School of Myths: Ang ikalawang aklat (COMPLETED)

Chapter 16: Ang muling pagkikita.

 

“Pasensya ka na po ate, pero hindi ako isang bagay.” Walang emosyong pagkakasambit naman ni Elle.

 

“*Hahaha! Walang dudang kapatid nga ni Alex itong si Elle! Parehas kasi silang magsalita eh!” Masayang pagkakasambit naman ni David.

 

“Sang-ayon ako don! Siguro na-mana nila ito sa Mama nila.” Sambit naman ni Melisa.

 

“Ang mabuti pa ay tayo na sa hapag-kainan. Kanina pa siguro tayo hinihintay don.” Walang emosyong pagkakasambit naman ni Alex.

“Mabuti pa nga.” Nakangiti namang pagkakasambit ni Mark.

Makalipas ang ilang sandali ay nilisan na nga ng magkakaibigan ang kwarto at nagtungo na sila sa lugar kung saan sila kakain. Mga ilang minuto din ang kanilang nilakad at narating na nila ang hapag-kainan. Sandaling napahinto ang magkakaibigan, dahil pamilyar ang lugar na ito sa kanila.

“Sandali lang, hapag-kainan ba ‘to o isang cafeteria?” Tanong ni Jigo.

(Note: Halos kasing laki ng school cafeteria itong kainan ng buong vampire clan, dito sa loob ng False of Truth Castle. xD)

“Pasensya na kayo kung masyadong malawak ang hapag-kainan na’min. Dito kasi kumakain ang buong vampire clan.” Walang emosyong pagkakatugon ni Alex.

 

“*Ahh.. Kaya naman pala.” Sambit naman ni Selina.

“Ate, tayo na doon sa lamesa na’tin. Nakahanda na rin ang mga pagkain para sa mga kaibigan mo.” Walang emosoyong pagkakasambit naman ni Elle.

Ilang sandali pa ay nagsimula na muling maglakad ang magkakaibigan, pero sa ngayon ay nakakaramdam sila ng kaba, dahil halos lahat ay pinagtitinginan sila. Mga ilang hakbang pa ay narating na nila ang lamesa na para lang sa kanila. Natuwa ang magkakaibigan dahil mukhang masasarap ang mga pagkaing nakahain para sa kanila.

“Whoa! Mukhang masasarap ang mga pagkain ah!” Masayang pagkakasambit ni Aron.

“Ayan ka na naman Aron! Umayos ka kung ayaw mong masaktan sa’kin.” Sambit naman ni Selina kay Aron.

“Oo nga naman Aron! I-ayos mo din yung pagkain mo, wag mong ipakita sa kanila ang tunay mong nature sa pagkain.” Sambit naman ni Melisa.

“Okay! Okay!” Medyo dismayadong pagkakasambit naman ni Aron.

Halos sabay-sabay umupo ang magkakaibigan at ilang sandali pa nga ay nagsimula na silang kumain. At habang kumakain ay palingon-lingon si Mark sa kanilang paligid at ilang sandali pa nga ay nakita na niyang papalapit sila Arthur, Elle at isa pang babae.