الشيخ والعشق

الاخير

مااحجي بيومها ع كولتهم وكع الحطب بينه ماكو شي صفت اعتذر عن تصرفه واعنذرت اني هم
صار عليه 4شهور اخذت سونار كالو كاعد ع طيزه بسادس كذلك لحد اخرشهر والدكتوره ياتكول كاعد ع طيزه ياتكول ساد رجله طبعا لمشاكل منتهت بس ع خفيف واني معتزله عنهن
كعدنه الصبح تعبانه اني خلصت شهري صاريومين وماكو شي اتحددلي عمليه بعد اسبوع طلع قيصر واني عندي الام بس تروح وتجي كتلهم كالو تشاليع عمي طب صرت كباله كالي شلونج
زينه شيخ الحمدلله
بويه اني حلمت بيج اليوم
صدك
اي بالله
الشيخه شحلمت ابو قيصر
والله حلمت انه لابس محبس فضه بي فص ازرك شحلاته ومسصرات نسوان قيصر كدامي وانه حاير المن انطيه كلت اخليهن يكدر والي يصير عليها تاخده مطب بيد لاامل ولارقيه يوكع منهن بس باايد ناي كعد شحلاته كان مفصل تفصال ع اصبعها
الشيخه: هههه بشاره خير ان شاءالله
ده يحجون احس الم قوه عندي الشيخه يمي لزمت ايدها كل قوتي
ها يمه شبيج
دموعي مااسيطر عليهن كتلهه يمه لحكلي بطني ده تتكطع عبالك ركضو بيه لبسوني جبه وطب قيصر يركض 🏃 اخذني انه والشيخه والشيخ لااول مره يحضر ولاده وحده من جناينه سبحان الله ياهي الي تجيب يكون عنده شغل لو مايدري بيومها كلششي ماعنده وطلكت كدامه اني اجه ويانه كالو ولاده مرت ساعه الم يموت اعيط منه جبت والله سئلت الدكتوره شنو جنسه
ضحكت كالت ولد جنه فلعت كمر
اني ع سديه دموعي غركن وجهي ربي رحمتك غطت كل شي صار الحمدلله ياربي صدك جنت متمنيه افرحه لقيصر طلعو يجيبون هدومه سبحوه كبالي اسمع الهلاهل ترست المستشفى
قيصر: عذبتني يله رضت وحملها جان شويه صعب لاتاكل ولاتشرب بيه صارت نص من الضعف كالولي ده تطلك خابرني الشيخ اخذته ولشيخ صعد وياي كاعدين بره اني والشيخه نوال وابوي وطلعو هابويه بشرو
الحمدلله جابت ولد جنه كمر
شجابت بويه
ولد ولد شيخ يتربه بعزك رفعت ايدي لسمه ربي شكول الف حمد ولف شكر الك الشيخ حضني يصيح والله لااخلي ام الشيخ تطلب وتتمنه الشيخه هلاهلها ترست الجناح مال الولاده طلعوه حطو بيدي بويه كل هل سنيين انتضرك الحمدلله اشكر ربي شفت جيتك من الغاليه اطيته لبوي ايأذن بااذنه ايدي ترجف كالي شتسميه كتله بويه سميك هذا داود سماه داود طلعوها للغاليه تبجي وجهه اصفر ارتاحت وخذيتها للبيت ابوي سوه عزيمه ذبح ذبايح
ناي :فرحتي متعادل فرحتهم من ايد لاايد كلها تصيح الشيخ هوه بكماطه وسموه شيخ طب عمي شايل علبه فتحهه ست بتوت ثكال وكلاده زنجيلها فوك صرت بطني بيهه قران جبير لبسنياهن
الشيخ: ولدي الحمدلله كلها عيلت وعدهم ويلاد وكلهم عزاز لكن قيصر يختلف لانه من بعدي

