بت روحي

كشف الحقيقه

سكت كال تعبان وريد انام لاتكعدوني.. كتله ماشي خليت وطلعت عبالك جنت بيوم القيامه ويحاسبوني ودخلت الجنه ههههه والله ضحكت على روحي من طلعت من يمه لخوف متملكني....

مرت ايام ويوسف ماشوفه حته بلمدرسه اخو يجيب الطلاب عرفت.. حسين محاجي لايجي كبالي ...مرت اشهر على هاي الحاله...
بس منو ايصدك اني ماكرهته بعدني احبه بشكل الليل كله ما انام  افكر بي ...
شاغل كل ذره بعقلي وبكلبي نار احس مشتعله عليه...
  ليش حبيته وهوه احسه ميستاهل .. قرب محرم ماجنت اعرف بشهر محرم  راح ادمر جنه كاعدين اني قصي وساره وحلا ومي وحسين بلصاله اسولفون وضحكون بس انتبهت الساره ضايجه كلش...

غمزت اله حته تكوم صعدنه للغرفه مالتنه..
كتله.. شبيج ضلت تبجي وكالت لحكيني اني عندي علاقه بواحد وصوره والمحادثات بلتلفون وتلفوني عد حسين اخذه مني ...
شاف الاشعارات وكلي فتحي القفل كتله موتلفوني تلفون نور لان اني وياج نفس التلفونات خله رمزج وطلع غلط كال رمز
نور  بت روحي اعرفه هاي غلط ..
كتله غيرته يمكن اني جمدت عبالك سطل مي بارد وذبو علي والله بابا ايذبحج ومايرفله جفن ولج اسويتي ..

كالت ولحل شلون كتلها ضلي هنا راح اشوف شلون احلها ...
بس شلون رمزج علمتني ورحت لغرفت حسين نفشته نفش اخر شي لكيته فوك الكنتور فتحته حذفت البرامج كولها والصور وغيرت رمز حسابي ..

وخليته صامت وفعلت الشبكه حته يوصلن مسجات الواتساب طبعا بس صديقاتي مراسلات خليته مكان تلفون ساره وفلتت انطيتها تلفوني وكتلها والله بعد مادخلني لو لزمتي وهاذه..

التحجين ويا اكيد يضحك عليج لو يريدج خطبج..
  رحت يم حسين شوي سولفنه وهوه يريد ايشوفني اسئل على فوني ...

شوي دخلتلي بسالفه تخص التلفونات كتلهم وين فوني اشو ماكو...
سئلت قصي كتله مشفت تلفوني..

كال لا..
كلت واني  اسوي  نفسي ضجت..  يااا اكيد خذته ساره اني الها هسه تخلص رصيدي على صديقاتها..
كال حسين .. فونج عد ساره
كتله .. يمكن. عدها
ردت اروح عود الساره واني اصيح عليها..
كال عندي تلفونج كتله صدك بابا صارلي شكد اسئل وانته تباوع بوجهي...

ابتسم كال هيج احب اضوجج كال روحي للغرفه وهسه اجي انطيج ياه ...

رحت وهوه اجه وراي انطاني ياه من نفس المكان..

كتله ليش ضامه هيج شبي كال مابي شي بس فتحي فتحت رمزه وانطيتها اني مخليه صورته خلفيه شافه انطاني ياه..

سويت روحي ضايجه كتله... لااخذه دور بي خاف عندي سوالف مكسره..
كال شبيج شنو اشك بروحي..
كتله.. لعد ليش ضامه ..
كال ..اكولج ليش اني شاك بساره عدها شي لان  تختل هوايه وتلفونها دوم ضامته ...

اني خفت كتله.. لاشبيك هيه ماعدها شي لوعدهاا جان كلتلي كال ..ما ادري بس متاكد اكو شي...

رحت من يمه وحاجيت ساره وكتله عوفي ميفيدج لان  بابا شاك بيج...

كالت ماشي ها هيه راح اعوفه والله ...
مرت 7ايام سلامات اخر يوم اجه حسين عيونه نار صاح بيه وين ساره !!..
كتله.. ماعرف يمكن  جوه..
كال وعيونه نار مفور من العصبيه ..
حسابج بعدين انتي..

وراح على ساره ضربها موتها شبعه كتل اول مره بحياتي
اشوف حسين يضرب ماضارب مره بحياته ...

سحبني للغرفه وكال سدي الباب وتعاي يمي.. اجيت واني ارجف من الخوف كال ماريد واحد بلبيت يعرف الصار سمعتي كتله اي صار ميخالف
...
كال انتي تعرفين بساره عده علاقه بيونس ابن خالتج مو

كتله... والله ماعرف عده علاقه بيونس كال هذاك تلفون ضميته موتلفونج وانتي بدلتي هوه تلفون ساره كتله اي خو ماخليه الك تجرم بيها ..

بس والله حذرته وكتلها تركي بس ماعرفه يونس وهيه كالت اعوفه وحلفتلي..

ضحك وكلي شكد فقيره انتي ولج خلي عقل براسج هاي ام المصايب هيه لدزت صورج اليوسف...
وهيه حجت وي يونس باسمج بس تالي عرفها وبقو على علاقه...
اني احس انصدمت صدمه عمري ..معقوله اختي تطعني بضهري وتلعب بشرفي ..
خيبت الامل لبالي ولحزن ولخوف شنون ساره سوي هيج ليش ياربي خليت وطلعت رحت نمت بغرفت حسين..

وضليت ابجي لحد منمت شوي ودخل حسين فزيت بعد ماتحمل انفجرت بوجها بواجي ..
كتله ليش سوت هيج اني بيمن قصرت وياها ليش تستغلني ثقيت بيهه وعتبرته اختي ليش هيج سوت ..

شبكني وكلي شكتلج قبل لاثقين بشر ولاتبيعين سرج لان
ماكو شخص يحفض السر واحد بلميه تلكين زين وخصوصا انتي ايغارون منج...
لان اني ابوج ومحد يكدر يحجي وياج ..

كعدني يمه كلي اي شي تريدينه هسه اسوي الج كتله لاتحاجيه احسن حل..
حاجي يونس خلي يزوجون وتلفونها كسره وسترو السالفه كال  ..
وانتي شلون بيج اسامحين على كلشي صار كتله  احاول ؤراح اصرف عادي بس ماكدر انسه السوته بيه شهرتني اختك وخلتني وحده رخيصه بعيون العالم...
كال الله ياخذ حقج اذا متريدين اسوي شي لهم رجعت وي ساره عادي احاجيها  بس بحدود عبالك غربه حيل انسحبت ساره انخطبت  اليونس غصبن عليه لين حسين  خابر خالي وحاجا وخالي كال لبت بتنه وحنه نخطبه اله سوو حفله...
...........✨🌹
مسائكم ورد
بقلم: حور حيدر
الانستا:-enghour98