اغتصبني والله مخيبنيش

1

في الحياة الدنيا كنتعرضو شي تجارب تدمرونا وكنتلقاو بالشخض الخطا تعيشنا في احلام وردية وكنوضو من الحلم بكابوس مخيف كنحلو عيننا كلقاو راسنا بوحدنا بلا حبيب لا عائلة لاوخوت غير حنا وبس كنبكو وكنادو عليهم ولا مجيب .
انا سميتي اية كانت اية من جمال كلشي تتبهر بزيني وتربيتي واخلاقي طايتي عادية بحال اية بنت عازبة مغليضة مرقيقة شعري احمر طويل عيني كبار ودايرة زيف
عايشة فوسط مخافض جدا امي من عيالات لدايرين خمار والد ديالي ملتزم وعندي خويا صغر مني عندو 8سنوات وانا فعمري 26 عام
حياتي مثالية غير دار خروج قليل
تال ديك نهار لوقعات حادثة وتدمر ت معاها الفتاة النقية البريئة لكلشي تحلف بنقاءها خرجت من تما مصدومة معرفاش اشنو طرا وعلاش انا بالضبط علاش طرا معاياوهكا انا لكانت صاينة راسي لراجلي يطرا لي هكا بقيت غدا معرفتش فين غدا كنشوف نضرات ناس لي لكلها شفقة
جات في بالي ميمة منبع حنان اكيد غادي تر حمني انا مضلومة تفلا علي ولاحني غادي تفهمني وتوقف معاي مشيت كنهرول لدارتا غير دخلت لقيت ماما جالسة فصالون مشيت نجري عندها ترميت فحضنها وكنبكي
ماما : ( كتلمس لي فشعري ) مالك ابنتي شكون بكا غزالة ديالي
انا : اهئ اهئ مشيتةفيهاوماما صافي انتهيت
ماما : ( نوضاتتي ) مالك اشنو طراليك
انا : اهئ اهئ ( كتحرك بجهد )
ماما : نطقي خلعتني
انا : ضحك علي اماما صافي قتلني
ماما ؛ (،كضرب فخاضها ،) اويلي حي اويلي اشغادي نقول باك
انا : اهئ اهئ اغتصبني وضلمني اشغادي ندير
ماما : ( صرفقاتني )كون كلست فداركم كون موقعتيش في هاذ غلط لكن هاذ خفة ديالك فين وصلاتك اش غادي نقول بك وهو فيه سكر يمشي فيها
بنتو لي كان يفتخر بها قدام ناس وطات راسو مخلا شكون جا يخطبك مبغا يعطيك غير يستاهلك علاش ابنتي درتي فينا هكا اشدرنا ليك
انا : والله تامظلومة اهئ اهئ
ماما : ( ناضت عندي بدات تنتف لي شعري )ياريتك متي ولا هاذ حالة اش غادي نقول باك واش نقول ناس اه اربي اش درناليك الكلبة باش توسخي صمعتنا سكتي منسمعكش تال دبا عاد تبكي تا وليت بحال بنات زنقة قطعي حس مك سيري دركي كمارتك منشوفش كمارتك كحلة ....
دخلت بيتي واناومزال مضدومة ممتيقاش انا وقعت في فخ لذئب بشري علاش اربي انت وحيد لعارف اني بريئة ونقية ولكن ناس مغاديش رحموني ولصاق خبار بابا غادي قتلني ولا يقتل راسي اش غادي ندير اه وجهي ليوما وليتي كحل اكيد انتوما مفاهمنش والو تاانا بحالكم مفاهماش علاش الحقد فين توصل بنادم لهاذ حقارة حكايتي بدات نهار
✍✍✍✍✍✍✍✍✍
اليوم مختلف على ايام اليوم خديت اجازة ديالي فقانون بعد شحال وانا جالسة فدار بعدما خديت باك ديالي حتا هدا الله بابا وخلاني نكمل قرايتي لكنحماق عليها
جيت دار كنجري لقيت عائلتي صغيرة مجتمعة
انا : بركولي بركولي ونجحت اعباد الله
بابا : (ناض عندي ) واخيرا ابنتي. هزيتي راسي فوق انت فخر لي ( باس لي راسي )
انا : ( عنقتوو) الله يخليك اباباتي
ماما : وانا متعنقنيش
انا : وانا اقدر انت خير وبركة ( عنقتهم بجوج ) الله يخليكم لي ويخرج في خير
بابا : امين يلا الحاجة ديري لينا شي شهوة من عندك نحتفلو ببنتنا
انا : اه اماما ديري لينا رفيسة تشهيتها
ماما : ههعهع وخا جاتك
دخلات ماما توجد وبابا مشا جامع وحليت PS نتكونكطا منبقشش تصطحت مع صحبتي
انا ،: فين الشمكارة شتك غابرة مكتسولي موالو
رجاء : اه حب احبيبة تتلف لي ميتلف
انا : مممم فين لقتيةهاذ حب
رجاء : اه دخلت واحد موقع ديال زواج وتعرفت عليه شافني بغاني معقول وقريب يجي دارنا
انا ،: الله يسهل عليك اختي فرحتليك
رجا : امين جربي حضك دخلي ليه ماتعرفي تلقاي نصفك ثاني
انا : لا اختي نصبر تيزوجني بابا داكشي ديال شات كنخاف منو
رجا : اوا انتي تعرفي يلا حبينو تتصل بي نتشاوفو
انا : وخا
طفيت ps لقات راجل فشات زوينة هاذي واحد متخافش ....
