💋
جهاد هو العريس ههه لا لا مستحيييل مستحييل ، مشيت كنجري بسرعة حتى دفعت السرباي طاح وكملت طريقي كان كولشي كيشوف فيا دخلت للحمام وسديت عليا :
اهئ شحااال وانا كنتسنى اللحظة اللي نشوقو فيها وكنتخيلها كيف غدوز اهئ وبكن هاذ الاحتمال عمرني توقعتو . انا دابا حاضرة لعرس حبيييبي ، اول حب فحياتي . علاش اربي كيوقع ليا هاكا ، واش لهاذ الدرجة ؟ لهاذ الدرجة ممكتابش ليا نفرح فحياتي
كيفاش نساني بهااذ السهولة اهئ اهئ كيفاااااش . ميستاهلش حبي ليه حقير مي غندمك مزيان السي جهاد غير تسنى ، مسحت دموعي وقاديت الميكاب ديالي وخرجت .
مشيت حداهم
ماما : فين مشيتي
انا : غير الحمام ، باركتي ليهم ؟
ماما : لاا
انا : ياله نمشيو بزوج
اتاجهت لعندهم بثقة عطيتهم ليكادو : امسيو جهاد مبروك عليك ، الله اكمل بالخير خلبتهم وزدت بحالي
بقى متبعني بالعين حسيت بيه ، كانت اغنية زوينة جريت ياسين من ايدو ودخلت بيه لحلبة الرقص ، لدينا كنتمايلو وانا كنفكر : بزوجنا طايحين فنفس الموقف ، بزوجنا عندنا ةفس الجرح ، هه يا لا غرابة القدر ، عنقت اخويا كانني كنواسيه وكنواسي راسي وحتى هو زير عليا
ًًًجهادًًًً
جالس على اعصابي ، افف شكون هاذيك علاش غير اشفتها قلبي بدا كيضرب بسرعة كبيرة .. علاش حاس باللي كنعرفها !!! اشفتها كترقص مع شيواحد حسيت بالغيرة ، اشكون هذاك .. علاش كنحس اتجاهها هاكا ؟ حسيتو معنق شي حاجة ديالي خاصتي
جا عندي امسيو برادة بارك ليا : نتمنى تكون تعرفتي على ابنتي
انا : شكون فبهم
اشرا ليا عليها : هبة
غير قالها جاو فبالي بزاف الحوايج بحال هبة كنعشقك ، هبة متعصبيش ديلمي
مشيت للحمام وشديت راسي
💋
غير قالها جاو فبالي بزاف الحوايج بصوتي بخال : هبة كنعشقك . هبببببة بلااما تعصبي ديلمي
مقاديتش نصبر مزال مشيت للحمام وشديت راسي : افف شكون هي شكووووون
راسي درني حاس بالعرق هابط معايا. مقادرش نتفكر اشنو اللي كيمنعني من التذكر .. الخل الوحيد هو نهدر معاها . خرجت للجردة بانت ليا فالقنت بوحدها جريتها من ايديها ودخلتها فواحد الدخلة وانا ساد ليها فمها
تكيتها على الحيط وحيدت ايدي من غلى فمها . بمجرد ما شفت عينيها اللي كانو كيبريو بالدموع قلبي بدا كيضرب بسرعة .. نفسي تصاعد .. ايدي كترعدوا ، حسيت باللي ديجا واقعين معايا هاذ الاشياء
انا : اشك
(قاطعاتني ) : ولاااا كلمة . مبقيتش باغا نشوف وجهك .. ولا نسمع صوتك
اسمعنا صوت كيعيط ببراءة دفعاتني ومشات
ًًًهبةًًًً
مشيت نيشان للدار ما علمت حد . وصلت وطلعت لغرفتي والدموع من عيني شلال
تمينيت انسمع منو هبة بقاي .. انا كنبغيك انت ماشي هي ، عنقت مخدتي وانا كنشهق بالبكا .. مبقيتش قادرة ما كرهتش ارجع واقول ليا باللي هذا غير اتفاق باش نغير هو كيبغيني انا . توحشتوووو بزاااف ، تمنيتو يجي ويقول ليا انه ميمكنش ادير هكا بحبيبتو هبة .. ياك قال باللي هو مريض بيا ومهورس فيا كيفااااااش نسااااااني اهئ كيييفاش اهئ عفاااك رجع وكذب عقلي .. قول ليا باللي كولشي كذوب فكذوب را انا منقدرش على هادشي عامين دوزتهم غير بزز كنت كنتحرق كلما تفكرتك اهئ علااش درتي فيا هاكا اهئ اهئ يااك واعدتيني عمرك تخلى عليا ..علاااش اهئ اهئ علاااش خويتي بيا اهئ علا .ش
اشنو درت من غير بغيتك اهئ اشنوو
بدلت حوايجي لبست بيجامة ومسحت الميك اب . تكيت فبلاطتي معنقة قلبي كنواسيه .. مع العيا والصدمة داغي نعست ًًًجهادًًًً
خرجت بقيت كنقلب عليها ملقيتهاااش افف فيينها
مليت من الحفلة وطلعت لبيتي .. بقيت كنردد هبة هبة حاس بالاشتياق جيهتها مي شكوون هي علاش كتكرهني ، علاش قالت ليا قبيلة داك الكلام ، زعما ممكن نكونو كنا على علاقة ، افف ياك انا كنبغي نورسين ولكن علااش مكنحس تيجاهها بواالو علااش
مشيت نشرب الدوا مي تراجعت فالأخير ، كنحس بيه هو اللي كنسيني كثر ماشي كيحاول اذكرني
تكيت فبلاصتي كنفكر فهاذ البنت اللي اشفتعا دقيقة قدرت تبدلني وتخليني نشك فهاذ الحياة اللي عايشها حاليا وعلاقتي بنورسين 🌄 يوم جديد 🌄
ًًًهبةًًًً
اشرقت الشمس 🌅 وهي مرسلة خيوطها الذهبية الدافئة فوق جسمي المدمر . نضت وانا فااشلة دخلت دوشت غير بزز . شفت في المرايا عيني منفووخين نيفي حمر ..
