هلو حبيباتي 😘 😘
رجل يعيش حياة الانحراف ولكن امراه اضلت عن طريقها لاسباب قاهره تساعد لابصار الحقيقه. القصه للكبار ولاتناسب الفئات العمريه الصغيره اسم القصه...
رجل شرقي احببت عاهره
البارت(1)
🖤🖤🖤🖤🖤🖤🖤🖤🖤
اسمي نور مواليد 1991بنت من احدى محافظات الوسط عشت حياتي بين امي وجدو وبيبي لان امي وابويه متطلكين نهائيا ماشفت والدي ولامره بحياتي وماجنت اعرف عن والدي اي شي مجرد اسمه امي متزوجه والدي وعمرها 12سنه بس ليلة الزفه بقى وياها وهجرها ومن ليله وحده امي حملت بيه بيت جدي وعمومتي حاولوا يغطون السالفه وبقت امي بيت جدي اهل والدي شهرين ورجعت لاهلها بعدها حصلت على ورقة الطلاك وره ماجابتني جدي وعمامي ماحاولوا ياخذوني امي جانت فرحانه بيه وجدي ابو امي هم يحبني وبقت امي ماتقبل تتزوج لخاطري وربتني احسن تربيه لبستني احسن ملابس والعاب الى صار عمري 14سنه جدي توفى بوقتها اني صف ثالث متوسط امي كلش انقهرت وبدوا خوالي يستعملون اساليب الضرب والتعذيب بحفي كورقة ضغط في سبيل استسلام امي صرت اني صف رابع اعدادي فد يوم جنت راجعه للبيت شفت امي كاعده وتبجي للعلم امي صغيره وحلوه الي يشوفها عبالك اختي مو امي ولان جدي مدللها بقت حلوه بس بهذاك اليوم من شفت امي ودموعها حضنتها وماتحملت اشوفها بهل الحال وكمت ابجي وياها مسحت عيوني وكالت...
نور حبيبتي انتي بنتي وصديقتي اليوم خالج نازلني عن جزء من حصتي من الميراث وراح اتزوج مروان صديق خالج ...انتي موافقه ماما....ماعندي غير حل حبيبتي
اسيل ...
مواليد 1978 تزوجت ابن عمي الي جان اكبر مني بعشر سنوات ومااعرف عن تفاصيل الزواج غير المكياج والبدله لمن كملت كل المراسم ودخل زوجي عليه واتم زواجنه بعلامة عذريتي وبعدها كال اني مااريدج وباجر اترك البيت تزوجتج في سبيل ارضي اهلي وماتهميني بشي ولان انتي غبيه تحملي عواقب تفكيرج المحدود ودخل للحمام وتركني بحيره وحبست دموعي الطفوليه وحسيت بذنب لان ليش قبلت اتزوج ...ليش سمعت كلام الكبار وبقيت مختنكه ثاني يوم الصبح زوجي وعمي تعاركوا ودخل زوجي للغرفه جمع ملابسه وجان عصبي نار وطلع ماشفته بعد بقيت اسبوعين الدوره تاخرت اخذوني عمي وعمتي للطبيبه طلعت حامل والكل تفاجئ عمي حاول يتواصل ويه زوجي بس للاسف بعد تسع شهور حانت ولادتي وجبت نور بعد ذالك تطلقت من نزار ورجعت لبيت اهلي والدي ساعدني اربي بنتي ومااحتاج اي بشر طليقي عمره مايوم سال عني او عن بنتي عمي ابو طليقي بعض الاحيان.يجي يشوف الطفله ويجيب هدايا وحلويات وفواكه بس نور تنهزم وماتقبل تروح لجدها ...جنت مقرره اعيش حياتي لبنتي لان هي كل حياتي وعمري وتكبر وياي ومثل صديقتي لمن فديوم والدي اخذته المنيه وراح سندي بحياتي وبقيت وحيده مااملك اي رجاء بحياتي صديق اخويه اسمه مروان جان ارمل وماعنده اطفال شاب سني واني شيعيه حاول يتقرب مني وحسيت بشعور تجاه مروان موطبيعي وعوضني بحبه ولو شي بسيط وجان انسان طيب وحبنه جان فرحه الي قطع وعد.عليه انه يهتم بنور ونكون عائله سعيده اخويه حس بالموضوع وحاول يفرقنه بس زوجته اقنعته اتنازل عن نص الورث ويزوجني لمروان وفعلا تنازلت بنص لاخويه والنص الباقي الي...بعد فتره تزوجنه اني ومروان بيتنا بسيط مساحته 100متر وغرفه صغيره بالطابق الارضي لنور وغرفه بطابق الثاني الي اني ومروان...
