيتو الا اني

رشا.: تعالي ريما لا عبالج اني اتحسس منج بالعكس .. انتي وبشير ماتراهمتو مابيه شي
احنا موغربة كلنا عمام ..

ريما.: والله ياعيني اني ..

ام بشير.؛ دفوتي يمه شلون ماجان كمليها العالم جوي هين ومحد يعرف يسويها مثلج

ريما.: بقيت بحيره شلون خاف ماسويها ويزعلون .. طبيت وياهه للغرفة وحدنا عالسريع
بديت اسوي بشعرها وبالمكياج اشتغل وعيني عالباب خايفه يجي بشير..

بشير.: فتحت باب الغرفه اريد اخذ السماعاتً

جان اشوف رشا كاعده بدلة العرس وريما
واكفه يمها تسوي بشعرها..بقيت واكف ماعرف
شنو ااحجي.. يعني الي روحي بيها معلگة وجنت اتمنى اشوفها مزفوفه الي كاعده وتسوي بعروستيً الي ماشفت اي سعاده وياهه مو ذبنها بس روحي ماتحبها

ريما.: انفتح الباب انصدمت بسرعه لفيت الحجاب وخرت على. صفحة شفت بشير واكف بالباب وصافن بوجهي..

بشير.: مرحبا اسف جيت اخذ السماعات مادري انتو هين..

رشا .: فووت بشير ماكو احد غريب بس ريماا

ريما.: رشا جانت كلش طبيعية ويايه شقى وضحك ولا كأن جنت خطيبة زوجها .. بقيت ساكته ماحجيت شي دخل بشير اخذ السماعات وطلع..

بشير.: طلعت محترررك بنار شلون دنيه يعني محد يسوي عروستي غير حبيبة عمري
يعني شلون تحضرها وادزها عليه واني كلبي يمها شلووون طلعت انفخ من الضوجة لو ماشايفها احسن كل مااشوفها احترك حرك

ريما.؛ كملت شعرها ومكياجهه عالسريع وطلعت
ماكدر بعد ابقى بالغرفه وبشير رايح وجاي
لومااتفهرت عليها يوم عرسها وبدون صالون ولا اسويها طلعت للهول .. كعدنا العروسات
اني بقيت كاعده يم ليلى.. وايه مابطلت ركص
هي واسماء ادحج عالكل عينهم عليه وعلى رشا
مادري ليش حسسيتهم ديقارنون بينه ٰ