Every Beast Needs A Beauty (GLS#1)(Published under Pop Fiction, and MPress)

Kabanata 26

Dinilaan niya ang kanyang labi habang tinitigan ako pabalik sa salamin. Yumuko na lang ako at nagligpit ng gamit. Ayokong marinig... ayokong marinig ang mga katotohanang sinabi niya!

Naging normal na gabi iyon hanggang sa nakarating ako sa bar na madalas tinatambayan ni Rage. Sa madalas na sofa'ng inuupuan nila ay nagulat ako dahil sobrang daming tao doon. Mga babae at lalaking pare parehong sopistikada at mukhang may sinasabi sa buhay. Nakaupo sila doon mga mahigit labing limang tao. Ang iba sa kanila ay nakatayo na dahil hindi na sila mag kasya.

Wala talaga si Rage. Tumikhim ako at lumapit sa kanila.

Nang inisip ko ng ibang grupo ito ay nagulat ako dahil nakita ko si Brandon, Logan, at Kid doon. Napalunok ako at inisa isang tiningnan ang mga kasama nilang nagtatawanan.

"One pack of black, please." Matigas na ingles ang sumalubong sa akin.

Halos mapatalon ako sa nagsalita. Akala ko si Rgae, iyon pala isa lang sa mga kaibigan nila.

"Sure." Sabi ko.

"Nessa, may Marlboro Girl dito. Black?" Tanong ng isa pang kasama nila sabay tingin sa mga sigarilyong dala ko.

"Yes, please." Sabi ng isang matangkad, morena, at magandang babae. Naka puti siyang dress at ang bawat gamit niya ay sumisigaw ng karangyaan.

"Bilis, Ness. I don't want her to eavesdrop. May importante akong sasabihin!" Biglaang sinabi ng isang babaeng hindi ko naman makita.

Sa sobrang dami nila ay hindi parin ako nakikita ni Logan, Brandon, o ni Kid. Panay ang linga ni Kid pero masyadong matatangkad ang mga lalaking nakatayo kaya nasa likod lang nila ako.

"I said, faster Marlboro Girl! Shoo!"

Halos mapatalon ako sa nagsalita. Uminit ang pisngi ko sa hiya. Tumingin ang iilang mga kaibigan nilang lalaki sa akin ng nakangisi.

"Bilis daw miss. You need to go." Anang isang matangkad, payat, at half foreigner.

"Marlboro Girl?" Narinig ko ang boses ni Kid.

Nagtama agad ang paningin namin. Tumayo siya at agad na humakbang patungo sa akin. Mas lalo lang akong nahiya nang napawi ang ngiti ni Brandon at Logan nang sa wakas ay nakita nila ako. Nakakahiya. Habang tinitingnan ko ang mga mukha ng mga kaibigan nilang halos naiiirita sa akin dahil lang sa presensya ko ay mas lalo ko lang naramdaman ang agwat naming lahat.

"Sunny!" Lumaki ang ngisi ni Kid ngunit agad ding napawi nang may biglang humawak sa baywang ko.

"Buti naabutan kita." Hinihingal at napapaos na bulong ni Rage sa aking tainga.

Naramdaman ko ang hininga niya sa tainga ko kaya nilingon ko kaagad siya. Naaninag ko ang malalim niyang mga mata. Ngumuso siya sa akin at may isang maliit na box siyang ipinakita.

"Rage? Kala ko di ka makakasama?" Narinig ko ang sigaw ni Brandon sa gitna ng ingay.

"Tsss. What a scene." May narinig akong sumambit nito.