اهات من محطات حياتي

بارت11 مفاجئة للسحور 😍

لا يا كلب

اسمعني نوار
هوة من ضربني اني كمت اصيح علي وكتلة مسوي روحك شريف براسي وانتة من اجينة لحد لان تتحارش بية لان صادتك ومانطيتك وجه هيج سويت وياي
فضحتة كدامهم وهوة ماعرف يجاوبني

لهناك دزلي بت خالي لزغيرة
بيدهة ورقة ذبتهة علية وراحت
فتحتهة مكتوب بيهة
تفضحيني موو .الة اكسر خشمج واخذج واراويح منو الي تصدي وتفشلي اراويج الزلم شتسوي
عبالج لويتي ايدي بهاي حجايتي اني اعلمج الة اربيج واعلمج شلون تتطاولين علية

خل يولي حبيبي لتخافين موبكيفة اطيح حضة والله بس خل اشوفة
يستسبع علة مرة لو بي خير يحجي هيج كدامهم مو يدزلج ورقة
لان خنيث وجبان مابي حض

كافي يبعد عيون نوار مو راحن عيونج ولج لتبجين والله كلشي ميصير عادي هوة حجي قابل لكفوج وياي بغرفة

اي نوار بس بابا مايتفاهم اذا درة صدك يذبحني

ولج شبيج جبانة شنو يذبحج شمسوية بابا ينهبن ويلعبن لعب وميذبحوهن انتي علمود رسايل تلفون يذبحوج
حبيبي لتخافين ودائما خليج يم خالتج حتة تساعدج ولتتواجدين كدام هاذ الحيوان مصلح ابد

واتقربي لامج كليلهة اني غلطت واسفة واطلب السماح منج وبعد ماعيدهة ومن هاذ الحجي

ماشي
ياله خل اروح خاف احد ينتبه هاذ رقم خالتي سجلة يمك خاف اتواصل وياك من عدة

سديتة منهة ولعبرة خانكتني متت من كلتلي ضربوني هدور بعيدة عني ومابيدي كلشي عليهة
ضليت اتكلب بفراشي مخنوك وضايج
لحد ماصارت بل7 كمت بدلت هدوم الشغل وتانيت خالي كمل وطلعنة
بالي جان مو يم لشغل ابد خايف علة سلوى حييل كضيتهة صفنات
لحد ماصاح علية خالي كلي
يلله لم لغراض صارت ب3 ونص
لمينة غراضنة ورجعنة للبيت
مرت مدة موطويلة
لأيام جانت تمر ثكيلة وكئيبة حييل بحيث عتزلت عن كلشي وسلوى كل خبر ماادري عنهة رقمهة خارج نطاق التغطية ولرقم مال خالتهة الي دكت علية منة مغلق شوكت ماادك علي

حياتي صارت مملة وكلشي بيهة تافه
هواي احداث صارت منهة خطوبة احمد ابن خالتي وولادة مرت خالي امجد وزواج اخو فيان
بس كل هاي الأشياء ماجانت تعنيلي كلشي
بعد لصار وياي كمت مااهتم لاي شي جثة وتمشي
صحباني خسرتهم وحتة موكادر اكون صداقة من بعدهم واني كلشي بية وبحياتي يحن الهم ولايامنة وصداقتنة الي مامثلهة صداقة

وسلوتي ماادري عنهة كلشي وكلبي نار عليهة وايامي كوة تمر
اكثر من مرة اتصلت علة سرمد اسألة شلونك شخبارك شلونهم لأهل جان يرد علية
تمام
زينين
بخير
وينهي لاتصال ماجنت اكدر اسألة عن سلوى ولا باي شكل من لأشكال لان ابد ماعدي ميانة ويا وهوة احسة ميرتاحلي
اصلا عائلتهم كلهة احسهة مترتاحلي ماعدى رنى

