الجزء 29 ولاني امراة سوزان المندلاوي .. جذب ... والله ولج خبزها خبز وتعيط .. درت وجهي ..كلت ميخاف الله عادي ..عندة ..كلشي ضرب مدري شايف نفسه ..كتلها ليش بله ..هم تعانده للرئيس .. ولج ...طلع....برة واجيتج احجيلي .. ماعرف .جنت جاي اطلع غراض من جوة الدرج .سمعت صوته عالي ..وهذيج تصرخ .. اي ... جيت دكيت الباب ..شبيك فهد وياها .. كال ..هاي مين جبتيها ..الي ..روحي شوفي ..قذارتها صار 7ايام ..يمها ..شوفي الصواني جوة الجربايه محشكه ..فتحي الكنتور .وشوفي الهوسه مو عبالك عروس ..تكولين باله .. هيه تحجي لا هذيج المسمومه.الحضريه .مسويتك خركه و.حركتك عليه الفصليه .. ولج عيني كمز عليها ..ملخهاماعرف اجر ايدة من شعرها ماعرف ادفعه .. ..ماعرف شون جريته من فوكاها ..وهيه تسب بيج .. اي..خطيه اووي .. باع هاي ..الفاهيه ام الوي ..خلي اكوم انه يصعد ضغطي يمج ...لا لا كملي .. جريته ..كال ...افتحي شبابيك غرفتها تخنك .. ييي الحضريه بيها الهوى .. ويهم عليها وانه اجرة طبت ..حلا.. طلعناه ..انه عبالي صعدلج .. لا ماكو ..ولج نايمه ...جنت .. اي مو اكلج فاهيه ..هسة يجي وافتهم منه شبيها ويا .. هاي ام عطوب .. سهام خطيه بعدها عروس ...شنو شكد ظالم .. غمتني من همداج ضلي ضلي ..خطيه وخطيه وهنه من يحركن دمج مايكولون خطيه .. والحجي شكال ..مادرة ولج لو يدري ..يخزي ..والله مايعقل خايبه ..هذا فهيدان مسودن ..فديوم اروح اشدة بامام يم سيد ..وتضحك .. سهام المرحومه هم هيج جان وياها .. تريدين الصدك .. اي .. لا بس وياح اختلف فهد بس .. شختلف ..بلتكفخ والحزام .. لا ولج ..اقصد لهفته الج .. اي ..هاي رغبه ..اصلا هوة ميعرف يحب ..ماخذ العالم تكفخ ..واوامر تكولين احنه جنود يمه .. اليوم يمج هوة لو شنو .. لا يم رشا .. خوش اروح اشوف شصار ..واجيج .. مو تنامين ... لا لا ..مانام انتظرج ... نزلت سهام اني ..انقهرت عليها رغم هيه تستاهل بس هوة ظالم ..عباله بلضرب يمشي ..العالم ..متخلف همجي .. مددت ..ع الفراش ...وطلعت كلشي من بالي ... مكدرت كمت الوب ..اني ... لبست ...عباتي ونزلت ... عالكه جوة ...فتت من يم غرفه رشا ..اريد سهام .. شفت حلا بلغرفه واكفه ورشا كاعد تمشط شعرها ....من شافتني حلا سدت الباب بوجهي .. ورشا تحجي بس ماعرف ..شنو حلا تكولها اسكتي ..يمعودة شبلاج بهليل ..هسة يهيج عليج .. طبيت للمطبخ ..فاطمه موجودة شافتني كامت تعوج بحلكها ..عكلت ..طكها ملخها .. كتلها خطيه .عروس ..فهد وحش من يومه ..اباع عليها اصفرت ...كتلها مبطق علينه قانون الغابه والله عبالة احنه حيوانات وبس هوة البشر ...شكد اكرهه من يضرب .. اتاشر الي بعيونها شبيج فطوم .. انداريت ورايه .فهد...رفعت راسي .. كال كملي كملي ..اسمعج استاذة ليال ..اي .. هااا..شكمل .. شدتحجين عليه .. لا موعليك احجي بصورة عامه ..الضرب اهانه للمرة .. انه وحش مو .. فاطمه ركضت عليه ..خوية شجرالك استهدى برحمانك واتعوذ من ابليسك...