💋 بقى فيا راسي ساعتها انا ماشي هبة اللي اهم حاجة هي اناقتها ، مغديش نخليه ادمرني ايلا كان شي حد غيدمر ويندم فهو ماشي انا .. متبقاايش تبكي اشنو بغا اكون فملك الله كااع .. امكن ليا نكمل بلا بيه
لبست حوايجي وقاديت الميك آب ديالي وخرجت
انا : بابا غادي للشركة ؟
بابا : اه
انا : غنمشي معاك باش نبدا الخدمة
بابا : واخا اللي بغيتي مي حتى تفطري
انا : نو انفطر تما
بابا : اييه اللي بغيتي
سلمت على ماما وياسر . اما ياسين مكانش انا اكثر وحدة حاسة بيه حيت انا واياه دايزين من نفس الظروف بقى فيا بزاااف
انا : فينهوا ياسين ؟؟
بابا : راه اسبقنا
انا : امم اوكي
هه دار بحالي وقرر اخدم باش انسي اوديييي
وصلنا للشركة . بابا كان هو المرشد ديالي . بقى كيعرفني على الموظفين وداني لمكتب
بابا : هذا هو ديالك
انا : واو شكرااا زوين
بابا : ياله احبيبتي انا غادي الى احتاجيتي شي حاجة را وريتك المكتب
انا : اه اوكي صافي
بقيت كنقرى فداكشي ومفهمتش شي حوايج . تميت غادية عند بابا باش افهمني
غير وصلت حليت الباب : بابا
دارو عندي بزوج
بابا : ابنتي آجي ، امسيو جهاد كنقدم ليك ابنتي هبة براءة
جهاد : اه شفتها البارح . مشرفين
انا : الشرف ليا
بابا : آش حب الخاطر
انا : والو غير مفهمتش شي حاجة وجيت باش تفهمها ليا . المهم حتى نرجع من بعد
جهاد : اتسناي
وقفت وانا كلي كنترعد قلبي كيخبط الدمعة واقفة فعيني درت عندو ببطئ : وي
جهاد : اجي معايا انا غنشرح ليك
انا : مكاين لاش
بابا : غير سيري ابنتي سيري معاه
معرفت منقول الحل الوحيد نمشي
جرني من ايدي جارني وانا مرفوعة
وصلنا للمكتب ديالو وجرني حداه حتى تلاصق جنبي مع اجنبو
بدا كيشرح ليا وانا غير كنشوف فيه . توحشتو توحشت هضرتو .. خركاتو .. شوفتي
انا : جهاد (قلتها بصوت حنين ورقيق وشبه باكي كانو عيني عامرين بالدموع)
جهاد(تنهدودارعندي كامل ) : نعم
انا : علااش كتصرف بحالا مكتعرفنيش اه ؟
جهاد : حيت انا فعلا مكنعرفكش
صدمني بهدرتو .. الدموع نزلو كيجريو من عيني : اهئ اهئ لهاذ الدرجة ؟؟ صافي انسيتي كولشي امراتك بهاذ السهولة انساتك فيا ؟؟
جهاد : اشكون انت عافاك جاوبيني
انا : جهاد عفاك صافي
تميت غادية لجيهة الباب كنزرب ونبكي .. نرديتش دموعي خانوني قدام ، ولكن كون مابكيتش كون تفرقعت
جهاد : اناا فااقد الذاكرة
وقفت مصدومة ودرت بالزربة : ك ك كيفااش ؟؟
جهاد : كيفما اسمعتي انا عندي فقدان ذاكرة جزئي . معااقلش على اشنو جرى خلال الاربع سنين الآخرة
مشيت كنجري عنزوا بسرعة وعنقتو : اهئ اهئ هي انت مغدرتنيش
