احفاد الشمس بالليبي 💓💓

الحلقة الثانية عشرة والأخيرة

شد يدها
جهاد: عارفه اني مجنون ومستحيل نعقل وبعدين ضاقت خلوقي من السرير
جت ميس وراه وبدت ادف بيه بالشوية لن طلعوا للحديقة

شافت السمعات والفون في حجره
ميس: شن كنت تسمع ؟؟
جهاد: أحلى حاجه في حياتي 

حطت السماعات في أذانها
ميس: نبي نسمع حتى أنا
ضحك بخبث وفتح الصوت
بدت تسمع في صوتها من التسجيل امتع يوم قريب طاحت من الجرف بسيارتها 

بدون وعي طلقت الكرسي وكان في ساليطا "منحدر"
بدي يشوف في الموت بعيونه
جهاد :لا لالا مش هنني مييسس تعالي 

شافت منظره وهو طايح بين شجر الزينة الصغيرة وماتت ضحك بعدين قربت
ميس :حيي عليا أنت كويس؟؟
مدت يدها مد يده باش يشد فيها وينوض لكنها تخطاته ونهضت الكرسي
ميس :حيي عليا الكرسي غالي لو صارتله حاجه ايدفعوني حقه

جهاد :توا مااتقووليش حي عليا حتى بالكذب ماتقوليش كيف طالع من عملية وقريب قتلتيني منه
رفعت حاجبها وشافتله
ميس : عارفاتك قط بعشر أرواح ماتموتش
جهاد :عارفه أن حتى القط عنده سبع رواح مش عشرة
ميس :اوكي أنت قط متطور
جهاد : ع القطقطه ماتتكلميش انتي جت شهرين للمعسكر قريب مااتت عشرين مره
ميس :في جرتك هذا كله 

وكالعاده العركة ماتمش لكن يقلبها جهاد فجأة لوضع رومانسي

بعد شهر 

وقفت ميس بالأبيض مش باطو المشفى المره هذه 

طلعت أميرة بمكياج خفيف وعرس ملكي فستان عاريانات أكتافه وأكمامه دانتيل طويله صبغت شعرها لبني فاتح
خشت مع خوها علي 

أمها واقفه بعيون بدمعات من الفرحه كانت حاسبة إن بنتها قعدت عانس بعد مافسخت خطوبتها من وليد لكن جي من هو أحسن ويستحقها 

انفتح صوت النداء العسكري وانفتح الباب خش منه أمير مش زي الباقيين أرغموه ع البدلة الرسمية لكنه  ركب الشارات العسكرية امتعه عليها طالع أمير يستحق الأميرة اللي قدامه

وقف في الباب وضرب التحية العسكرية ردت ميس بزيها ضحكت لما شافت جنان وقفت معاها وردت التحية العسكرية للقائد العام  بفستانها الأحمر الطويل وشعرها القصير 

"ليا دهرماحضرتش عرس لهذا مش قادرة نوصف أكثر اللي تبي تكتبه ونضيفه "

طلعوا ميس وجهاد يصوروا وفي كل مره ايقول في كلمة ايحشمها وفي كل مره ايدير لقطة أحرف من قبلها وطبعًا خش رقص معاها علاش ؟؟ هو يبي مايكذبش عليكم ويقول جبروني 

وقفت ميس في اللقطة الأخيرة بتحذف باقة الورد لكنها التفتت لي جنان ومدتها ليها قرب منها جهاد 

جهاد :في ناس كلموا بوك وهو وافق لهذا الموضوع رسمي بدت تشوف فيهم وهي مش مصدقه كان زي الحلم بالنسبة ليها بدت تحضن في ميس وجهاد وتبكي 

طلعت ميس من الصالة ولقت قدامها السيارة العسكرية تستنى فيها ضحكت بقوة ومشتلهت تجري فذكرياتها في السيارة هذه مش شوية 

كانوا الجنود اللي تحت جهاد كلهم حاضرين وكل واحد أحلى من التاني أجسام معضلة متكاملة وزايدتها البدلة الرسمية فخامة ضاربة ع أغلبهم السمورية وأغلبهم طوال 

خدت ميس من جهاد مسدسه اللي مايفارقش خصره بغفله منه سحباته للخلف وجهاد بدي يشوف فيها بخوف
جهاد :السلاح ملقم ميس هاتيه توا اتديريلنا مصيبة بعدت خطوتين وضحكت بخبث وجهاته لي اللي جنبها أمها بدت تنادي
زينب :ميس بنيتي بلا هبال حطيه 

بدت توجه فيه لي حواليها بدو كلهم ينزلوا خايفين تشوتهم وجهاته لي جهاد وماتحركتلاش شعره 

رفعت ميس السلاح وضربت الطلقة فوق بدت تصفق فرحانه وجنان تصفرلها من باب الصالة  

ميس:شني !!جيي خاطري انديرها وجنان قالتلي كيف
جهاد :حتى أنتي مرت جهاد عييب لو ماتجيش مهبله زيه

بدو الجنود ايصفروا ويصفقوا 

ضحكت

وركبت السيارة وكالعاده خلاها جهاد تقدمله عرض أوبيرا 

"انك تكوني زوجة جندي واعره واحتمال تفقديه وارد في كل لحظة لكن عمرك ماتخافي وهو معاك وطول عمرك تعيشي وانتي عارفه انك متزوجه راجل 

ميس وجهاد ليهم 5 سنوات متزوجين 

عندهم بنت عمرها 3 سنوات اسمها رهف وميس حامل بولدهم في شهرها الرابع 

قصة الرواية مقتبسة بشكل بسيط من مسلسل كوري اسمه أحفاد الشمس  ولازم تشوفوا الفيديو اللي فوق هذا من المسلسل الأصلي 

شكرا لكل من شاف الرواية نتمنى دعمكم وتقولولي ع أي شي ماعجبكمش باش انحسنه نحبكم هلبا