شبيك هايج ع دجاجاتك .. وطلعته ...من طلعته جرته سهام وطلعو برة .. رجعت فاطمه علية كالت بيج بخت ..جان ..هطرج .. كتله ميهمني بعد .. ولج ...سودنتنه للرجال ..وتضحك .. كتلها فطومه ..جوعانه ... اكلي ..خيه خير من الله زاد .. ي ..اريد طماطه بلدهن وكون لاجعه .. ضحكت يبو وو بدة وحامج ... ي ولج عيني متت .. كمت كليت طماطه ..بلدهن ..واكل عبالك اكل حلقوم .. موطماطه ..طبت سهام ..كالت بله هاي شحجي وياها زلمتها راح ينجلط ..وهيه كاعدة تتطحش.. ضحكت فاطمه ..كالت خيه ..حبله ...شتردين منها كالت كومي .. وين ... خايبه دروحي ..انه هامه روحي .. اوكفي بداعت الحجي بس اكمل ... اكلت بسرعه ..وغسلت المواعين ... ورحت لغرفتها ..جانت تنوم بجهالها ... كتله احجيلي .. شصار.. بلاوي ..خيه بلاوي .. شكو .. اسمعي ..اي دحجي ..مايريدها ..بعد .. اي مو لعبه هيه .. لا ولج يكول مو نظيفه ...وصخه ..وماتعرف اداري ...يكلي علميها .... اي ..تعلم ع الدلع والدلال ..ابن الشيخ .. ولج السانج .. ليال فهد يحبج .. منو يحبني .. فهد .. لا غلطانه حبي ..يحب راحته ويايه ..يحب نفسه وبس .. والله يحبج ..اسمعي شكال .. كعد ع الثيل ..ورث جكارة .. كلي ..ليال ...شبيها ليال ..السبب ..شلون ..رشا تكولي ..من يمي تلوب بس تريد تطلع ..وكل شويه صاعد الها ..وانه ..تتهزم مني .. كتله يجوز صح ..فهد حرام تظلم بخت رشا .. كال سهام ..وصخه ..وبس تتمضحك..انصح بيها وارزلها ..عبالك شاقه وياها .. جا تريدها تلطم .. سهام ..مو مرة معدله ..مثل ليال .. خاب ليال يمك ..وانت دفرتها ماتريدها لو بس اعرف شجره بينكم انه ارتاح واحلها ..من رجعتها من اهلها انت تغيرت وياها وهي همات ..شجره هناك .. صفن ..كال ماكو شي بس تعاند وانه ماريدها بعد .. انت مسودن والكعبه المن تريد لعد .. اريد ليال .. مو كتلك مسودن .. فهد ..انت كسرت ليال برشا ..وهسة راح تكسر رشا بليال وتاليها اثنينهم يعوفنك ويشردن .. ضحك ..كال اجيب الرابعه .. فهد ..انه اكثر من مرة كتلك انت اخوي واريد مصلحتك .. انت موتت ليال ..لا تموت رشا ولا ضل ..تلعب ..عليهن سهام ..ماتعرفين شي.. احجيلي .. جان يطب الحجي .. وكال خير عليمن هلجلسه .. انه كمت ..وطبيت الج .. .مدري شكله ..للحجي .. اها ..اي خيه ع كولتج اهااا ..حلوة هاي اهااا .. خايبه بروح ابيج سويلي باجر مال شموع ..وهاي سوالفج ..هذا الي تلزكي ع جسمج هم اريدن .. ضحكت كتلها من بطن عيني .. كالت ليله ..من الله احبج وصرت الج ..حارس ..واخاف عليج بداعه ويلادي .. واني هم احبج ..بوستها وطلعت ..ممر..وبي غرفه الحجي ... طلعت ..صاحتني سهام ..موتنسين خيه ع باجر .. اشرت الها من عيوني .. رحت للمطبخ ..اخذت فواكه ياربي شبيه ماشبع ..راح اصيل دب ..هيج ... وصعدت فوك ....حضرت هدومي ..حتى اسبح وانام .. صفنت ..كلت يجوز صح وسخه الزماله .. عليمن ارتب نفسي ..هذا البرتقالي مو خير عليها .. هوة الرجال شيريد..ترتيب .