Ice box
او الكيكه المثلجه او كيك لاتيه
❤️
الطريقة البسكويت كوفي جوي ماتحاوليش تستبدليه بنوع ثاني
الكريم ضرف شانتيه تخفقيه مع نص كوب حليب بارد بعدها تضيفي طرفين
جبنة كيري وعلبة قشطه وعلبة كريم كراميل البودره
وعلبة حليب محلي صغيره وضرف فانيليا واخفقيهن بسرعه عاليه لمدة دقيقتين
لو تبي تضيفي نكهة ممكن تضيفي نسكافيه كراميل
بس انا ما ضفتش البسكويت بنكهة الكوفي
تاخذي بايركس او طاجين مربع تغطسي البسكويت عالسريع
في حليب بارد وتستفي طبقة بسكويت وكريمه اخر طبقة تطحني البسكويت
وتدخليه الفريز ثاني يوم تكون احلي وتنقص معاك طروف متساويه
لذيذة وحلوة تستحق التجربه وبالعافيه
