~ آلَـقِـلَـبُِ لَآ يْـنّسُـﯽٰ ~

البارت الرابع

ريهام

...اخر يوم لي في بغداد الحبيبه التي اخذت مني اعز ما املك وسأترك شخص احببته من كل قلبي ، اتمنا ان لا يكون هذا هو الفراق بيني وبينه ، كتبت له رساله عن حبي وعشقي له عسى ان يحن قلبه ويتذكرني دائما ، عمي سوف ياتي ليأخذني ، لا اعرف عنه اي شي ، ما اصعب ذلك فمصيري مجهول معه خائفه من الذي ينتظرني هناك في اربيل حيث سأسكن ، خائفه من عمي الذي لا اعرف فقط اسمه ، يا ترى هل سيكون مثل ابي يحبي ويدللني يعتبرني ابنته
وانا شارده بأفكاري دخلت عليه حنين
تتكلم بصوت حزين هه هي جزي كبير من حياتي وها انا سأتركها واهرب من واقعي عّلي اجد السعاده
حنين. وين بالج
ريهام. راح لبعيد لحياتي الجديده حنين اني شون حعوفج بس انتي بقيتيلي بهلدنيا بعد امي
حنين. اهئ لج راح اموت واللة بلكوه متحمله علمودج مدانهار انتي صديقة عمري وطفولتي واختي شلون اكدر اتحمل الحياة بدونج شلون حكضي يومي من دون حجيج وعركاتج وياي ويا البنات
ريهام. هه لتخافين تتحملين هاي اني فقدت اعز ناس بحياتي بس بعدني عايشه وجاي اقاوم لو اللة ما انطانه الصبر جان كلنا متنا وره الي نحبهم
حنين. ونعم باللة بس انتي ليش هيج صايره بارده معقوله عندج عادي تعوفيني وترحين واللة اني كلت لابويه تبقين يمنه وهو قبل وكال بعديني اخليه رهوم دخليج لا تروحين ابقي يمي اني منج اخذ قوتي لو مو انتي اني الباب ما اوصله ع هاي حالتي شلون حداوم جامعه واشوف نظرات الطلاب الي
ريهام.
(نزلت دموعي لكلامها ، انني محظوظه بها ، ولكن كيف سأواسيها وانا احتاج من يواسيني ويخفف المي ، تريدني ان ابقا بقربها وهواكثر شيء اتمناه ما هو احلى ان ابقى بقرب صديقتي والشخص الذي احبه ولكن ذلك لا يجوز لا استطيع ان اثقل عليهما مهما يكن انا لدي من يتكفل بي وانا لا استطيع ان ازيد حملهم فوالدها كبير في سن  دخلهم محدود ولديها اخ لا يجوز ذلك )
ريهام.  حنونه لا تصعبيها عليه وداعتج ما اعرفج ونبقه نفتح كامره كل يوم واللة اخليج تحسن وعبالك اني يمج وحتى من داومين جامعه كل ساعه اخابرج
حنين. اوووف انتي اصلاً مقرره يعني حجيي مراح يأثر عليج روحي اللة يسعدج ويوفقج بس مكتيلي وليث شلون حتعوفي
ريهام. هذا حب الطفوله وكبر وياي ومستحيل انسا بس اظاهر مستحيل يحبي واللة اعلم يجوز بالمستقبل نشاوف وراح يغير فكرته عني ويحبني
حنين. يااا ولج رهوم ليش هيج مأيسه من الحياة حبيبتي انتي هسه لازم تقوين وتوصلين اعلى المراتب علمود ترفعين راس اهلج وتريحيهم مو تيأسين وتخنكين نفسج بالحياة راح تعذبيهم هيج وتذكري كل شي تسوي حتسيئين لسمعتج وسمعة اهلج فنتبهي اناي ميحتاج اوصيج بس ذكرتي اني
ريهام.  انشاللة المهم هذا الكلب ملكوه وليش كتل امي مجاي افتهم شنو جان صاير بينهم
حنين.  قصدج زوج امج اي اليوم الصبح كمشوه ابويه هسه كلي هو اجيت اخبرج طلع جايب ابنيه ويا بالبيت وامج كابسه عليهم وصايره عركه بينهم وكاتله بالغلط
ريهام.  حسبي اللة ونعم الوكيل بي  بالغلط اللة واكبر واني شنو ذنبي اخ يا كلبي بالغلط امي تموت كون اني هم بالغلط اموت واخلص ولا هل عيشة الذله هاي انشاللة اللة يحرك كلبه مثل ما احترك كلبي دعوه بنيه مضلومه
حنين. انجبي لج هذا قدر وصار لتدعين ع نفسج اني حطلع بره امي جابتلج كل غراضج ومكان الذهب مال امج الي دليته عليه من البيت  وفلوس هم وتره مبلغ جبير كلش ما انصحج تاخذي ابد خلي ببنك افضل
ريهام. اي صح اني ما اريد اخذ الذهب والفلوس وياي لان ما اعرف اذا عمي ومرته آدميين او لا اريد اخليهم امانه يمكم واني اعرف انتو كدهه
حنين. ماشي حكول لابويه هو لو عمج ببغداد جان ابويه دز ناس سألو عليه بس بأربيل وما عنده معارف  هناك واي شي تحسي مو طبيعي او يأذوج احنا اهلج من دون تفكير ترجعين هنا
ريهام.  انشاللة
.
.
.
.
😄 سلام حبايب كلبي بعدكم متذكرين القصه لا ، رجعت بعد غياب وتعب سنه والحمداللة خلصت من السادس وانشاللة ارجع ابدي اكتب
طبعاً كتبت مقطع صغير اريد اشوف تفاعلكم وياي ورأيكم ، وغيرت اسم الروايه من حطمتي اسواري لقلب لا ينسى لان راح يصير تغير بالاحداث وحسيته ما مناسب 🤗😍❤️❤️❤️❤️