وضحكه حلو. ..ونظافه .. بس هذا الرجال ..موفهد المخبل .. .طلعت ..سبحت ... رجعت ..طبيت ..للغرفه ..عطرتها ...ورتبت روحي .. كمت اتعمد..ارتب روحي حتة لو مو يومي .. اعرفه يجي ..والبس شي ..مثير .. الا اكسر غروك فهد و.هلنفخه ..مالتك.. بدلت ..خليت الفواكه ..ومي ..ع الطبله ..ومددت بفراشي ...جريت الفون ..شغلت ..اغاني .. وغمضت عيوني ..الاغنيه ..اذتني .. صورتلي الدنيا جنه .... نزلت دموعي ماعرف ليش ...واني وعدت نفسي مابجي .. طب فهد ..عليه اخترعت .. كال هاي ويامن تحجين .وجر الفون مني .. خله السماعات باذانه ..كال هاي شنو .. شنو اغنيه .. وليش هيج لابسه ونايمه المن تشوفين .. فهد..شبيك انت بس تريد تتعارك كافي .. اريد اعرف المن لبسج .. ذكرت كلام سهام ..ع رشا .. كتله ليش المرة الا اكو رجال وتترتب ..لا عيني اكو اوماكو اني هيج..اترتب .. ال كومي ..اكوي هدومي ..وينها .. صعدتها رشا الج ..اي.. بس غسلتهن ..من جديد.. ليش .. مطكعه شنوليش .. وينها باجر عندي ..طلعه ..شارتها ..بسطح .. اي عيني ومنو شرهن ... اني .. بربج .. اي ليش ..لعد امي تجي تشر .. ماطلعين حديقه ولا سطح ولا شي ..انجبي وكعدي بلبيت .. اني كمت .جنت لابسه بدله عمل قصيرة .لونها .جويتي .. فتحت كنتورة .. كتلة شتلبس ..تريد .. كال ..بلديوان عندي كعدة .. طلعت اله دشداشه ..زيتوني ...وعلكتها...وحضرت حزام السلاح وساعته ومحابسه ..وجت كبالي الحلقه ..باوعت عليها ..وسديت الكنتور ..انداريت بوجهي .. كل ..ليال .. نعم .. من وراج ..كتلت رشا .. اني رجعت ...ع الكنتور ..اني شعليه .. لان ادور بعيونها ليال ومشفتها .. ادور ريحتج ..ادورشعرج ..ادروج ..ماكو .. فهد ..ميفيد هلحجي ..عفيه تعبانه اريد ارتاح .. ليال ..انه احبج ..يحجي بهمس ..وهدوء.. اي احبج واعشكج ..اتنفسج .. فهد ..اني فصليه .. انتي مرتي .. اني عار .. ليال .. فهد ..اني وياك منرهم بعد ..انت بعالم واني بعالم ليال ماكدر ..بدونج اتاذة واتعب ...اي ..والمقابيل شنو مابقيت اليه لا قيمه ولا قدر ولا كرامه ولا حب .. تقرب مني..باسني ..بين خدي وشفتي ... اني غمضت ..يمكن ردت ..اوكع ..كد مامشتاقه اله ولحضنه ..وعطرة وكلشي ..بي .. كتله وخر اني حرام عليك .. وردت اطلع ..منه ..جر ايدي .. كال ..انتي ملكي .. اني فصل ..وعار .. نسيت شتهمتني ..مو اني مهزومه ..وي واحد.. اغار ..عليج .. لا هاي موغيرة هاي ..هجمان بيوت وكسر ركب .. اغار اذا ..اخوي ضاك اكلج وكال طيب .. مو يجي واحد يحجي عليج عقل ماضل براسي .. وانت الي بي شنوهسة .. رجع ..فهد ..لطبعه ... انت رغبه دتحكمك..فهد .. باع اني نفسي الفصليه العار والي وكعت عكل والي عمي شمروني عليك ..حياه وياك ماكو طول العمر تضل تعير بيه. ساكت ... هذا واقع فهد ..غيرة ع شك ..ع ..اذيه ومذله ..وكرهه.. اني ماتحمل هيح ..ولا اكدر اعيش هيج ..نفترق احسن وكلمن يشوف حياته .. اي ..وترحين تزوجين.. حسيت ..بي ..كلت اللعب ..الطوبه ..