بأسم الحب

الخامس

صباح الخير
قصه لذكرى المندلاوي

سيف
يوم مو اول مااطبين ادكلبين وجهج عيب صحيح همه حالتهم مو هلكد
بس اللبنيه واهلها يدخلون بلكلب خوش ناس

الام
امم يعني انت طاب ابيتهم قبل

لا لا شلون بس من خلال متحجيلي عنهم وتسولفلي

الام
ايا ملعون عليه اذا مخاش ابيتهم وماكل وشارب فلا اسمي نهوده

هسه ماكل وشارب شيختلف يعني
شلون على اي اساس قبلوا وانت حته قرايه فاتحه مقاريهة

هسه زمنه غير زمنكم انت شتحجين هاي السوالف بلستينات انقرضت

لا عيني الشرف يبقى شرف اي

اهوووو هاي شراح يخلصه باعي قسما بالله اذا هذا الحجي وصل الابويه ازوجها واسافر بعد متشوفين وجهي ولا جنج عندج ولد اسمه سيف

هاااا هاي من اولها اتبريت منه خوش ياابن بطني خوش هىء هيء

وصلنا يمه كافي عاد وهاي راسج ابوسه عيب مو راح اخابر اللبنيه وتطلع شدكول علينه

الام مسحت عيونه بعباته ورفعت راسها تباوع وكانما تريد تستكشف منين هاي وشنو هذا المكان حي فقير والفروع ضيقه وساكيه بلفروع

وين بيتهم
هذا راح ادك الباب
الام عشتو اهه جنه بيوت الصراصير
يمه الفقر مو عيب العيب انتي الجاي تسويه وخنزر ويافاف

طلعت مره بلخمسينات امه الحنان

ياهله وميت هله بام سيوفي وباوسته بس ام سيف معاجبه من وره خشمه باوسته

اتفضلي عيني ياهلا وسهلا

فرت ام سيف راسهة داير مداير البيت البيت بسيط كلش بس مو نظيف هذا دلاله على انو همه مو نظيفين والبنيه هم وسخه تعرف خطبته حته ممتعبه روحه وماسحه الطبله الي قدموا بيها جاي اخذت الاستكانه وظلت تشمشم بيه وتلعب نفسه همست

سيف شنو ذوله اشكد وسخين
سيف يعدل بكعدته انحرج من امه لان الظاهر ام حنان سمعتهم
ام حنان

داده اشربي مابي شي لو اجيبلج ببسي

سيف لا لا خاله بس هي بيه سكر واخاف بي شكر

هااا هسه اسوي غيره
ام سيف
ليش داده لعد بنتج شنو شغلها

ام حنان
هي كاعده تبدل هسه تنزل

ام سيف
هسه لو رايحه الاريدو هم جان كضت

ام حنان
ايي شنسوي هي بنات هل الوكت مو مثلنا قبل بس شويه حمره على الخد وجره كحل وحمره وهسه اشكال والوان

ام سيف
والله يحبيبه الحلو حلو لو كاعد من النوم والماحلو لو لبس احله هدوم

سيف انحرج من امه ناويه عليه اليوم نبع الحنان ال تخربه اشلون متوصايه توصاه من جدتي