رسالة لكل واحد عايش فينا.
رسالة لكل واحد نادي أسمينا.
رسالة لكل واحد مش فاهم ايه الي بيحصل فينا.
رسالة من حبيب بيقول لحببته انا نفسي ارجع ايامنا الجميلة.
رسالة لحببيبة بتقول لحببها مينفعش نكمل لاسباب مش هتقول عليها.
رسالة لكل حبيب باع و كل حب ضاع وكل آلم عاشه الحبيب بعد ما الفراق جاه من غير سبب .
رسالة و انا بقول فيها عن طفل يتيم ماشفش يوم حلو من اول يوم اتولد فيه ، عن اكل الشوارع الي مكنش لقي غيره عن حضن ام او اب مدقش طعمه ، طفل بيموت كل يوم من آلمه و محدش سأل فيه.
رسالة لطفل اتعلم بقي شاطر و لحصصه حاضر و عمره ما زوع من مدرسته و كبر بقي حاجة في وقت الناس ولا حاجة.
رسالة لي شاب سايق عربيته و معلي الاغاني علي الاخر لو سمحت وطي شوية غيرك مأذي بالصوت العالي .
رسالة لشاب غيره لحياته محافظ و علي صلاته مواظب و بر الوالدين مش ناسي ربنا يوفئك في حياتك.
رسالة للدنيا الاسية علي اولادها بطلب منها تلين علشان مبقاش علي العمر كتير عمالة تهدم من الاحلام كتير و كتير ، بتاخد من غير اسباب و مبتديش غير للغريب حق القريب ، دنيا بتاخد من الضعيف و بتدي القوي ، بتيجي علي الغلبان و حقه مبقاش ليه هي دي الدنيا. رسالة للحق و الشهامة فينا ماتت مع الميتين بالرجوع الحق يحي نفسه علشان يقضي علي باطل الي عشش في جدوره و الشهامة و الرجولة يصحو فينا من جديد .
رسالتي هي ليكي ايوه ليكي يا وردة في بستان نضير يا قمر السماء باليل بيجعلني بصير يا وردة نبتت علي الغمزات بكل ما فيكي من بنات احب اقولك حبة حاجات شكرا علي الحب الي بنيتيه ليكي في قلبي و هدتيه ،و علي الايام الجميلة و الوحشة الي عشناها ، فراق قصير طال بيه الزمن دهرا ، كانت ايام عيشنها متدارين في حبنا المشاكل عمرها ما هزمتنا بس انا و انتي عرفين ان الزمن خداع بس كان بايدينا ان نفضل مكملين بس تقولي انك كنتي مستني كده ، خلاص مش هعتبك و لا هلومك انا كل الي هقولهولك انك حرمتي نفسك من الحب الي مش هتلقيه عن حد غيري و حرمتيني منك، كفاية الكلام ده تقرأيه و يريت تفهميه و تفهمي الكلام الي بين الكلام المكتوب انا كاتب قصيدة بداخل رسالتي ليكي .
رسالة للنسان الي واخد ذكريات الانسان و بيذله عليها و بيآلمه بفقدنها.
رسالة للصورة الي ناقصها حد يكملها و مش لقياه و لسي بتدور عليه.
رسالة لكل واحد عايش فينا .
رسالة لكل واحد نادي اسمينا.
رسالة فاضية مستنيا واحد يكتبها لي اي حد و خلاص .
