اسيرة بموافقة أبي الجزء الاول

الفصل الثاني

الفصل الثاني

_________

في عمارة السيوفي تحديدًا شقة ابراهيم، في صباح اليوم التالي، وقت الظهيرة كانت تجلس مودة مع سمر وفاطمة وهبة، لتصيح مودة كعادتها كل يوم:
- يعني قوليلي يا خالتو انا اخر مره خرجت فيها كانت امته

رمقتها سمر بهدوء مجيبة بصراحة:
- من بدري اوي

- يعني احنا فعلا عايشين في سجن لا خروج بنخرج
ولا تعليم بنكمل اومال احنا عايشين ليه في حياتنا قوليلي؟

قالتها مودة بتمرد لتجيب فاطمة محاولة خلق روح من الأمل هاتفة بمرح:
- بناكل وبنملي التنك ياه الواحد نفسه في صنية مكرونة بشاميل تنسيه كل المأسي اللي مقاسي

قهقهت هبة علي حديث شقيقتها الصغري، فكانت تحمل ابنتها النائمة في أحضانها لتتوقف عن الضحك قائلة بسأم من هذا الموضوع الذي لن ينتهي: 
 -  يا بنتي انا زهقتلك..كل ما اطلع الاقيكم بتتكلموا في نفس الحوار.. وبعدين انتِ عارفة وكلنا عارفين ان محدش بيقدر يمشي كلمته علي بابا ودايما بيعمل اللي في دماغه..وبعدين هتاخدي ايه من التعليم يعني بلا وكسة..اتجوزي زي ما انا عملت علشان اخلص وريحت من ابوكي شوية

رمقتها مودة بسخرية قائلة:
- انتِ اتجوزتي ابن عمك اللي كلنا عارفين انه ميت فيكي  وبيحبك من زمان فمتعمليش علينا انك ضحيتي
وحتي تعليمك انتي اللي مكنتيش حابة تكملي دراستك لكن انا مش هقبل بكده لاني مش ضعيفة

رمقت سمر مودة بنظرة قاتلة فكلامتها حادة علي هبة فصاخت بها:
- مودة لمي نفسك

نهضت هبة من مكانها هاتفة بضيق :
-سبيها يا خالتو..انا طالعه شقتي الحق اعمل الغداء

وذهبت هبة وبمجرد ذهابها هتفت سمر بغضب ونبرة شبة صارخة:
- يعني انتِ كان لازم تتطولي لسانك اللي عايز قطعه..كمان شويه تتطلعي تعتذري ليها وأياكي في يوم من الايام تجرحي اختك بالكلام تاني

كانت فاطمة تتابع المزقف لتهتف مودة بنبرة أسفة وغاضبة علي حماقتها:
-مكنش قصدي اضايقها والله انا عارفه اني لما بكون متعصبه بخرب الدنيا

ربتت سمر علي كتفيها قائلة بنبرة حانية:
- لازم تراضي اختك قبل ما جوزها يجي 
_______

-في شقة نهلة شقيقة يوسف-

هتف يوسف سائلا أياها عن أحوالها:

-عامله ايه

- بخير يا ابيه يوسف وانتَ

يوسف: بخير يا حبيبتي مش محتاجه حاجه كده وله كده نقصاكي

نهله بخجل:لا يا اخويا ربنا ما يحرمنيش منك

يوسف: قولي متتكسفيش لو في حتجو