[2] Officially Back Together

26 - Pie

Hindi naman ipinababa sa'kin ni Coach yung mga braso ko kanina hanggang hindi ko naba-block ang palo ni Ara. Kaya eto, stuck din ang braso ko sa pormang magba-block.

.

"O, anong nangyari dito?"

.

Ulo na lang ang naiangat namin lahat. Andiyan na pala ang Archers. Sila na kasi ang susunod na magte-training.

.

"Nag-apocalypse na ba? Bakit ganyan mga itsura niyo?" Natatawang tanong ni Kuya LA. "O may zombie invasion na? Zombie na kayo, 'no? Umamin kayo!" sabi pa niya sabay atras at harang sa mga teammates niya.

"Tumahimik ka! Tulungan niyo muna kami!" Sigaw ni Ate Liss na na-stuck naman sa pormang nag-dive para sa bola.

.

Lumapit na sa amin ang boys at tinulungan kami. Siyempre, si Jeron ko ang lumapit sa akin. Hihi. Araaay.. Kahit pala kiligin hindi pwede, masakit sa muscles!

.

"Anong nangyari sa inyo?" natatawang tanong sa'kin ni Je habang inuupo ako. "Uy, braso mo, gusto mo pa mag-block?" Nakataas pa din kasi ang braso ko.

"Ano ka ba, party-party tayo. Raise the roof -- ah - aray.." Sinubukan kong mag-pump ng hands pero hindi keri!

"Mmm. Asim, Miks!" pang-aasar niya dahil naka-expose nga yung kili-kili ko. Pero parang sira, amuyin ba!

"Oy, mabango 'yan --"

"2 hours ago?" Pagtuloy niya sa sasabihin ko habang natatawa pa din.

"Hanggang ngayon kaya. Baka kay Kim naaamoy mo," katabi ko lang kasi si Kim. Inamoy ko naman yung akin, mabango naman kaya.

.

"Lul -- aray! Pucha, dahan-dahan naman!" Sigaw ni Kim sabay sipa kay Almond at Kib, tig-isa ng paa yung dalawa.

"Ikaw na nga tinutulungan, ikaw pa naninipa?" Panunumbat ni Almond sabay tayo. "Diyan ka na nga! Tara, Kib!"

"Uy joke lang, 'di na mabiro." Sinimulang habulin ni Dora yung dalawa habang nakaluhod at nakataas pa din ang mga braso. Ayan kasi.. Para tuloy niyang sinasamba yung dalawa.

.

"Aray, Mojacko!" Biglang sigaw ni Carol.

"Ano ka ba, I'm trying to loosen up your muscles," tuwang-tuwang sabi ni Gab habang inilalampaso si Carol paikot sa court. "Tapos nakatulong ka pa sa paglilinis dito. O 'di ba, 2-in-1? Nakatulong ka na, na-relax ka pa."

"Humanda ka sa'kin mamaya, ibabalik kita sa planeta mo! Bakla ka!"

Tsk tsk. Gumaganti lang 'tong itlog na 'to eh.

.

Napatingin ako kay Cienne. Nananahimik ang loka. Palibhasa si AVO ang tumutulong sa kanya kaya pa-demure ang bruha. Pero parang may something sa ngitian nung dalawa. Hmm..

.

"Guys, hindi pa ba kayo magsho-shower?" Si Ara! "Training pa?"

.

Bigla kaming nagtayuan.

.

Aguy!

.

Narinig kong lumagutok lahat ng mga buto ko pero wapakels! Tumakbo na kaming lahat sa locker room.

.

Kalokang babae 'yun, ibuhos ba sa'min ang galit niya! At ang loka, nakangiti pa kanina at mukhang nag-enjoy sa ginawa sa amin!

Kasalanan 'to nung Tres Marias eh!