يمي .. اي عوفني ازوج واعيش حياتي .. ازوجي وادزج يم الرفيق الاعلى .. انتي ملك الي افتهمي .. موملكك .ولا ملك احد ملك نفسي وبس .. يوم تحسني عار ..يوم تحبني ..لو مليت ..من رشا بسبوع ابقى اكسر بخت نسوان اريد اشوف تاليتك ..شنو.. جرني ..كلي انتي حلالي متمنعيني عنج ..وخرت عنه كتله فهد تعبانه اريد انام .. مو. بكيفج ..دفعني ع الفراش .. جر هدومي شكها عليه احس قلبي طلع من مكانه يدك سريع خله راسه ع صدري كال اسمعي كليبج يكول فهد احبك ..وكام يبوس بيه .. كلي حسي بيه بناري واشتياقي الج ماشفت مثلج مرة تعبان بدونج حتى نوم مانام ليال ..اريد ليليتي مشتاق الها كتله ..اخذ الي تريدة مني وكوم .. هذا الي جابك وخلاك تحجي عن الحب مو .. اخذ غصب ومو براضتي عادي كلشي وياك عشته جبر ميفرق شي .. كفر ..وكام من يمي .... كعد بلكاع ..يدخن ... اني ..كملت غراضه ..وحضرت هدومه .. طفيت الضوة ونمت ...بلفراش ..اخ شكد صعبه عليه .. سم جنت داجرع سم ..وصلت كل الي اريدة .. وواجهته ..بكلشي ..بصعوبه يمكن بعد هلليله خسرتك .. ولو اني خسرانه كلشي وياك فهد ....من اول يوم .. خسرتني كل شي ..من جيتك ..وهجمت عليه ..موتت كل احساس بيه وماعرف شلون ..سلمتك نفسي برضاتي .. بس ضوك الاحساس شوف المر مو كل النسوان الك .. ولا كل مرة تقبل ..تنهان انوثتها .. طلعت عيني ..وتريد ..احبك ..لا انتهى .. .انت الي نهيت بايدك كل شي ..فهد .. ..كام من يمي ..حسيت الباب انسدت .. نمت .. كعدت ثاني يوم نزلت ..مثل كل يوم شغل وبيت .. سهام جتي عليه .. كالت ليش فهد نايم ..يم الحجيه .. ماعرف يمكن ضاج منه اثنينه .. هاا..ماتوقع ...ليال كافي فكيها ويا عاد .. كتلها ماعندي شي وياه حتى افكه .. هوة وينه هسة .. كالت طلع ..شعجب .. والله ليله سالفه الكاع متعبتهم .. ياكاع .. ليش ماتعرفين .. لا ..اكو كاع اشتروها ..وصار بيها اشكال ع السند .. اي .. وجاي يحلوها ....شعجب ماكلج .. ماعرف والله .. طبعا اذا انتي عابسه الوجه ورشا هم وين يروح ..كافي ترة انه اطكج ..ماتحمل اشوفه مقهور كلش اودة اخوي الصغير ..هاذ .. وبقينه انسولف .. طبت رشا الوجه مكلوب ..سهام كالت غلسي عنها .. اني هم ..كمت اشتغل .. اجت يمي ..كالت ..سحورتج اله اطلعهن ..وانتي ..تبقين فصل ..لو جبتي عشرة منه ..وانه ابقى بنت شيخ ..لويخلف مني واحد تختلف .. اي والي تريدي شنو .. كفي عنه ..وعوفينه مرتاحين كاعدة تحشين بلزمه علي .. رشا ..اذا انتي الج واهس من الصبح تتعاركين ..فاني حامل ومالي واهس شي ..وفهود ..يخاف ع النونو .. سهام ..جتي هااااااااا شكو .. كتلها ماكو شي بس تسال ع ..نوع العطر الي استعملع الظاهر فهود ..كايل الها ..ع عطري .. كالت والله انه ...ماحتاج عطر ..بنت شيوخ وعطري هيل ..خلي ع حالج هذول موتي روحج بيهن .. ولا تخوفيني بسهام .. سهام خاف ماخذة ع البيت كله انه غير ترة ... انه .. هييييييييي سهام عاطت بيها ..انه وانه انتي منو .. لزمي حدج وياي ..