**احببت Rommate**

الحلقة الاولى

**احببت روميت **حلقه 1
للكاتبه *سونيا ايلين*
لا احلل نشرها بدون ادن

قد تكون روايه خياليه لكن كل احداثها موجوده في الواقع ... يعيشها اشخاص موجودون في مجتمعنا او في مجتمعات اخرى. قصص حدتت مع كثير من البنات منها العيش مع زوج ام ...الزواج الغصب ...الطلاق...الحب...وقضايا اخرى كلها تحدث... لكني جمعت تلك القصص لتحدت مع فتاة واحده لتكون بطلت روايتي...**سيلين**

المهدي: ادبر راسهاالصرف معاش صارف عليها
سعاد:علاش.. كيف البنت عاداتك بوها وتحبك
المهدي: لا بوها لاسو كان زي بوها ادير يلي نقلها عليه
سعاد :ترجع لموضوع صابر
المهدي:وتلقى خير منه فلوس وعز
سعاد :شن عاجبك فيه سكار نكار
المهدي: سكري فمك مانا والله كان متاخداش لما نلوحك معاها في الشارع
سعاد :حرام عليك
المهدي: حرام تو انوريك الحرام يافاجره
ناضلها وضربها كسرلها جسمها ....

هادي امي ...طلقها بابا بعد ما حملت بيا محبهاش لان كان مغصوب عليها وكان يحب مرا تانيه
بعد ماجابتني تزوجت المهدي يلي طمع في القرشين يلي عندها بيعها الحوش يلي اعطاهولها بابا على اساس هي ام حاضنه وطلقها..... بابا ماحاولش يتعرف عليا او يعرف حتى شن ربي رزقه بنت او ولد او شن اسمي او اي شي بكل....كل حزني وتعبي سببه...ابي

حنان ؛هيا وقت خلي نروحو
سيلين: منبيش نروح نلقى الغول قدامي
حنان: معليشي شن بديري
سيلين :نعرف ما عندي شن بندير
حنان :كان عندي خو اهو خديتك ليه باش تفتكي من التمرميد
سيلين: يسلمك ..صح ربي معطانيش خوات بس انت احسن صاحبه في الدنيا وزي اختي

روحت وكنت نتمنى نبات البرا بس شن بندير...
روحت لقيت الجيران متجمعين قدام الحوش وامي مطلعينها في الاسعاف
خفت ومتت خوف ان يكون دار فيهة حاجه.مشيت نجري لقيت وجها مخرب من الضرب شهقت ووقفت في مكاني..ركبوها في الاسعاف و ركبت معاها السياره وطول للمستشفى
(خفت... خفت ان اخسرك غاليتي فانتي من لي ومن بقى لي من عالمي الفارغ)

كان عندها رضوض قويه في وجها ويديها مكسوره كانت راقده وتتوجع تمنيت لو نقتله نكرهه نكرهه من قلبي
جا الشرطي وقدمت فيه بلاغ ان اعتدا على امي بالعنف

بعد ساعتين امي ناضت
سيلين: هي تبكي حمد لله ع سلامتك متت من خوفي عليك
سعاد : يسلمك متخافيش ....جا بوك
سيلين:بعصبيه معاااش تسألي عليييه خيرك امي راهو قريب قتلك من الضرب ومعاش تقولي بوي هدا كلمه كلب حرااام فيه
سعاد: اسكتي خلاص
فجأة فتح الباب وكان المهدي واقف سكر الباب وجا يجري شدني من شعرها وسكرلي فمي
المهدي:اني كلب ياكلبه اااه... اني تفتحي فيا بلاااااغ والله نقتلك ونشرب من دمك
سعاد :البنت بتموت
المهدي: طلقها وتكاها ع الحيط تموووت ...لا متموتش مازال تتزوج صابر ..كيف عاد بنفرح ببنتي😈
سيلين: كانت تبكي وهي مكتومه
سعاد :وسع بالك
المهدي: سكري فمك حسابك بعدين ع طلعتك من الحوش بلا شورى
سعاد :والله الجيران سمعوني نعيط بعد ممشيت جو شافوني وسعفوني
سيلين: شن تبيها تموووت
ويجيها كف
سيلين :ااه
المهدي :وتردي الكلام وجرها من شعرها وحطها بحدا امها
المهدي شاد وجه سعاد بيديه ...شايفه وجه امك هادي والله كان ماتتزوجيش صابر لما نخربشه بالمووس
سعاد :اااااه
سيلين : وهي تعيط سيبهااا ... باهي خلاص
فجأه دخل الشرطي عم ع الغرفه الهدوء
الشرطي :حضرتك سيد مهدي
المهدي :اي اني هو
الشرطي؛ الانسه مقدمه فيك بلاغ انك ضارب امها
المهدي: شاف لي سيلين.. حاق سيلين؟
سعاد: لا ياوليدي طحت من الدروج
الشرطي: بس الدكتور قال عنف وهكي باين
المهدي: عنف شن توا... اني يبان عليا العنف تي عزوز وطاحت وضعيفه بتموت وجها تلخبط وكسرتها قصدي يديها انكسرو
الشرطي :انسه سيلين شن رايك
سيلين: ا
قصت عليها سعاد :سيلين ماكانتش في الحوش
الشرطي :شن سيلين
المهدي: سيلين بنيتي تبي تتنازل صح
سيلين بعد صمت .....اي صح
تنازلت وياريتني ماتنازلت نتفكر روح بيا هداك اليوم ومخلانيش بحدا امي
قددلي جسمي بالسبته ووجهي مقرباش يقولي وجهك باش تقابلي بيه
ضربني لان قدمت فيه شكوى وضربني باش نتزوج صابر
بعد يومين روحت امي من المستشفى طبعا روحت بيها غالية جارتنا لان المهدي مش فارقة عنده واني حابسني في الدار زي الحيوان
دخلت امي للحوش وكان المهدي في انتظارها
......يتبع