Making Love - Published by PHR

Chapter Twenty

Mula sa backseat ng kotse nito ay may kinuha itong malaking paperbag ng sikat isang sikat sa restaurant. "Sa condo ko na. May kailangan kasi akong ayusin doon. Tulungan mo 'ko."

"Sure," pagpayag niya. Three o'clock pa naman ang susunod niyang meeting kaya puwede siyang magtagal.

"How's your morning?" pangangamusta nito.

"So-so. May isang meeting lang na natapos agad tapos sinamahan ko si Heart sa playground."

"Aw! Ang 'Mommy', iniipon na ang happy moments niya with her baby," panunukso nito. Sinabi niya kasi rito na aalis na si Heart ng foundation dahil aakuin ito ng totoong ama.

Lumabi siya. "Don't start it, Dylan."

"Ikaw kasi. Ayaw mo pang magkaroon ng sariling baby sa'kin."

Piningot niya lang ito nang malakas.

Pagdating nila sa unit nito ay dumiretso sila sa dining area para kainin na ang dalang pagkain.

"Oh, by the way, honey," panimula ni Dylan habang kumakain na sila. "Kailangan ako ni Daddy for Guevarra Minings. I need to go to Cebu. Nagpapasama si Daddy to check our mining sites. Nagpapatulong din siya dahil nagkakaroon ng problema sa operations sa southern part ng Cebu," paalam nito sa kanya.

"Hanggang kailan ka doon?"

"Ahm..." Tumikhim ito. "A month?"

Gulat na napatingin siya rito. "Isang buwan?!"

Tumango ito. "Maraming kailangang asikasuhin si Daddy. Every year ay ginagawa talaga namin ang checking ng mining sites namin sa buong Pilipinas. Well, last year, hindi ako ang sinama ni Daddy pero ngayon, ako ang kailangan niya. I used to do the checkings nang nasa kompanya pa 'ko."

"Kailan ka aalis?" Lumaylay ang balikat niya. Ayaw niyang hindi nakikita si Dylan. Tapos isang buwan pa?

She caught him winced. "Mamayang gabi."

"Mamayang gabi?!" bulalas ulit niya. "Eh, bakit ngayon mo lang sinabi?"

"Kanina lang rin sinabi sa'kin ni Daddy. Nalaman niya na wala naman pala akong masyadong trabaho sa hotel kaya i-istorbohin niya na daw ako."

Napabuntong-hininga siya. Naiintindihan naman niya ang dedication ni Dylan na tulungan ang ama nito kahit pa hindi ito ang magmamana ng Guevarra Minings. Dylan promised to himself that he'll forever be of help to his adoptive parents.

"Honey." He reached for her arm. "Don't be sad now. I'll call you. I promise that my phone will be safe with me. I'll call you every minute, I promise."

"Huwag kang OA. Nagulat lang ako. I mean, isang buwan? Pa'no iyong vacation nating dalawa?"

"Iyon pa. Plano ko, pagka-uwi ko at saka na lang tayo magbakasyon. Sakto sa Christmas season. Let's go to Baguio."

Nangalumbaba siya. She suddenly lost her appetite. "No making love for a month? That's sad."

Dinig sa buong unit ang tawa ni Dylan. "So, it's the sex, after all?" tukso nito at saka siya kinabig sa baywang.

"I have needs!" tumatawang sabi niya.

"Oh, Allana..." Hinalikan siya nito sa mga labi, mariin at mabilis. "Dapat pala hindi na lang ako pumayag. I hate to leave you here, you know."