جنون الحب

البارت 11/12

#حب جنوني
الجزءالثاني عشر
ل وردالعامري
رغد: وصلنه سوريا لكن الطريق مكان مثل كل مره بالنسبه الي انتضر اشوف لتلال ولاالزرع ولااهتميت بشوفه الصحراء مابي الجماليه ولفرحه الي تعلمت عليهه جانت امي هدى تنتضرنه تلكتنه وحضنتني وتبجي همه يبجون بس اني ماعندي احساس بلااحساس كلشي فارغ احسه حته حركتي كايديني وامشي واوكف حسب ماهمه يوجهون حركتي رحنه للشقه
غاده: جان منزلتي ياهدى هستوج مسويه انابيب ولعنوان اطانياه فاروق
هدى: ولج ياماانزل غيرمشتعله نار ولج بنتي هاي ملخت روحي والله اريدانزل ويه فاروق مخلاني كال مااكدر اسحل بمره اريد الكه حجز بسرعه وارجع
غاده: اي سوده عليه اجه والله لوماهوه جان راحت لكلاب يكولون متفقين وياه احنه
هدى: حسبي الله ونعم لوكيل عليه اخ يمه بطني
غاده: هاولج شبيج
هدى: مابيه هاي مغصات تجي وتروح مو مثل كل مره هم زرعو ٤ وكع واحد بلمستشفى وتكول لدكتوره يجوز يوكع واحد ايضلون ثنين
غاده: الحمدلله يمعوده لو واحد هم ميخالف كافي بجي هاج والله عيون مظلت عندي من النوح شستفاديت يمعوده انتي هم بالشافعات يصير هل زرع والله فاروق ايطك ويموت
هدى: والله ذاك ليوم مفرفح خطيه من خابرتيه شلون فات غاده فدوه مفتهمت اني
غاده: اووف والله ماعرف خلصنه تنضيف وكتلهه طبي سبحي بين مااغسل لطرمه مشغله لمولد موتدرين الصالنصه مالتهه ماعرف شبيهه وصوتهه يسطر فجاءه حسيت احد حط ايده عله حلكي وسحلني ليجوه اجر بيده للي عله حلي اضرب بيه انضربت براسي من وره بعد مادري بدنيه كعدت الم براسي الدنيه تفتر بيه تسندت ع حايط رفعت نفسي صار بوجهي يركض قميصه مفتوح مثل لمخبل يركض جلبت بقميصه دفعني حيل وكعت بالكاع سحلت روحي سحل رحت لغرفتهه لكيتهه امدده بالكاع ومنتهي كل شي
هدى: سوده عليه زين هيه شكالت شحجت طابلهه للحمام شنو 
غاده: كلشي محجت هذا حالهه ناايمه مطلع منهه صوت غير من شافت فاروق كالت بابا خايفه وخلص بس اضاهر طالعه لان لابسه لبرنص مالهه جان جواهه وملبوس بس مفتوح من كدام وهوه ضاربهه لان هاي كصتهه ٦غرز خيطوهه
هدى: زين غير تفتهمين منهه الي صار تعرفين ليش ساكته
غاده: مو وديتهه للمستشفى كالو انهيار جزئي هسه تحس بكل شي حواليهه بس متشارك وياكم شلون الي انطوه بزاويه لنفسه فؤاد كلهم اريد نحجي وياها كاله لدكتور لاتضغط عليهه هسه هيه ع الحافه اي ضغط ايخليهه تنهار انهيار كامل هيه راح تعتكف فتره وبعدهه تتجاوب وياكم واطاني ادويه وماعرف شنو
هدى: حسبي الله عليه زين اكولج اخاف ممسوي شي هيج
غاده: هذا حلم حلمته قبلج اني
شفتهه بعيني ورغم هذا مصدكت كلت يجوز ممسوي شي بس الدكتوره لنسائيه اكدت ان منتهي كل شي وعرفت اغتصاب قبل مانحجي شي لان بقوه ماخذهه
هدى: اويلي سوده بوجهي لج عيني والله مثل الي يكذب عله نفسه اكول بلكن مكدر بلكن ده ايهدد وليش مبلغتو عليه لهل نذل
غاده: ولج موبلغنه كالو تعرفوه مكيفين احنه اي نعرفه يابه شسمه امير امير شنو العراق كله امير وفؤاد ماعرف شطه للجندي حته يسد لسالفه اجاني يغاط يكولي تريد تفضحينه
هدى: ياااا ولك انعل ابوالفضيحه لعد نسكت وانضل بس ع لبنيه اندك
غاده: ولج راح لعمامهه كايللهم اني معليه هاي بتكم وانت تحلوها
هدى: صخام هذا شبي من يومه ميعرف يصرف
غاده: تعارك ويه فاروق لان مقبل عله روحته يكوله علينه بااختنه بس خل ياخذون بتهم
هدى: شوكت صارت بتهم ليش همه سئلو عليهه بعيد بعزه
غاده: لاعيني صارت بتهم خابر فؤاد عله فاروق دازين ناس عله فؤاد كايليله احنا كوامه وياكم اريد بتنه انطم عارهه ويجوز اختكم ولبنيه متفقين ويه لولد ومن كالب عليهن هيج سون فاروق كال متبقون طلعو لسوريا واني احلهه والله كلبي نار عليه لايسوله شي
رغد: شافوني نمت وبدن يحجن ترتب كلشي بدماغي عيوني مغمضه نايمه بس اذني تسمع وعقلي ايجمع يعني يردون ايذبحوني لان صرت موشريفه اي صح مو امي كالت لترحين ويح احد اذا يصيحج ولاتاخذين شي من احد بشارع
ليش ماما
ماما مو كل بنيه عدهه شي غالي هذا لشي من تزوج تطيه لزوجهه حته يتاكد انهه شريفه ومؤدبه ومحافضه ع نفسهه واذا راح هل شي يعني هيه موشريفه
وره فتره سمعت كثرانه قضايه الخطف والاغتصاب
ماما شنو اغتصاب
اغتصاب يعني مثل مكتلح يروح شرف لنبيه وتصير موزينه والناس تبتعد عنها واكو اهلهن ايذبحوهن
ترتب كلشي عندي هسه اني مثلهن احس نفسي بصعوبه اجره هوه ماكو صدري عليه شي كلش ثكيل اذني بيهه صوت مثل طووووط جسمي كله يرجف اريد اصيحهم ماكدر بالكوه كدرت انطق ماما ومتقطعه طلعت مني ركضت امي وامي هدى. يصيحن شبيج ماكدر احجي بس اشرتلهم صدري واجر بتشيرتي امي جرت لمخده اليمي وكامت تهفي بيهه وامي هدى تفتح بشبابيك وجابت مي ترش عله وجهي كل مترش اختنك اكثر اشهك وهيه مستمره لحد ماشهكت بس وياها طب هوه لصدري كمت اكح واجر نفس قوي مثل الي جان غركان تنفسه نقطع وفجاءه طلعوه ع الهوه بذيج اللحضه انهاريت احس روحي بيهه نار دموع الي تنزل مني تحركني اكثر لااحضن امي ولاحضن اني هدى يريحني جان قبل اكثر مكان احس بي بسعاده وراحه هسه ميريحني احس سجاجين تضرب كل جسمي بحضنهم نارتحركني امي تكولي ابجي ماما طلعي لبصدرج كله لبصدري شنو بصدري نار قويه تلهب بداخلي بس محد ايشوفهه بس اني احس بيهه تحرك وتزداد لهب ونار اقوه