نور...
بعد مافهمت امي تحب مروان ومتنازله عن ميراثها لخالي شجعتها تعيش حياتها بالرغم بداخلي شعور راح اخسر امي وبعد اسابيع من التحضيرات امي نزعت الاسود وغيرت شعرها وطريقة لبسها صارت وحده ثانيه يوم الزفه لبست فستان ابيض طلعت مثل الملاك بعد اسبوعين انتقلت اعيش ويه امي وزوجها وعشنا احلى اوقات حياتي سعاده ودلال صح حرب على العراق والامريكان بس ماتاثرنه للرغم مرات اغار من عمو مروان بس هو بطيبته يخليني اغير موقفي بعد ان استقرينه فد يوم اندكت الباب فتح الباب عمي مروان ودخل الضيف للاستقبال ودخل لامي بالمطبخ وجان مبين ضايج امي لبست حجابها وطلعت وره شويه صار عياط وامي عصبيه باوعت شف عمي اخو ابويه اني بس كم مره شايفتهه ويه جدو جان يجي يشوفني امي بقت تبجي حاولت اتفاهم وياها بس بحالة انهيار عمو مروان غمزلي اتركها اني تركتها ورحت لغرفتي اكتب بدفاتر الرسم والوان بالواني الباستيل بليل اندك الباب واجوي اثنين من اخوالي واحد بيهم جان يضربني دائما وشكله اسمر ضعيف وبدوا يصيحون على امي وضربوا عمو مروان وكاموا يعيطون عليه اكوم اجمع ملابسي بعد مااعيش ويه امي ورجال غريب لاعرضهم ولاغيرتهم تسمح بهل الشي ولازم انتقل اعيش ويه والدي الي كل عمري ماشايفته ولااعرف اي شي عنه وبهذاك الليل اخذوني بالغصب ومن دخلت لبيت خالي ضربوني ضرب موطبيعي وره يومين دزوني لبيت عمي وجنت زركه من الكتل بالموت اتحرك وحلكي ممرود بس ماي اكدر اشرب وره ايام اخذني عمي وصعدنه بسياره وطلعنه لسوريا وعيوني بس يدمعن حياتي انقلبت ومدرستي تركتها وتركت امي غصب وعمو مروان مايكدر يتدخل اكثر لان خوالي واعمامي ضد امي لمن وصلنا مدينة دمشق وجانت مدينه حلوه وماشفت مثلها ومناخها روعه استقبلنا والدي بسيارته وجان طويل ابيض شعره بيه شيب قليل وياه وحده بطوله وموكلش حلوه تحجي سوري وتحضن بوالدي الي جان كل سلامه شلونج اخوالج شلونهم وتعامله وياي جدا رسمي كئنما مو بنته اني يعني خطار غريبه ويستقبلني بطريقه بارده.... طبعا اني طويله كلش ورشيقه وشعري اسود طويل اسويه ضفيره من كد ماناعم وبشرتي حنطاويه عيوني سود كبار صح اوصافي عاديه بس شكلي مو عادي تقريبا اشبه المغنيه كاتي بيري بس عيوني سود وعندي شامه بركبتي بسبب دلال امي جنت احس نفسي طفله حتى ملابسي طفوليه بس من اجيت لسوريا وشافتني البنيه السوريه ماجنت اعرف منو هي بس عمي كال اعرفج هاي زوجة والدج وفاء .. هاي بسرعه اجت حظنتني اهلا فيكي حبيتي مثل القمر تشبهي البابا كتير وتضحك بس ضحكتها مبينه جذب الصراحه ماارتاحيتلها مااعرف ليش بس عرفتها تتصنع الحب......🔞للكبار فقط تصويت وتعليق حبايب