من يوم الي اجه داود صرت خطر ممنوع الاقتراب لا امل ولارقيه يندكن بيه باامر من الشيخ داود الجبير عمر داود سنه وسمعت نجم طلك مرته واخذت بتها وهوه سافر اخر اخباره عرفت انه بجورجيا ماعرف عنه شي ولااكو تواصل بينه والدي عايش اسمع اخباره من بعيد لبعيد مره سمعت مريض رحتله واديت الواجب مثل لغريب امي نفس ماهيه عندي اخوه من امي وعندي من ابويه بس اذا شفتهم بشارع ماعرفهم شفت مرتين اختي من امي نسخه ثانيه من امي عدهه قانون اني وسويت وعملت سرى صار عدها 3ولد وبنيه الله بحفضهم وزيد ابن خالي اخذناله سميه بت قيصر ورقيه علااقتي بحمويني زينه يحترموني واحترمهم اخذقيصر كاع قريبه ع بيت الشيخ داود وبناها 3مشتملات فلوس سيارتي جانت عد خالي كلي اخذي بيهن ذهب فلوس مره مااحط بيدي اني امل ورقيه طلعن بمشتملات بس مشتملي فارغ تالي كعدت بي سرى ومحمد لان الشيخ مارضه اطلع اني متعلق بالولد اي ولد هههه ولدنه ولله الحمد اني وقيصر صار عدي 4ولد داود وابراهيم وسلمان واخر العنقود عمره شهرين هسه سميناه صهيب
ضرايري مصار عدهن بعد وقيصر ممقصر بشي لاوياي ولاوياهم بس اكثر وجوده يمي لان هوه ابيت الشيخ طبعا الشيخ داود تعب وسلم الديوانيه كلها لقيصر هيه من زمان اله بس جان يساعده شوي هسه كله بعد انت اني ماكدر اما اني فتحجبت لاقصدي اتجفنت هههههه جفوف وجواريب وعبايه راس واخر شي كلي لبسي بوشي
اي عادي ماعندي مانع بس البس هذا الي تطلع منه لعيون
-هههههه شسوينه لعد لابويه كله
حاولت وياه مفاد لبسني بوشي نسوانه عادي عباه وحجاب بس اني بهاي فرق بوشي لبسني شغله لمحكمه ومهنتي ممنوع احجي بيهه بس من تصير شغله ايدوخ بيهه يسئلني بشغلات قانونيه ازوجته ب2010صار 8سنين الحمدلله راحت خبالات الاوليه ماكوبينه شي تعلمت ع طبعه وهوه مامد ايده بعد عليه نهائيا ومافاتت ليله وهوه منايم ع فراشي يروح ونص الليل يجي يمي ولليوم اخاف اخلي بيه غلط ونفس اهتمامي بنفسي وبي
هذي قصتي يمكن مابيها شي تستفادون منه مع العلم شيخ قيصر سحبته بالحجي شويه كتله التهي اكتب هيج هههههعه وقنعناه بطرق خاصه😉 ع النشر
اتمنه للكل الخير والتوفيق والسعاده مرات تحرمنه الدنيه من اشياءهواي بس تعوضننه بلي يكون افضل واحسن منهن لحمدلله صرت ام واخاف جدا ع اولادي تعلمت من تجربت امي ومستحيل اعوفهم وقيصر صارلي سند وحزام ضهري ابويه واخويه وزوجي ومرات حته احسه ابني الله يحفضه ويحفظ ولدي
اشكر الحلوه الراقيه المثقفه صاحبت الاسلوب الرائع ورد العامري طبعا لحت عليه اذكر كل الاحداث وبالفعل رجعتني لذيج الايام الحلوه اشكرج ياغاليه
واشكر كل الي قرو القصه تحياتي الكم

كالعاده قصص تحملنه بطياتها لنعيش معهم احداث مشوقه ومغامرات اتمنه السعاده لاابطالنه الحلوين والسعاده لكل متابعيني احبكم في الله انتضروني ببقصه جديده دمتم بحفظ الله ورعايته
الى اللقاء
اختكم ورد العامري😘