جان يوم ثلاثاء وخالي كال منطلع ليوم حارة كلش حتة بلتلفزيون نطوهة عطلة بسبب الحر ولكهرباء جانت كلش موزينة ولماي مايلحك علينة
طلعت لضهر اجيب ثلج فتت من علي وفيان جانو واكفين يم ابو لسوبرماركت براس الفرع مالتنة درت وجهي عنهم سويت روحي ماشفتهم ومشيت وصلت يم ابو الثلج عبر لشارع
شتريت من عدة ومشيت ليكدام اكو يبيعون رصيد ببسطية عدهم كورك كلت اخذ لامي لان جان هستوة نازل ومحد يبيعة
طبيت بفرع بعدني امشي سبكولي 3 بيدهم تواثي لا اعرفهم ولاعمري شايفهم
اجة علية واحد يريد يضربني علة راسي صديت لضربة بيدي بس سمعت عضام ايدي وهنة يتكسرن لالم جان فضيع بس مومال اوكع بهيج لحضة قويت روحي ودست علة وجعي
شلت الثلج شمرتة علي الدم كام يطفر من راسة وكع بلكاع ركض علي صاحبة يريد يشوفة اني ركضت علثاني جانن اكو سكيبات خشب جريت وحدة وضربتة بيهة دميتة
بعدني اضرب بي اجة صاحبة وضربني من ورة على راسي حييل حسيت الدنية فترت بية
ندارو علية تلاثتهم
وضليت اصد ضرباتهم لان مااكدر اضربهم هم
كل طاقة ماعدي
حطيت ادية علة وجهي احمي
شوية وسمعت صوت صياح من بعيد
كل ضني احد من المنطقة الاحنة بيهة طلع وجاي يساعدني
شوية وخفن لضربات وصوت لصياح علة وسمعت اسمي اكثر من مرة
وخرت ايدي عن وجهي وتفاجئت واني اشوف نوار وفيان صكطوهم ماخلو بيهم شي سالم
عيوني مغوشات والدم جان تارس وجهي كوة اشوف
شردو كوة يركضون كل واحد دمة بطولة
تقرب علية علي حضني حيييل
ويتلمس بجرحي
نوار تسمعني شيوجعك حاجيني
اني بين دموعي من فرحتي بيهم وبين شوكي الهم
هاينت علي وهوة وجهة مصوب ومامهتم لروحة كتلة علي حتة واحنة متزاعلين هم توكفلي

ولك انتة اخوي احنة مامتزاعلين بس انتة جلب واني عفتك على راحتك
كوم كوم اسند روحك بية مو وكت هاذ الحجي الدم فيضك جرحك عميق

كمت واني ساند روحي بيهم وهمة بس عوزهم يشيلوني وعلي يضحك علية يكلي خطية امك ماتهنت بلثلج
هسة بيهة عليهة خسرتلهة الف دينار من وراك

ههههه مو وكتك علي كوة فاتح عيوني والله
مشينة ودوني للمستشفى بنجوني وخيطو راسي وخلولي مغذي ضغطي جان حييل هابط ضليت نايم اسمع اصواتهم يمي يسولفون وكلسا واحد يبوسني لحد ماصحيت لساعة بل5

علي: ها ولك شنو مانايم جاي تنام هنا بلمستشفى
صافن بوجهة ومرت ذكرياتي ويا كدام عيني خطف
لحد ماوصلت بية ذاكرتي للتسجيل فركت عيوني واني اصحة علة اسوء كوابيس حياتي

باوعت علي كتلة ليش علي ليش

شنوة اليش نوار هوة شصاير اشو وحدك زعلت وابتعدت شمسويلك احنة

شمرت الجرجف وكمت على حيلي فيان حاول يسندني دفعتة وطلعت من الصالة بساع
واني بلممر لحكوني

علي: نوار شبيك ليش هيج تسوي ولك العشرة متهون بس علة ابن الحرام

لا هانت عشرتي وهانت عليكم حييل
لدرجة انو خليتو عينكم علة عرضي

نب فيان جان يكلي علي لا تجمع اني مالي شغل
وعلي دنك
ها ارفع راسك وحاجيني من تكول شصاير تمد السان شطولة وتعتب عبالك انتة ابو الحق

بس اني حبيتهة نوار ليش تكول هيج المفروض انتة اول واحد يتفهمني ويساعدني

وتكولهة بوجهي والله وسفة عليك ووسفة
لضاهر ملحي ماغزر بيك تحط عينك علة حبيبة عمري ولك حبيبة اخوك تحط عينك عليهة لعد شنو من نفسية عدك

علي: نوار ....#يتبع
#حنين_حاتم