patak ng gripong naghihingalo sa tubig
patay sindi't mala christmas light na ilaw
talak dahil sa nasusunog na sinaing ni inay
sabayan pa ng walang tigil na iyak ni tinay
yabag ng mga paang naghahabulan
kung hindi mga musmos na naglalaro ng tagu-taguan
maaaring mga tambay sa kanto na tiyak nagkapikunan
o kaya'y magkapitbahay na nagkakasingilan ng utang
pagtipa ni utoy sa kalawangin at hiram sa kapitbahay na gitara
kalansing ng mga baryang sinusungkit sa alkansya pambili ng yosi ni ama
hilik ni Kuya Paeng na lango sa alak
ugong ng bentilador na pilit pinapawi ang mga pawis na tumatagaktak
o, Diyos ko!
wala na bang ikalulugmok pa?
puso't isipa'y manhid na
sa kahirapang tila karayom na tumutusok sa bawat parte ng katawang lantang gulay kakakayod
