ايه احبك من تناهيد الغياب لين شهقات اللقاء

1

واقفه جنبه في الصاله وعيونها مليانه دموع ..

نبراس بحب: اسيل خلاص ياقلبي ان شاء الله اني راجع لك بالسلامه
اسيل بصياح: حبيبي والله رح اشتاق لك
نبراس يمسح على راسها بحنان: كلها كم شهر وراجع ان شاء الله ما أطول
اسيل تحاول تهدي نفسها: طيب اياك واياني انك ترجع بعد ما اولد
نبراس ابتسم: حاضر من عيوني صدقيني لما تولدين بكون مجود حوالينك
اسيل: ابيك انت اول واحد تمسك طفلنا البكر وانت الي تأذن على أذنه
نبراس بحنيه: ان شاء الله ياقلبي

نزل لمستوى بطن اسيل الي كان منتفخ مرره .. باسه ..

نبراس بنبرت عتاب: اسمعني زين لا تتعب الماما فاهم ترا مو شايفني رايح عنك هالفتره وتستغل غيابي وتتعبها لا حبيبي ترا لما ارجع بتنال جزاتك فاهم؟
ديم بضحكه: ههههه حسستني انه يفهمك الحين
ابونبراس : الله يحفضك ياولدي ويرجعك لنا بالسلامه
ام نبراس ببكى: اميين *رفعت يدينها* يارب احفظ لي ولدي من كل مكروه ووخر عنه كل عدو ورجعه لنا سالم يارب دعيتك
اريج وهي جايه تركض من برا ودموعها دموع : صج الي سمعته بتروح يااخوي وتتركنا هنا ؟
نبراس وهو يمسح دموعها ويحضنها: راجع يا اختي راجع

طيب ويش رايكم نترك هالاحزان ونرجع للورا شوي ونفهم السالفه .. قبل سنه ..في لندن..

كانت في السوق تمشي جنب اخوها الصغير وتتكلم معه وكانت مندمجه بالحديث وامهم تمشي وراهم وتشوف عليهم وتبتسم على شقاوة ولادها وتشوفهم كيف صاروا كبار ومسؤولين..

اسيل : خلاص يا قبس الموضوع انتهى من زمان شغل في الشركه مافي الا بعد ما تخلص دراستك في الجامعه
قبس: بس يا اسيل انا ودي اساعدك مو هاين علي اشوفك منضغطه كذا ولا اسوي أي شي ..
اسيل: قبس لو سمحت افهمني انا ماابيك تلتهي عن دراستك ابيك تهتم في دراستك وتجيب شهاده ترفع الراس وبعدها رح اسمحلك تشتغل في الشركه والله وهذا وعد مني
قبس : بس انتي بعد تلتهين عن دراستك ولااا بعد انتي ماخذه تخصصين إدارة اعمال وهندسة الكترونيات وفوق كل هذا الشركه بجميع افرعها انتي ماسكتها والله يا اختي انا ما تكلمت الا لاني شفت كمية الضغط الي عليك وحبيت اني اساعدك
اسيل : شوف وانا اختك انا خلصت الحين السنه الاولى من تخصص إدارة الاعمال لاني دخلت فيه متأخر وتخصص هندسة الالكترونيات ما خلصت منه الا ثلاث سنوات بس وباقي سنتين انت الحين رح تخلص سنتك الثانيه في إدارة الاعمال يعني رح تخلص قبلي وبكذا بعد ما تخلص انت تمسك الشركه وتشتغل فيها وانا اتفرغ لدراستي هاا وش رايك ؟؟
قبس : طيب على راحتك ما عندي حيله ثانيه ..
اسيل تضرب كتفه بخفه : يلا ابتسم يلا اريد اشوف ابتسامه بسرعه

قبس ابتسم غصب عنه بسبب تصرفات اخته الي يضنوها الناس اخته الصغيره مو اخته الكبيره ..

(اسيل عمرها22 سنه طالبة جامعه داخله تخصصين في نفس الوقت إدارة اعمال وهندسة الكترونيات هي بيضاء عيونها اخضر على بني شعرها طويل يوصل لفخذها طولها متوسط وضعيفه مرره وكل شي فيها صغنون الي يشوفها يقول هذي طالبة متوسط مو طالبة جامعه طيبه مرره وحنونه وتحب الضحك والمزح وخبله بكل معنى الكلمه بس تحب شي اسمه روايات هذا الشي الوحيد الي ما يتناسب مع خبالها هي امسكت شركة ابوها الدوليه بعد ما توفى قبل اربع سنوات وهي الحين المسؤوله عن كل شي في البيت وتنتظر اخوها لحد ما يخلص دراسه ويكبر شوي وبعدها يكون هو المسؤول عن الشركه والبيت )