ترة بلطكاك ..وهاي عطوبج اسويهن ..مصيادة للجهال ..لا عبالج انه سهله ..لا خيه ..اطلعج منا بليله سودة ..يلا روحي لعبي وي الي بكدج ..طبت النه نافخه روحها بنت شيخ واحنه شنو .. ولد كيوليه ...نسيت روحي واريد اسكت سهام .. تسكت وترد تحجي .. هيه نهزمت .. سهام كالت ..هذا حجي حلا خوش عكربات ...انه الهن .. اذا ماخليها تبجي ...بسيطه .. هناك وتحجي بصوت عالي ...صوجي انه جريته من شعرها ..لو هالسه الها ..ولو هذول يموتن ع الكتل يكتل منا وتنام بحضنه ..منا من جوة الهايشه ..للبيت .. بنت شيخ ..عود الشيخ يوزع راتب النه ..والله يالله .. كتلها كافي سهام .. ليال ..انه مو مثلج حقي بيدي اطلعه .. كتلها راح تكولين للشيخ .. لا طبعا ..ماكله شي ..بس اشوفه بعينه .. شلون .. مالج شغل انتي ...انه الهن .. وبيومها حلا مشفتها لا هيه ولا رشا ..خنسو .. وباقي اليوم جان هادء ..مابي مشاكل .. بس بقيت صافنه ع قوة سهام مين جابتها .. جابتها من الشيخ اكيد ..الحجي يموت عليها ..رغم الحجي شكله كلش حلو ...وهيبه بس من تحاجي عيونه ع حلكها عبالك اول مرة يشوفها ..واني فهد حاير بس يطك .. عبالك مشتري ..نفاخه مال ملاكمه .. والله خرستهم..تخرس ..واختفو ..ولا سكتت تروح تجي تسمع حجي .. امهات الوصخ كل وحدة لسانها شطوله ... بس بيهن خير يسون طلايب ... وغرفهن ريحه العفن تكتل منه مدري حموضه .. تسكت ..وترد تحجي ..ولا سكتت ..ابد .. ع الغدة تغدو بلمطبح ..حلا ورشا ..بيومها الولد اتاخرو مجوي ..وبقو وحدهم ..وسهام كالت عوفي المواعين وصعدي ورايد اشوف منو الي مايغسلها لا اغسل حظه غسل حتى فاطمه كالت الها مالج شغل ودخل .. والله صعدنه فوك ..نمت .. حسيت العصر ..وماكو فهد .. نزلت ..سالت كالو مجوي .. شويه ويجون .. بلغروب اجوي ..تعبانين ..ويحجون بطلابه .. اذا ماصارت منا لسبوع ..تصير طلابه .. فهد صعد ..فوك سبح ..وصاحني اصعد اله غدة .. صبيت اله ..وصعدت ...تعبان واعصاب ..كاعد .يحرك برجله عرفته متوتر ومعصب ..خليت يمه الاكل .. سالني ..شصار ..اليوم .. ماكو شي .. وهاي ..رشا .. ماكو شي .. جا خوش .. بين مااكل ..اني سويت الجاي وصعدته ... شرب جاي ..كال ..سهر ماريد اي احد يصيحني تعبان .. كلش .. 29 اوك فهد ..بين ماشرب جاي نزلت غسلت المواعين .. وصعدت يمه ... مدد بلفراش ..نايم بس بلشورت ..جسمه ..مربوع ..واسمر سمارة طوخ ..جنت اشاقة ويا اكوله انت الكاكو مالتي يكولي لا انه المزنجر ..وانتي الكيمر .. ضليت اباع عليه ذكرت ذيج الايام الي عيشني بيها بجنه ..سحرت ..كلي ليال ..ها .. شبيج ... داخذ صينه الجاي ..كال عوفيها .. تعاي مرغيلي ..جسمي يوجعني .. اني صفنت ..كتله مرغيلي شنو .. ضحك ..يمه رصعاته يمه ..ولج لا تستسلمين ..لا رصعاته ولا عضلاته ..هذا نفسه الي طلعج بلا شرف .. عيني فركيلي ...جسمي يوجعني .. اي .. وكعدت ..فركت ..اله رجله .. جان خال سماعات باذانه ..