احفاد الشمس بالليبي 💓💓

الحلقة الثانية عشرة والأخيرة

هذا هذا لاااازم اتشوفوا الفيديو 

باي استمتعو 

ااه صووتوا قبل 

خشت ميس لغرفة العمليات ودموعها يجروا ع خدها خش معاها وليد يجري

وليد: ميس أمسحي دموعك لو نهرتي هكي جهاد حيموت

طلع وليد وميس مسحت دموعها بكمها لبست امتع العمليات وبدت
نست إن اللي تحت يديها واللي دمه قدامها هو حبيبها
وتذكرت إنه انسان لازم تنقذه

مشت العملية ع خير لكن جهاد ماناضش
قعمزت ميس جنبه شاده يده وتبكي

عارفه ان مع كل الدم اللي نزفه احتمال ايخش في غيبوبة
كلام الجنرال ماغابش ع دماغ ميس بككل 

سمع صوت بكي ودموع ع يده حاول يفتح عيونه لكن جسمه ماطاوعاش سمع صوت جنان  اللي بدي وااضح مع الوقت
جنان:ميس بنكلم خالتي زهره لازم تعرف لييه أكثر من 10 ساعات هكي المفروض انه ناض توا 
ميس : راجي سااعتين بسس لو ماناضش بنديرله عملية تانية وكلميها وقتها
جنان: ميس
ميس: جنان لو صارتله حاجه مش حنسامح روحي
جنان: ميس انتي مادخلكش

حس جهاد بالذنب وبدي يحاول بكل جهده يتحرك لن حرك يده اللي كانت شاده في يدها

بعد ساعتين
جهاد: خاطري في بازين
ميس : عارف ماتسكتش المشرط امتعي بنقطع بيه لسانك
جهاد : باهي كسكسي بالمسير ومشروب ماريندا
علي : أنا نبي بيبسي
ميس : قالولكم فاتحين مطلعم أكلات شعبية ؟؟

خش عليهم وليد فجأة
وليد : ميس أنا جيبيلي بتري
جهاد: بتري ؟؟ مااقدمك ياراجل من عام جدي يمرد
علي : اوووه وليد عاش من شافك

طلعت ميس وخلتهم
شدت ميس قلبها قدام غرفة العمليات اللي كانت فيها وبدت تبكي
جنان: ميس!!! صارت حاجة ؟؟
ميس: قلبي طلع من مكانه اليوم كان ممكن تكون أخر مره نشوفه
جنان : ميس جهاد عاشق للادرنالين يحب الخوف والتوتر يتمتع بالحرب عشق ريحة الرصاص وصوت الرشاش لكنه خلاه كله ع خاطرك 
هو يحبك أكثر من هذا كله
ميس : خايفة نفقده ونقعد بروحي نبكي

شوية وسمعوا صوت عيطة جهاد في الممر
ودقايق وفات من قدامهم خط بالكرسي المتحرك ومحمد ايدف فييه ووليد يصور فيهم وعلي يضحك عليهم

ميس : أنا الظالمة اللي نبكي ع جن زييه 

تقدروا تتخيلوا المنظر ميس موقفتهم طابور وتهزب فيهم

ميس: هذا خووي الكبير العاقل المتزوج تساير فيهم وتخلي فيهم ايديروا العار في المستشفى ؟؟
علي : من امتى كنت عاقل ؟؟
ميس : وانت ياااا دكتور !!! مممشي معاهم الجو ؟؟؟
وليد: شن درت انا ؟؟؟
ميس: انتم الزوز مااعليكمش كلام
جهاد: صح ليس على المريض حرج
ميس: جنان ارفعيهم الزوز من قدامي خيير مانقتلهم
توزعوا كلهم وقعد جهاد