فقت على اشعة. شمش تدغدغني وتقو ل لي انهضي من نومك فلا حياة مع الكسل فقت من نومي اتتاءب واتكاسل في اتجاه كوزينة هههه غير نفيق خاصني ناكل عاد يرجعلي ريزو ديال دماغي
مشيت كوزينة لقيت ميمتي موجدا لينا شهيوات
انا : صباح الخير ماماتي
ماما : (،شافت في وشداتها ضحكة )
انا : مالك كضحي ضخكني معاك
ماما : ( مشات جبت لي مرايا ) شوفي كمارتك
انا : ،( شفت راسي فمرايا وانا نتخلع ) شكون هاذي
ماما : هههه سولي راسك اويلي جمعي غير كندايتك وسيري مسحي داك زبل لكديري وجهك اففف امتا غادي ديري عقلك
انا : محال اماما عقل تشرف وانا باغا نبقا صغيرة
من هاذ هذرة كاملة كاين ميتكال
ماما : كوليني لي را ماكلة حداك
انا : ( متسوقش ليها دخلت فكريب وكيكا طول وعرض )
الحمد لله الله يخليك لي شحال زوينة نوض لقا ماكلة موجودة كنحس براسي اميرة
ماما ( هزات صندالة شيرات لي بها ساعة خويت عليها وجات في بابا مسكين )
انا : قفرتيهاوالمسخوطة
بابا : وانتوما مالكم عل صباح ديما مناكرات
انا : هانت تشوف الواليد مكتعياش
ماما : وخا غلى جدك ووجدي راسك وصل وقت لغادي تهزي علي حمل دبا نعلمك شغل بيت
انا ،: وقرايتي تانتزوج ونتعلم
ماما: دبلوم وخدتيه الله يجعل بركة
بابا : اه ابنتي صافي جلسي فداركم تنزوحك بسيد رجال
انا : عفاك ابابا بغيت نخدم ونكون نفسي
بابا : (خنزر في ) هذرة واحدة قلت كتعاود غير صلاة على نبي (خرح وخلاني )
انا : اهئ اهئ والله تاحرام كلشي خدام وتحوصو وانا في رابعة حيوط محبوسة عكاشة كتلقاي فيها وناسة وهنا والو
ماما : جمعي فمك وسيري جمعي بيتك ولا نكدو ليك كون تزوجتي ولد اختي كون راك هانية لكن انت باغا دبلوم ودوقي
انا : اوووف على حياة
دخلت بيتي انا ساخطة على وضعية دبا انا غادي نتحبس في بيتي ونتسنا فارس احلام افف زمر واش دنيا فيها غير رجال
مشيت نجمع بيتي لتجي والدة تنكدو لي هي على سبة بغاتني ناخد ولد اختها رويجل لي معندوش شخصية قدام امو هاذشي لبقا انا بغيت واحد قبيح شخصيتو قوية نبان انا انثى قدامو لكن خاصني نخدم سياسة معاهم
عاونت ماما فجميع دار ودخلت مملكتي لهي غرفتي دخلت نتكونكطا غير حليت فيس طلع لي واحد.بكوص لكن ماشي ستيل ديالي
والله تاصفط لي مساج نشد بيه خط تيدخلو بنات
ولد : سلام انا نوفل
انا : مرحبا انا نادين ( نتسطا شوية )
نوفل : فراسك انت غزالة جمالك واعر
انا : ( بدينا كذوب )
اه مرسي عويناتك لي زةينة
نوفل : مرتبطة ولا مزال
انا ،( فخاطري كنتسنا فيك تتجي ونرتبطو بليد )
لا هاذ ساعة لا
نوفل : مزيان فصراحة عجبتني ونويت معقول معاك ممكن نمرتك
انا : اوووف غادي نبداو فتبرزيط نبلوكيه ونتهنا
واخيرا بلوكتو مكرهتش نشوف كمارتو ههههع سرهم تعرفو غير يضحكو على بنات الناس شمايت ....