مدري شيسمع .. كال تحبين الاغاني .. كتله طبعا .. كال سامعه برائد جورج ..صفنت عليه ..سامعته ومتوقعت هوة يسمع ..هيج ..اقوى شي يسمع خالي .. كتله شبي .. كال سمعي ..حيرتيني ..لرائد جورج .. فركي ..هوة انتي ..مال هذا الي سلبو محفظته يارائد جورج .. ضحكت .. كال الله ..مشتاق لهل ضحكه والله ..من رحت فدوة الها صدك ..اكو علبه مال ..بقلاوة جبتها الج .. يم الغراض ..ذكرت تحبين ..الحلو .. اقصد ابني يحب ..الحلو وليدي ..شبل .. يومه شبل منو .. ابني .. ومنو كال حامل بولد .. انه ..اعرف .. واذا ابنيه .. مرغي عدل .... اي دافرك .. انتي شسمج ..شنو شسمي ..اسمي ..ليال .. اسميها ..ليالي .. ايباااخ .... ليش .. هيج بكيفي ..جهالي وحر بيهم .... من اسمها حظها مثلي ..اويلي عليها .. اييي اويلي ..يابعد طوايفي .. باوعت عليه خال ايدة ورة راسه ...ويحجي ويبتسم ..شمالج اويلي خوش تمرغين .. اتفركين اسمها ..ايي يلحضريه ..ع هواج انه امشي .. ايي ماكلتي الي ..سسوت هلطركاعه .. منو .. رشيوة.. ههههه هاي مين جيب هلسوالف .. هذا حجينه ..يابنت العالم .. كمت من يمه طلعت العلبه مال بقلاوة وكعدت اكل .. كال ترة كالولي .. شنو .. ع رشا .. اي شسوي الها هوة اني مكفخه هنا ..عادي ..واذا حجت هيه بنت شيوخ ..فهد .. ليال ..هواي تلحين ..ترة ..بزعتيني .. لا فهد مو اني هذا واقع وانت وغيرك دائما تكوله عليمن استحي منه .. كال ..ليال ..مابس عاد ..واذا ع رشا ..انه اسكتها ..واكص لسانها ..والله ... اجاه اتصال .. كام يحجي وكام ..من مكانه رايح جاي .. ويكول وحك ابوي وترابه ..اهد عليهم ..افنيهم ..منا لسبوع ان ما جع الحك النه ..مايلومون فد روحهم ..سدة .ودخن كتله شكو شصاير .. ماصاير شي ..لا دوخين روحج ..وكعد يدخن .. وكلي طفي الضوة خلي اريح .. جسمي .. البيت جان مكهرب ..وضعه الحجي ..والولد وفهد ..مافتهمت شي ..بليل سويت الغرفه لسهام .. وراها ..سويت عشا ..وي البنات .. كملنه...رشا بومه بس سكتت ..وسهام بس تبسمر .. الهم ..وتتوعد .. شفت دهن مجبوب ..يم الطباخ .. حلا كالت هاي تكلاتج ..جابه هنا ..الدهن كتلها مو اني الكل تعرف شغلي مرتب ..وعدل .. كالت جلفي .. كتلها اجلفه وموانتي تشرطين عليه هذا بيت رجلي ..واني احب اشتغل بي .. كتلها سهام ..اني انظف المطبخ .. شكو شصار .. مصار شي .. فهد وين .. بلديوان جاين يمهم الربع .. ها خير ان شاء الله .. راحت .. اني هم كمت نظفت الطباخ .. طبت ..رشا ..مدري شتحجي ..ضجت ..صحت واحد من للجهال..كتله جيبو فوني فوك والسماعات .. جابو كلت الي سماعات واخلص ..خلي اسمع اغنيه فهد حيرتيني .. خليت السماعات .. بدت الموسيقى حسيت روحي مو هنا بغير مكان .. بشارع ..وظلمه ..ومطر خفيف .. وكمت اجلف الكاع .. كلت الله الله ..ع الكلمات ..شنو هلاغنيه .. حيرتيني ...عذبتيني ..وياج ..املتيني .وخليتيتي اهواج .. اهوااج ..سمعتيني .وعيشتيني ..باحلام .. ماحس روحي ..الا ازحلكت ..ووكعت .. وللحكايه بقيه .. شهرزاد
